O‘zbekiston kubogining 1/16 finali doirasidan o‘rin egallagan “NBU-Osiyo” – “Metallurg” jamoalari o‘rtasidagi uchrashuv poytaxtlik muxlislar qatori G‘uzorning “Sho‘rtan” jamoasi murabbiylari ham kuzatib borishdi.
Zero, mamlakat chempionatining 4-turida Bekobodda mehmon bo‘ladigan “Sho‘rtan” ustozlari Ixtiyor Karimov hamda Mikola Shevchenkolar mazkur o‘yinga shunchaki tomoshabin emas, keyingi raqib o‘yinini o‘rganish maqsadida kelganligi hech kimga sir emas.
Uchrashuvda bekobodliklar yirik hisobda g‘alaba qozonishgan bo‘lishsa-da, g‘uzorlik murabbiylarni hayron qoldiradigan darajada o‘yin namoyish etishgani yo‘q. Faqatgina tajriba borasidagi ustunlik yakunda hisobning 3:0 bo‘lishini ta’minladi. Aslida poytaxt viloyati vakillari yaratilgan barcha vaziyatlardan unumli foydalanishganida hisob bundan-da yirikroq ko‘rinish olardi. O‘z navbatida mavsumdagi birinchi rasmiy o‘yinini o‘tkazgan bankchilarda ham bir qator imkoniyatlar bo‘ldi. Katta ishtiyoq bilan to‘p surgan birinchi liga vakillariga ba’zi vaziyatlarda tajriba hamda omad yetishmagan bo‘lsa, aksariyat holatlarda Hikmat Hoshimov boshchiligidagi himoyachilar va darvozabon Suhrob Sultonovning mahorati gol kiritishlariga xalaqit berdi.
Uchrashuvdan keyin “Metallurg” ustozlari natijadan qoniqish hosil qilganliklarini, o‘yindan esa ko‘ngillari to‘lmaganliklarini yashirishmadi. Kubok uchrashuvidan keyin “Metallurg” futbolchilariga bir kunlik dam berildi. Ertadan jamoa “Sho‘rtan”ga qarshi uchrashuvga tayyorgarlikni boshlaydi.
“NBU-Osiyo» (Toshkent) – «METALLURG» (Bekobod) – 0:3 (0:1). Toshkent. “NBU” stadioni. 114 tomoshabin. Hakamlar: I. Tantashev -8,7; H. Shodmonov – 9,0; A. Qo‘ldoshev – 9,0; J. Muxtorov – 9. Nazoratchi: G. Imomov (Toshkent). Gollar: Zohid Abdullayev (42, 53), Dilmurod Karimov (90). "NBU-Osiyo": Sanjar Yo‘ldoshev, Mirshod Fayziyev, Humoyun A’zamov, Rashid Sharobiddinov, Shohrux Abdurahmonov, Sunnatulla Abdullajonov, Ramziddin To‘xtanazarov, Sobit Sindarov, Berumi Abdunabiyev, Orifjon Abdug‘afforov, Jahongir Ahmadov. Zahira: Oripxo‘ja Abduxoliqov, Alisher Salimov, Ravshan Do‘smatov, Saidjon Sotiboldiyev, Davron To‘ronov, Avaz Ismatov, Soyibjon Safarov. "Metallurg": Suhrobjon Sultonov, Hikmat Hoshimov, Doniyor Odilov, Ayubxon No‘’monov, Sanjar Qodirqulov, Davronbek Karimqulov, Zohid Abdullayev, Mirg‘iyoz Sulaymonov, Kamronbey Kopadze, Jahongir Abdumo‘minov, Doniyor Ismoilov. Zaxira: Zafar Safoyev, Dilmurod Karimov, Farhod Namozov, Murodjon Toshmatov, Alisher Ziyovuddinov, Islombek Isoqjonov, Timur Usmonov.
Ogohlantirishlar: R.SHarobiddinov (45+1), O.Abduxoliqov (76) – M.Sulaymonov (29), D.Abdumo‘minov (45+1), K.Kopadze (47), D.Ismoilov (63), Z.Abdullayev (77), F.Namozov (90+2).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
