Bugun va ertaga yevrofutbol olami yana qalqib turadi. Xabaringiz bor, albatta, «Barselona» Turindagi uchrashuvda muxlislari asabini takror sinovdan o‘tkazdi, «Nou Kamp»da esa qo‘pol hazil uyushtirdi. Ha, «Real Sosyedad»ning chinakam «kambek»ka erishib, shov-shuv ko‘tarishiga sal qoldi. «Real» aksincha, xotirjamligi bilan barchani hayratlantirmoqda.
Hattoki, ikkinchi tarkib bilan ham La-liga bahsida g‘alaba qozonish - «Real» qudratining namoyishi. Fikrimizcha, Zayniddin Zidan «Bavariya»ni ruhan sindirish uchun shunday yo‘l tutdi. Ortiqcha hordiq chiqarish o‘z yo‘liga. Qudrat namoyishining ruhiyatga ta’siri esa bebaho omil hisoblanadi.
Xo‘sh, «Barselona» nimchorak final raundida kuzatilgan tarixiy «sensasiya»ni takrorlashi mumkinmi? Don Karlo sobiq shogirdidan ustun chiqish yo‘lini topadimi? Har ikki klub muxlislari javob uchrashuvlarida ijobiy natijaga umid bog‘lashmoqda. Albatta, umid qilish uchun ma’lum va mashhur asoslar mavjud, ya’ni umidsiz holatda «PSJ» jilovi tortildi. Nega endi «Yuventus»dan cho‘chish kerak?
Axir «Barselona» avvallari ham javob uchrashuvi evaziga «Yuve» to‘sig‘idan o‘tgan. Bu safar o‘sha tarix takrorlanishi mumkin emasmi? Mumkin, albatta. Lekin unutmaylikki, bu safar Luis Enrikega qarshi alamzada Massimiliano Allegri tish qayragan. Bu anchayin xavfli faktor. Qolaversa, Janluiji Buffonning shashti ham juda baland. Shunday ko‘tarinkilik «Barselona» muhitida ko‘zga tashlanmayapti.
Deylik, Ivan Rakitichning g‘alaba haqidagi so‘zlari ham u qadar ishonchli yangramadi. «PSJ»ga qarshi javob uchrashuvidan avval esa Neymar haddan ziyod dadil so‘zlagandi. Endi jamoada o‘sha vaqtda sezilgan jangovor ruh yo‘q. Boshqacha ifoda etsak, yana mo‘’jiza yuz berishiga futbolchilarning o‘zlari ham ishonishmayapti, go‘yo. Holbuki, futbolda hamisha mo‘’jiza yashaydi. Ana, oliy ligamizning 5-turida «Lokomotiv»ni yenggan «Sho‘rtan» mo‘’jiza ko‘rsatgandi. G‘uzorliklar navbatdagi turda ham mo‘’jizani takrorlashdi - endi «Paxtakor» mag‘lub etildi.
Qoyil! Mana shu - takroriy mo‘’jiza! Hammasi ishonch va ishtiyoqning zo‘rligidan. Qaysiki jamoa ishonch va ishtiyoq ortidan bir tanu bir jon bo‘lib ergashsa, mo‘’jiza yarataveradi. Shu ma’noda gapirsak, bir siltanib o‘zini o‘nglagan va ikki kuchli klubni ketma-ket yenggan «Sho‘rtan»ning natijalari mo‘’jiza sifatiga tortadi. CHL chorak finalida ishtirok etayotganining o‘ziyoq «Lester»ning yangi mo‘’jizasi.
Yakunlangan futbol haftasi muxlislarni shunday qizg‘inlik bilan qarshiladi. Shu qizg‘inlik ifodasi sifatida «Inter Futbol»ning doimiy va sadoqatli muxlisi G‘ulomjon Hamidov yozgan quyidagi she’riy misralarni e’tiboringizga havola etamiz.
YEVROFUTBOL FUSUNI
Tushunmadik «Barsa»ga
Fanati bor rang-barang.
O‘rtacha «Malaga»ga
Yutuqni berdi qarang.
------------------------------------------
Yutqazdi «Yuve»ga ham
Qani Parij sabog‘i?
Messining boshidir xam
Ochilmaydi qovog‘i.
------------------------------------------
Olti golli oltin to‘y
Takror bo‘larmi bugun?!
Buffon - mohir, baland bo‘y
«Barsa» - chun katta tugun!
------------------------------------------
«Real» safarda g‘olib
Ikkinchi tarkib bilan!
Ustozdan o‘zdi tolib
Tavakkal qildi Zidan.
------------------------------------------
Javob bahsi oldidan
Turlicha taxmin-faraz.
«Real» ancha oldi dam
«Bavariya» qilar araz.
------------------------------------------
Har bir klubda shunday
Bordir o‘zgacha qiliq.
Mening xulosam bunday:
O‘rganmoqda «Olmaliq»?
------------------------------------------
«Sherlar»ni yengib «Sho‘rtan»
Quvonch olsin mayliga.
Zo‘rdir zo‘r chiqsa zo‘rdan
Kettik gollar sayliga!
Shu o‘rinda ta’kidlash joiz, G‘ulomjon aka - «Paxtakor»ning 60 yillik qadrdon muxlisi. U jonajon jamoasining bugungi achinarli holatiga befarq qarab turolmaydi. Qanday befarq qarasin?! Axir u kishining muxlislik staji klub tarixi bilan teng-ku!
Shu qadrdonlik hurmati fidoiy muxlis
Bu hali hammasi emas, davomi: www.iff.uz da
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
