Jami 4ta gol. Qatar chempionatining so‘nggi, 26-turi hamyurtlarimiz uchun omadli keldi. Xususan, ikki nafar futbolchimiz - Temurxo‘ja Abduxoliqov va Sanjar Shoahmedovni o‘z safiga jamlagan «Al-Sayliya» o‘z maydonida «Al-Vakra»ni 3:1 hisobida yengdi. Mazkur g‘alabada Temurxo‘ja bosh rolni bajardi. Ya’ni «Sayliya»ning 2ta goli uning hisobiga yozildi. Sardor Rashidovning klubi - «Al-Jaish» esa safarda «Al-Sadd» bilan to‘qnash kelib, 1:2 hisobida imkoniyatni boy berli.
«Jaish»ning yagona goliga aynan terma jamoamiz yarim himoyachisi mualliflik qildi. Sanjar Tursunov ham maydonni golsiz tark etmadi. Uning 9-daqiqada yo‘llagan ajoyib zarbasidan so‘ng «Al-Huraytiyat» hisobda oldinga chiqib oldi. Keyinchalik «Al-Garafa» darvozasi yana bir bora o‘qqa tutildi. Gol muallifi - Tiberkani. Xullas, Tursunov jamoasi 2:0 hisobida zafar quchib, chempionatni yaxshi kayfiyatda yakunladi.
Qatar Yulduzlar ligasining 2016-2017 yillar mavsumida «Lahviya» chempionlikni tantana qilgan bo‘lsa, hamyurtlarimiz jamoalari quyidagi natijalarga erishdi:
«Al-Jaish» (Sardor Rashidov) - 4-o‘rin
«Al-Huraytiyat» (Sanjar Tursunov) - 7-o‘rin
«Al-Sayliya» (Temurxo‘ja Abduxoliqov, Sanjar Shoahmedov) - 8-o‘rin
Umuman, Sardor Rashidov chempionat davomida 15ta gol urib, to‘purarlar qatoridan joy oldi. Temurxo‘ja Abduxoliqov hisobida 7ta gol yig‘ildi. Sanjar Tursunov va Sanjar Shoahmedov esa raqiblar darvozasini 2 martadan ishg‘ol qilishdi.
Peshqadam oldida ojizlik. Tarkibida Aziz Haydarov to‘p surayotgan «Al-SHabab» BAA chempionati 23-turida turnir jadvali peshqadami «Al-Jazira» mehmoni bo‘ldi. Lekin hamyurtimiz jamoaning boshqa legionerlari qatori mazkur o‘yin qaydnomasiga kiritilmadi. Xullas, xorijliklarsiz o‘ynagan «Shabab» yetakchiga munosib qarshilik ko‘rsatolmay, 0:3 hisobida yengildi. Natijada «Al-Jazira» o‘z ochkolari sonini 59taga yetkazib, peshqadamlik mavqeini yanada mustahkamladi. Haydarov jamoasi esa 26 ochko bilan 8-pog‘onada bormoqda.
Xitoydagilar «dam» olishdi. Xitoy super-ligasi 5-turida biror vakilimiz maydonga tushmadi. Legionerlarimiz jamoalari natijalariga to‘xtalsak, «Pekin Guoan» safarda «Shandon Luneng»ga qarshi bahs olib borib, 0:1 hisobida imkoniyatni boy berdi. Eng achinarlisi, pekinliklar safidagi Egor Krimes joriy mavsum hali biror o‘yinda ishtirok etgani yo‘q. Mag‘lubiyatga qaramay, 7 ochkoga ega «Pekin Guoan» 8-o‘rinda qoldi.Portugaliyalik Andre Villash-Boash esa «Shanxay SIPG»ning safarda «Tyanjin Kuanjin»ga qarshi o‘yinida Odil Ahmedov xizmatiga ehtiyoj sezmadi. 1:1 hisobi qayd etilgan uchrashuvdan so‘ng «SIPG»ning ochkolari soni 10taga yetdi va u turnir jadvalining 4-pog‘onasiga tushdi.«Chanchun Yatai» himoyachisi Anzur Ismoilov ham bu safar o‘yin amaliyotisiz qoldi. Hamyurtimizsiz maydonga tushgan «Yatai» garchi o‘z maydonida o‘ynagan bo‘lsada, «Shanxay Shenxua» oldidan ojiz qoldi - 2:3. Jamoa 5ta turda atigi 1 ochko oldi va turnir jadvalining so‘nggi pog‘onasini band etib turibdi.
Jeparov ancha faol. Eron chempionatida 27-tur uchrashuvlari ortda qoldi. Tarkibida Server Jeparov to‘p surayotgan «Sepahon» bu safar «Fulad Gostaresh»ni qabul qilib, yagona gol evaziga 3 ochko ishladi. Terma jamoamiz vakili mazkur natijaga to‘liq 90 daqiqa davomidagi faol harakatlari bilan hissa qo‘shdi. G‘alabadan so‘ng «Sepahon» 4-o‘ringa ko‘tarilib oldi. Uning hisobida 39 ochko bor.
Atigi 8-10 daqiqa. Bahodir Pardayevning yangi klubi - «Bucheon 1995» Janubiy Koreya birinchi divizioni navbatdagi turida «Nejon Sitizen»ni qabul qilib, 1:1 hisobi bilan cheklandi. Hamyurtimiz uchrashuvning 82-daqiqasida zaxiradan maydonga tushdi. «Bucheon» ayni payt 13 ochkoga ega va musobaqa jadvalining 4-o‘rnida bormoqda.
Musayev qahramonlardan biri.
Bu hali hammasi emas, davomi bu yerda
Buxoro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
