Xitoy chempionatida to‘p surayotgan futzalchimiz Dilshod Rahmatov "Olmaliq" klubida ijarada o‘ynaydigan bo‘ldi.
Quyida futbolchi bilan uyushtirilgan suhbatni o‘qishingiz mumkin.
- Dilshod, siz futzalimizdagi kamsonli legionerlardan birisiz. Xitoy klubiga o‘tishingiz qanday kechdi?
- Yurtimizda o‘tgan Osiyo chempionatidan so‘ng Xitoyning «Dalyan Puvan Anbo» klubi vakillari qiziqarli taklif bilan chiqishdi va men bajonidil rozi bo‘ldim. 2016 yil O‘zbekiston chempionati tugagach, keyingi mavsumni Chin yurtida o‘tkazib, mamlakat chempionligini nishonladim.
- Xitoyda bugun futbolga millionlab pullar sarflanmoqda, e’tibor kuchaygan. Futzalda-chi?
- Chin yurtida futbol jadallik bilan rivojlanib bormoqda va bu jarayonni futzalda ham ko‘rishimiz mumkin. Chempionatdagi barcha jamoalar o‘z tarkibiga braziliyalik, yaponiyalik, eronlik legionerlarni jalb qilishgan. O‘zbekistondan esa uch kishimiz: Shuhrat Tojiboyev, To‘ychiboy Berdiyev va men.
- Dunyoning turli nuqtalaridagi futbolchi va futzalchilarni Xitoyga borishga nima undamoqda?
- Albatta, moliyaviy manfaat. Xitoyda braziliyalik legionerlar bilan ko‘p suhbatlashdim. Aytishlaricha, ularning yurtida futzalchilarga katta mablag‘ to‘lashmas ekan. Yevropada to‘p surish uchun esa daraja shunga yarasha o‘ta yuqori bo‘lishi kerak. Shunday ekan, Xitoy chempionati - har tomonlama foydali taklif.
- «Dalyan Puvan Anbo» bilan shartnomangiz qancha muddatga tuzilgan?
- Dastlab bir yillik bitim imzoladik. Yuqorida aytganimdek, bu mavsum chempionlikni nishonladik. Rahbariyatga o‘yinlarim ma’qul bo‘lgach, muddatni yana bir yilga uzaytirdik. 2018 yil yozida futzal klublari o‘rtasidagi Osiyo chempionatida ishtirok etamiz. Barchasi kutganimdek kechsa, yana bir necha mavsum Xitoy chempionatida o‘ynamoqchiman.
- Maosh katta bo‘lgach, legionerlarga qo‘yiladigan talablar ham shunga yarasha bo‘lsa kerak? Xitoy va O‘zbekiston chempionatlarining farqi nimada?
- Xorijda italiyalik murabbiy qo‘l ostida o‘ynadim. Uning uslubi yevropacha, ya’ni biz o‘rgangan Xose Mariya Mendez uslubiga yaqin. Ispaniyalik mutaxassisdan juda ko‘p narsa o‘rgandik, futzalchi sifatida shakllanishimda uning xizmatlari katta. Fursatdan foydalanib, Mendezga alohida rahmat aytaman. Xitoyda uning tavsiyalari juda asqotdi, chunki u yerda har bir o‘yinchining harakatlarini maxsus guruh vakillari tahlil qilib, bosh murabbiyga ma’lumot yetkazib turishadi. Maydonda aniq raqamlarga tayanib ko‘rsatmalar beriladi. Siz yutuq va kamchiliklaringizni aniq bilib, shu asosda ishlaysiz!
- «Dalyan Puvan Anbo» bilan 2018 yilga qadar shartnomangiz bo‘lsada, bugun «Olmaliq» safidasiz...
- Davralar oralig‘idagi tanaffusda jamoa rahbariyatiga «Olmaliq» bilan klublar o‘rtasidagi Osiyo chempionatida ishtirok etmoqchi ekanligimni ma’lum qilgandim, e’tiroz bildirishmadi. Shu tariqa, ikki oy ijara asosida «Olmaliq» safida to‘p suradigan bo‘ldim.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
