Mavsum boshlanishidan avval «Navbahor»ga ko‘chib o‘tgan «Mash’al»ning sobiq himoyachisi G‘iyosjon Komilovning bu mavsum haqidagi fikrlari bilan qiziqdik.
-Bu yilgi mavsumda sizni ko‘proq qaysi klub hayratlantirdi. Yoki chempionatimizda qanday o‘zgarishlarga guvoh bo‘ldingiz?
– Avvalo mavsum kutilmagan natijalar bilan boshlandi. Bu yil mag‘lub bo‘lmagan jamoaning o‘zi qolmadi. Peshqadamlar safida yuradigan «Lokomotiv» «Nasaf» «Bunyodkor» va «Paxtakor» kabi yetakchilar ham mag‘lubiyat alamini tatib ko‘rishdi. Menimcha, chempionatimizda tasodifiy natijalar ko‘p bo‘layapti. Bu futbol ishqibozlarining qiziqishini ortirayapti.
-Ikkinchi davra qanday kechadi, kimning imkoniyati yuqori? Bu mavsum sizni hayron qoldirgan jamoa qaysi bo‘ldi?
-Ikkinchi davra yanada kuchliroq bo‘lishi aniq, meni hayron qoldirgan voqea «Obod» jamoasining chempionatdagi ishtirokini to‘xtatishi bo‘ldi. Jamoalar bittaga kamaysa oliy ligadan tushib ketish imkoniyati oshib ketadi. Shu bois bahslar yanada shiddatli kechadi. Meni hayron qoldirgan yana bir holat shuki, odatda pastki o‘rinlarda yuradigan jamoalar yetakchi jamoalarni mag‘lub etishni uddalashmoqda. Ayniqsa «Qo‘qon-1912» jamoasi ajoyib o‘yin namoyish etmoqda.
-Ikkinchi davraga «Paxtakor» jiddiy tayorgarlik ko‘rmoqa, tarkibiga milliy va xorij chempionatlarida to‘p surgan tajribali futbolchilarni qo‘shib olishdi. “Sherlar”ni chempionlik uchun imkoniyatlarini qanday baholaysiz?
-Ha «Paxtakor» ajoyib o‘zgarishlarni amalga oshirmoqda, Braziliya, Isroil va «Nasaf»ning eng kuchli ikki futbolchisini xarid qildi. Menimcha, «sherlar» ikkinchi davrada endi ancha mazmunli o‘yin namoyish etishsa kerak.
-«Nasaf» ikki yetakchi futbolchilarini qo‘yib yubordi. Endi «ajdarlar»ning imkoniyati pasayadimi?
-Men bunday o‘ylamayman, chunki «Nasaf» tarkibida shunday ham mahoratli futbolchilar juda ko‘p. Qolaversa, “Nasaf” klubida yetarlicha umidli yoshlar doimo topiladi. Bu holat jamoa imkoniyatini pasaytirmaydi. Kelajagi bor.
-Siz faoliyatingizni katta qismini «Mash’al»da o‘tkazdingiz, qachonlardir yana «gazchilar» safiga qaytishingiz mumkinmi?
– Ha to‘g‘ri aytdingiz, «Mash’al»da men uchun qadrli bo‘lgan ko‘p narsalar qoldi. Muborak mening ikkinchi uyimdek. «Gazchilar» shahrida besh yil yashadim, barchasi uchun «Mash’al»ga raxmat aytaman, qachonlardir yana Muborakka qaytishimga umid qilaman. Do‘stlarimga omad tilayman.
-«Navbahor»da siz uchun eng yaqin kim?
-Men uchun jamoadoshlarimning hammasi yaqin, ular mening yaqin do‘stlarim.
-Xorij klublaridan sizga taklif bo‘ldimi?
-Ha 3-4ta yaxshi jamoalardan taklif tushdi yana MTJdan chorlov olgandim, ammo menda hozir jaroxat borligi sabab, bu takliflar amalga oshmay qoldi, afsus. Lekin «Navbahor» uchun ham hali xizmat qilishim kerak.
-Mazmunli suhbat uchun raxmat G‘iyosjon! Faoliyatingizga omadlar tilab qolamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
