Bugun Premyer Liganing markaziy uchrashuvida “Arsenal” o‘z maydonida “Manchester Yunayted”ni qabul qiladi.
Ikki klub tarkibida “ta’qiqlangan chegara”ni kesib o‘tgan futbolchilar talaygina. Goalnashri har ikkala jamoa libosida harakat qilgan futbolchilarni eslab o‘tdi.
Ro‘yxat esa quyidagicha ko‘rinish olgan:
Jorj Grehem, “Arsenal” safida 1966-1972 yillarda 227 uchrashuvda maydonga tushib 60 gol muallifiga aylangan bo‘lsa, keyinchalik “Manchester Yunayted” safida 2 mavsum (1972-1974 yillar) harakat qilgan. “Qizil iblislar” safida Grehem 43 o‘yinda maydonga tushgan va atigi 2 gol urgan. Eng yaxshi davrini albatta, “Arsenal” safida o‘tkazgan.
Brayan Kidd “Arsenal”da 1974-1976 yillar oralig‘ida harakat qilgan. Ushbu vaqt mobaynida 77 bahsda ishtirok etgan va 30 bor raqib darvozasini aniq nishonga olgan. “To‘pchilar” safiga kelmasidan oldin Kidd 1967-1974 yillarda “Manchester Yunayted” sharafini himoya qilgan. “MYU” safida esa Kidd 203 marta maydonga tushgan va 52 golga mualliflik qilgan. Eng yaxshi davri so‘zsiz “Manchester Yunayted”ga to‘gri keladi.
Frenk Steplton “Arsenal” safida 1974-1981 yillarda harakat qilgan. London jamoasi uchun 300 uchrashuvda qatnashib, 108 gol ura olgan. Faoliyatining keying davrini Manchester jamoasida (1981-1987 yillar) o‘tqazgan. Manchester shahri jamoasi uchn Steplton 288 uchrashuv o‘tqazgan va 78 gol urgan. Eng yaxshi davri “Manchester Yunayted”da bo‘lgan.
Viv Anderson esa “Arsenal”da 1984-1987 yillarda harakat qilib, jamoa uchun 120 uchrashuvda 9 golga mualliflik qilgan. “Manchester Yunayted”da 1987-1991 yillarda o‘ynagan. Klub uchun 54 uchrashuvda 3 gol ura olgan. Eng yaxshi davrini “Arsenal”da o‘tqazgan.
90 yillar Angliya futboli bilan tanish muxlislarimiz Endi Koulni yaxshi tanishsa kerak. Endi Koul 1989-1992 yillarda “Arsenal” jamoasi sharafini himoya qilgan. Bu vaqt oralig‘ida 1 marta o‘yinga tushgan. Gol urish uchun esa bu kamlik qilgan. Keyinchalik esa “to‘pchilar”ning azaliy raqibi “Mnachester Yunayted” safiga kelib qo‘shilgan. Koul u yerda 1995-2001 yillar oralig‘ida harakat qilgan. 195 bahsda qatnashgan Endi Koul raqiblar darvozasiga 93 gol urgan. Eng yaxshi davrini “qizil iblislar” safida o‘tqazgan.
Devid Platt “Arsenal” safida 3 mavsum (1995-1998 yillar) harakat qilgan. 88 uchrashuvda 13 gol kirita olgan. Undan avval esa “Manchester Yunayted” safida 1982-1985 yillarda harakat qilgan. Biroq Manchesterda uning ishlari ko‘ngildagidek kechmagan. Jamoa uchun birorta o‘yinda ham ishtirok eta olmagan. Eng yaxshi davri tabiiyki, “Arsenal”ga to‘g‘ri keladi.
Fransiyalik himoyachi Mikael Silvestr “Arsenal”da o‘ynaguniga (2008-2010 yillar) qadar “Manchester Yunayted” safida 1999-2008 yillarda o‘ynagan. “MYU” uchun 249 uchrashuv o‘tkazgan himoyachi eng yaxshi davrini aynan Manchester klubida o‘tqazgan.
Gollandiyalik futbolchi Robin Van Persi “to‘pchilar” libosida 2004-2012 yillarda harakat qilgan. “Arsenal” uchun 194 uchrashuvda 96 gol kirita olgan. 2012 yilda esa futbolchi to‘g‘ridan-to‘g‘ri “Manchester Yunayted” safiga kelib qo‘shiladi. 2012-2015 yillarda Manchesterda harakat qilgan Van Persi 86 uchrashuvda 48 gol ura olgan. Eng yaxshi davri “Manchester Yunayted” safida.
Denni Uelbek ham ikki klub safida o‘ynagan futbolchilar sirasidan. “Manchester Yunayted”da 2008-2014 yillarda o‘ynagan hujumchi 92 uchrashuvda 20 golga mualliflik qilgan. 2014 yilda London jamoasi safiga kelib qo‘shilgan hujumchi hozircha 46 bahsda ishtirok eta olgan. Bu vaqt ichida Uelbek 20 bor raqib darvozabonlarini xafa qilgan. Eng yaxshi davri “Manchester Yunayted” safiga to‘g‘ri keladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
