Futbol millionlar o‘yini. Dunyo bo‘ylab millionlar yoshlar va kattalar ushbu sport turi bilan shug‘ullanishadi. So‘nggi yillarda yurtimizda ham futbol jadallik bilan rivojlanmoqda va ayniqsa, bolalar futboliga bo‘lgan qiziqish ortmoqda.
Bugun Toshkentdagi Yoshlik sport majmuasida Germaniyaning “Fussball-Internat Schlotheim” futbol akademiyasi bilan hamkorlikda tashkil etilgan “Junior Football League” bolalar futbol maktabining ochilish marosimi bo‘lib o‘tdi.
Mazkur tadbirning tantanali ochilish marosimida o‘zbek futboli afsonalari, uning rivojiga hissa qo‘shgan insonlar, FIFA referisi Ravshan Ermatov, murabbiylar Baxtiyor Ashurmatov va Ulug‘bek Baqoyev, yosh futbolchilar o‘z ota-onalari va yaqinlari bilan birga Germaniyadan tashrif buyurgan yosh futbolchilar, mutaxassislar ishtirok etishdi.
Ushbu maktabda bolalar alohida yosh toifalari bo‘linib, futbolning sir-asrorlarini o‘rganishadi. Dastlab maktabda “JFL-Tashkent”ning 3-6 yoshdagi dasturi ish boshlagan bo‘lsa, hozirda ularning safi kengayib, 2007-08 va 2009-10 yillarda tavallud topgan yoshlarni tayyorlash loyihasi ham ishga tushirilgan.
– Bu loyihani ishga tushirishdan asosiy maqsad kuchli futbolchilarni tayyorlashdan iborat. Bundan ikki tomon ham manfaatdor bo‘ladi, deb o‘ylayman. Bu yerda futbolchilar tayyorlanib, Germaniyaga borishadi va u yerda mahoratlarini oshirishadi. Bundan tashqari bizdan ham murabbbiylar va mutaxassislar o‘z tajribalarini mahalliy murabbiylar bilan o‘rtoqlashadi. Bizning maktab 2003-04 yilda ochilgan. O‘shanda biz ishni atigi to‘rt nafar bolalar bilan boshlaganmiz. Hozirda ularning biri maktabimizda murabbiylik qiladi. U mening birinchi shogirdlarimdan. Vaqt o‘tib, sekin-asta o‘z ishlarimizni kengaytirdik. Bizda asosan bolalar 11-12 yoshdan qabul qilinadi. O‘ylaymanki, bu hamkorligimiz orqali bir-biridan kuchli futbolchilar yetishib chiqadi. Bizning maqsadimiz o‘shalarga yordam berish, – deydi nemis futbol maktabi birinchi murabbiyi Xarald Frits.
Tadbirning ochilishi marosimidan so‘ng ishtirokchilar va mehmonlarga o‘zbek milliy taomi bo‘lmish palov ulashildi. Bundan tashqari bir-biridan xursand va quvnoq bolalar ajoyib Varrak-shouni ham tashkil qilishib berishdi.
Biz ham ushbu futbol maktabining ishlariga rivoj tilaymiz va kelajakda terma jamoamiz sharafini munosib himoya qiladigan futbolchilar yetishib chiqishiga umid qilamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
