Quyida nomi keltirilgan futbolchilarning narxlari 2016 yilning boshida minglik summada belgilangandi. Ammo keyingi 12 oy mobaynida bu ko‘rsatkich millionlarni tashkil etib, ularni xarid qilishga ishtiyoqmand klublar soni ham ortdi. Ko‘raylikchi, bu noyob topilmalar ro‘yxatida kimlar bor ekan?
Oliver Burk - «RB Leypsig»
Yoshi: 19
Pozisiyasi: qanot yarim himoyachisi
Yil boshida: 100 ming yevro
Yil oxirida: 10 mln. yevro
Foizda: 9.900,0
«Nottingem» tarbiyalanuvchisi yozgi transferlar payti Germaniya chempionatiga ko‘chib o‘tgandi. «Buqalar» professional faoliyatini boshlaganiga bir yil bo‘lgan, chempionshipdagi klubda o‘ynagan yosh futbolchi uchun 15 mln. yevrodan voz kechishdi.
Burk bu summani dastlabki o‘yindayoq oqlab, «Borussiya D» ga qarshi bahsda g‘alaba goliga assistentlik qildi. «Leypsig» ustozi bu shogirdining iqtidoriga yuksak baho berib, uni uelslik Garet Beylga qiyosladi. Oliver Shotlandiya termasida 4ta uchrashuvda maydonga tushishga ulgurdi.
«Burk o‘yindan-o‘yinga ochilmoqda. U vaziyatni tezda uqiy oladi va biz uchun «o‘nlik» pozisiyasida muqobil variantga aylanadi. Biz Oliverni aynan shuning uchun xarid qilganmiz», - dedi Xazenxyuttl.
Usmon Dembele - «Borussiya D»
Yoshi: 19
Pozisiyasi: qanot hujumchisi
Yil boshida: 250 ming yevro
Yil oxirida: 18 mln. yevro
Foizda: 7.100,0
Bu o‘yinchi kutilmaganda kamtar «Renn» safida ko‘rinish berib, tez orada asosiy tarkib a’zosiga aylandi. U bir mavsum davomida fantastik o‘sishga erishib, hech kim tanimaydigan bolakaydan sayyoramizning kelajagi porloq futbolchisiga aylandi. Dembelening transferi Yevropaning deyarli barcha top-klublarini qiziqtirib qo‘ydi.
Da’vogarlar orasida yulduzlar yetishtirishni qoyillatadigan «Borussiya» ustunlikka erishdi. Usmonning Germaniyada ishlab yurishib ketdi, jamoa yetakchisi va eng yaxshi assistentiga aylandi - 12ta golli pas-5ta gol. 2016 yil dekabrida ishqibozlar o‘rtasida o‘tkazilgan so‘rov natijalariga ko‘ra, Dembele bundesliganing eng yaxshi o‘yinchisi deb topildi.
Renatu Sanshesh - «Bavariya»
Yoshi: 19
Pozisiyasi: markaziy yarim himoyachi
Yil boshida: 800 ming yevro
Yil oxirida: 30 mln. yevro
Foizda: 3.650,0
O‘tgan yil portugaliyalik yosh futbolchi uchun fantastik tarzda kechdi. «Benfika»dagi «oltin dubl», Yevropa chempionligi, «Eng yaxshi yosh o‘yinchi» sovrini... Darhaqiqat, bunday natijalarga erishish uchun juda katta iqtidor sohibi bo‘lish darkor. Ushbu holat qaysidir jihatdan «Lester» ertagini yodga soladi.
Jahon futboliga Sansheshni tanishtirgan «Benfika» uning transferini 70 mln. yevroga baholadi. Dastlab «MYU» mazkur summani berishga tayyor endi, biroq «Bavariya» bu borada manchesterliklarni ortda qoldirib, Renatu uchun 35 mln. yevro to‘ladi. Shartnomadagi yirik bonuslarni ham qo‘shib hisoblansa, portugaliyaliklar xohlagan 70 mln. kelib chiqadi.
«Agar men «MYU» skauti bo‘lganimda, Sansheshni allaqachon klubimizga qo‘shib olardim. Uning sochlaridan ushlab bo‘lsada yetaklab kelardim. Renatu zamonaviy o‘yin-chi. Baquvvat, texnik jihatdan yetuk, aniq pas berish va kuchli zarba yo‘llashda benazir. U hali yosh, lekin mas’uliyatni o‘z zimmasiga olishdan cho‘chimaydi», - dedi Rio Ferdinand portugaliyalik iqtidor haqida gapirarkan.
Benjamin Xenriks - «Bayer 04»
Yoshi: 19
Pozisiyasi: qanot himoyachisi
Yil boshida: 150 ming yevro
Yil oxirida: 5 mln. yevro
Foizda: 3.233,3
Germaniya o‘smirlar terma jamoasining qora tanli himoyachisi so‘nggi yilda narxi oshgan futbolchilardan biriga aylandi. Ammo bugungi ro‘yxatdan o‘rin olgan boshqa o‘yinchilardan farqli o‘laroq, uning uchun top-klublar yirik summa to‘lashmadi. Aks holda, u yanada qimmatroqqa baholanayotgan bo‘lardi. Xenriks hozirgi darajasiga bitta klubdagi faoliyati orqali erishdi.
Yoaxim Lyov JCH-2018 saralashidan o‘rin olgan San-Marino va Italiya termalariga qarshi bahslarda Benjaminni ham milliy jamoa tarkibiga jalb etdi. Autsayder bilan kechgan uchrashuvni Xenriks dastlabki daqiqalardan boshlab, 90 daqiqa munosib harakat qildi. Aynan shu himoyachi Germaniya termasida Filipp Lamga munosib o‘rinbosar sifatida ko‘rilmoqda. Bu holat «Bavariya»da ham ro‘y bersa, ajabmas.
Manuel Lokatelli - «Milan»
Yoshi: 19
Pozisiyasi: tayanch yarim himoyachisi
Yil boshida: 150 ming yevro
Yil oxirida: 5 mln. yevro
Foizda: 3.233,3
Loka «Milan»dagi dastlabki o‘yinlarini 2015|2016 yillar mavsumida o‘tkazgan bo‘lsada, keyingi yildagina o‘sishga erishdi va uning narxi qisqa muddat mobaynida keskin oshdi. «Rossoneri» ustozi dastlab iqtidorli futbolchini asosan zaxiradan maydonga tushirdi, lekin «Sassuolo» darvozasiga urgan golidan so‘ng uni boshlang‘ich tarkibga kiritadigan bo‘ldi.
Keyingi o‘yin, ya’ni «Kyevo»ga qarshi bahsda Manuel u qadar ko‘zga tashlanmadi, lekin «Yuventus» bilan uchrashuvda g‘alaba golini urgani ishqibozlar xotirasida uzoq saqlanib qolishi turgan gap. Futbolchi va yangi «Milan»ning o‘sishini astoydil kuzatamiz.
«Lokatelli - bizning kelajagimiz, unda navbatdagi Pirloni ko‘ryapman, aqlli va texnik jihatdan mukammal o‘yinchi. Biz «Milan»ning yangi g‘alabalar siklini boshlamoqchimiz. Buni esa yosh va italyanlardan iborat tarkib bilan amalga oshirmoqchimiz. Aynan shuni orzu qilaman. Shubhasiz, Manuel rejamizning bir qismi bo‘ladi», - dedi Silvio Berluskoni.
Buxoro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
