O‘zbekiston milliy terma jamoasi yarim himoyachisi Server Jeparov Eronga qarshi o‘yin oldidan OFK rasmiy saytiga intervyu berdi. Suhbat chog‘ida Osiyoning ikki karra eng yaxshi futbolchisi JCHga chiqish istagi bor ekanini yashirmadi.
“Barchasi juda oddiy – biz saralash bosqichidagi qolgan uch o‘yinda g‘alaba qozonishimiz kerak, o‘shanda pley-off bosqichida o‘ynamaymiz va Jahon chempionatiga avtomatik ravishda yo‘l olamiz. So‘nggi 8 yil davomida, ayniqsa, bundan avvalgi saralash bosqichida kuchli tarkib bilan harakat qildik. Bu men o‘ynagan eng kuchli avlod edi”, – dedi Jeparov.
Server Jeparov 34 yoshida JCH–2018 musobaqasiga chiqish orqali mamlakat qahramoni bo‘lish istagi haqida ham so‘zladi.
“G‘alaba qozonish nafaqat men uchun, balki O‘zbekiston aholisi uchun motivasiya bo‘lardi. Chunki mamlakat termasi Jahon chempionatida ishtirok etmagan. 34 yoshimda JCH–2018 turniriga yo‘l olib, mamlakat qahramoniga aylanilni xohlardim”, – dedi yarim himoyachi
Tajribali yarim himoyachi O‘zbekiston termasi JCH–2014 turniriga chiqishga juda yaqin kelgani va qo‘ldan boy berilgan imkoniyatdan keyin ketish haqida o‘ylaganini aytib o‘tdi.
“Biz yaxshi o‘ynagan edik va JCH–2014 turniriga chiqish uchun bitta gol kamlik qilgandi. Bundan afsusda edik. Janubiy Koreya termasi Eronga mag‘lub bo‘lganini eshitgach, qo‘ldan boy berilgan barcha imkoniyatlardan afsusga tushgandik. Men termadan ketishni va umuman futbol ko‘rmaslikni istagandim”, – deb esladi Server Jeparov.
Eron JCH–2018 saralash bosqichida 7 ta o‘yin o‘tkazib, 5 ta g‘alaba va 2 ta durang qayd etdi. Karlush Keyrush shogirdlari birorta ham o‘yinda gol o‘tkazib yubormadi. Shunga qaramay, Server Jeparov ertangi o‘yin oldidan ijoyib kayfiyatda ekanini aytdi. Chunki O‘zbekiston 2012 yili Tehronda Eronni mag‘lubiyatga uchratishga muvaffaq bo‘lgandi.
“Istalgan jamoa bilan o‘ynay olishimiz bizga ishonch beradi, hatto safar o‘yinlarida ham. Biz guruhdagi eng kuchli raqibni mag‘lubiyatga uchratish imkoniyatiga ishonamiz va aynan shu narsa bizda ishonch tug‘diradi. Raqibni mag‘lubiyatga uchratish uchun 100%, hatto 120% kuchimizni berishimiz kerak bo‘ladi. Barcha 11 futbolchi bir jamoa bo‘lib o‘ynashi talab qilinadi”, – deydi o‘zbekistonlik yarim himoyachi.
Avvalroq O‘zbekiston terma jamoasi hujumchisi Aleksandr Geynrix FIFA rasmiy saytiga intervyu bergandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
