19 mamlakatning milliy antidoping tashkilot (NADO)lari rahbarlari Rossiyani barcha xalqaro musobaqalardan chetlatish va uni xalqaro turnirlar mezbonligidan mahrum qilishga chaqirdi, deya xabar bermoqda Meduza.
AQSH Antidoping agentligi (USADA) axborotiga ko‘ra, ushbu qaror Dublindagi sammitda qabul qilingan.
Mazkur bayonot berilishiga Richard Maklaren komissiyasi o‘z hisobotining ikkinchi qismini e’lon qilishi sabab bo‘lgan: hisobotda Rossiyada doping ommaviy ravishda qo‘llanilgani va doping tekshiruvlarining ijobiy natijalari yashirib kelingani haqida so‘z boradi.
Antidoping tashkilotlari vakillari rossiyalik sportchilarga, tegishli tekshiruvdan o‘tgan holda, hech bir mamlakat sharafini himoya qilmay, betaraf atlet sifatida musobaqalarda qatnashishni taklif qilgan.
Bayonotni imzolagan 19 ta mamlakat qatoridan Avstriya, Belgiya, Kanada, Xorvatiya, Daniya, Estoniya, Finlyandiya, Fransiya, Germaniya, Irlandiya, Yaponiya, Niderlandiya, Polsha, Sloveniya, Ispaniya, Janubiy Afrika Respublikasi, Shvesiya, Shveysariya va AQSH o‘rin olgan.
NADO sammitining taklifiga javoban, Rossiya bosh vaziri o‘rinbosari va sobiq sport vaziri Vitaliy Mutko Rossiyada doping bo‘yicha davlat dasturi amalda bo‘lgani haqidagi da’volarni yolg‘on deb atadi.
Misol tariqasida Mutko rossiyalik sportchilar tekshiruvi bilan Britaniya antidoping agentligi (UKAD) shug‘ullangan 2016 yil yakunlarini keltirdi. Yil davomida faqat 26 ta qoidabuzarlik holati aniqlangan bo‘lib, ularning 21 tasi yil boshida taqiqlangan meldoniy moddasi bilan bog‘liq.
Maklaren o‘z hisobotida mingdan ortiq rus sportchilari u yoki bu darajada doping qabul qilishga aloqador ekanini ta’kidlagan. U, shuningdek, 2014 yil Sochida bo‘lib o‘tgan Olimpiada vaqtida ijobiy natija ko‘rsatgan doping namunalarini maxsus almashtirib qo‘yish jarayoni amalda bo‘lgani haqida ma’lum qilgan; uning ta’kidlashicha, bu Rossiya Federal xavfsizlik xizmati (FXX) ko‘magida amalga oshirilgan.
Maklaren boshchiligida Jahon antdoping agentligi tomonidan o‘tkazilgan tekshiruvlar natijasida rossiyalik paralimpiyachilar Rio-de-Janeyroda o‘tkazilgan 2016 yilgi Paralimpiya o‘yinlaridan chetlatilgan edi. Musobaqalardan, shuningdek, rossiyalik barcha yengil atletikachilar ham chetlatilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
