«Manchester Siti» yozgi transfer bozorida katta maosh oladigan 3 futbolchisidan qutulishning yo‘llarini izlamoqda. Pep Gvardiolaning rejalariga kirmaydigan bu uchovlon o‘tgan mavsumni turli klublarda ijarada o‘tkazishdi. Goal nashri Hart, Nasri va Bonining jamoadagi kelajagi haqida so‘z yuritdi.
“Manchester Siti”ning ustozi dastlabki mavsumida birorta sovrin yuta olmadi va o‘zining eng yomon ko‘rsatkichini ko‘rsatdi. Quruq mavsum esa yangi, qimmat transferlarni amalga oshirishga undamoqda. Biroq, pul sarflashdan oldin bosh murabbiy bir qancha masalalarni oydinlashtirib olishi kerak bo‘ladi. Kabalero, Zabaleta, Sanya yoki Klishi amaldagi shartnomalarini uzatishmadi va har biri turli klublarga o‘tish bilan ovora. Biroq, yana uch futbolchi borki, klub bular uchun haftasiga 450 ming yevrodan ortiq mablag‘ sarflamoqda. Jo Hart, Samir Nasri va Vilfrid Boni jamoa uchun keraksiz deya baholangan bir paytda, bunday ko‘p mablag‘ sarflanishi aqlga sig‘maydi.
Hart, azaliy raqib tomoniga o‘tadimi?
“Manchester Siti”dan butunlay ketishga birinchi raqamli da’vogar – Jo Hart hisoblanadi. Har holda, 40 million yevroga olib kelingan yosh darvozabon Ederson zahirada o‘tirish uchun kelmagan. 30 yoshli ingliz posboniga bu navbatdagi chaqiriq bo‘lgani rost. O‘tgan mavsumda jamoaga Klaudio Bravoning kelishi tufayli “Torino”ga ijaraga berib yuborilgan Hart mavsum oralig‘ida “Siti”nit ark etsa ajab emas. Ingliz OAV uning “Manchester Yunayted”ga o‘tishini tahmin qilishmoqda. David de Xea agarda “qizil iblislar”nit ark etadigan bo‘lsa, azaliy raqiblari posbonini sotib olishi mumkin. Shuningdek, Hartning xizmatlariga “Nyukasl” ham qiziqish bildirmoqda. « Manchester Siti » o‘z posboni uchun 28 million yevrodan kam bo‘lmagan mablag‘ga sotib yuborishni reja qilgan.
Nasrida variantlar kam
Samir Nasri o‘tgan mavsumni “Sevilya”da ijarada o‘tkazdi va uning debyuti anchayin omadli chiqdi. Biroq uning ko‘rstagan o‘yinlari andalusiya klubi rahbariyatini ishontira olmadi va jamoa Nasrini 19 million yevroga sotib olish fikridan qaytdi. Gvardiola esa Nasrining xizmatlariga umuman muhtoj emas. Uning qo‘l ostida hujumkor bo‘lgan Sterling, De Bryuyne, Sane, Nolito, David va Bernardo Silvalar bor. 30 yoshli fransuz futbolchisi o‘ziga yangi klub qidirishni boshlashi kerak. Muammo shundaki, unga kelib tushayotgan takliflar ko‘p emas. So‘nggi bir necha mavsumdan beri o‘yinida pasayish kuzatilayotgan futbolchiga “Beshiktosh” va “Galatasaroy” klublari jiddiy qiziqish bildirmoqda. Ikki turk klublari Nasri uchun 13 million yevro to‘lashga tayyor. Shuningdek, Samir Xitoyning “Shanxay Shenxua” klubi nishonida bo‘lib turibdi. Futbolchi xitoy klubi bilan ancha foydali bo‘lgan shartnomaga imzo chekishi ham mumkin.
Boni hali kurashishni xohlaydi
Yuqoridagi ikki futbolchi klubni to‘la tark etishlari aniq bo‘lsa, Vilfrid Boni barchasini tashlab ketishni istamayapti. 2015-yilda “Manchester Siti”ga kelib qo‘shilgan hujumchi o‘tgan mavsumni « Stok Siti »da ijarada o‘tkazdi. Ivuarlik futbolchi klubni tark etadiganlar ro‘yxatida bo‘lganiga qaramay, jamoada qolib Gvardiolaning ishonchini qozonish uchun harakat qilib ko‘rishi mumkin. Bir qancha ingliz klublari uning o‘yinidagi pasayishni hisobga olib sotib olishin istamayapti. Boz ustiga, hujumchining transfer narxi 20 million yevro deya baholangan. Boni barchasini boshidan boshlashi va yana avvalgi sport holatiga qaytishi talab etiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
