Shu yilning 25 avgust - 2 sentyabr kunlari Germaniyaning Gamburg shahrida boks bo‘yicha 19-Jahon chempionati bo‘lib o‘tadi.
Unda Kuba, Qozog‘iston, Rossiya, Ukraina, Angliya, Fransiya kabi jami 195ta mamlakatdan kelgan bokschilar o‘zaro kuch sinashadilar. O‘zbekiston terma jamoasi bokschilari ham Jahon chempionatida barcha vazn toifasida ishtirok etish huquqini qo‘lga kiritishgan.
Yurtimizdagi boks muxlislarining talab va qiziqishlaridan kelib chiqqan holda, UZREPORT TV telekanali Gamburgda bo‘lib o‘tadigan boks bo‘yicha Jahon chempionatini eksklyuziv tarzda translyasiya qilish huquqini xarid qildi.
Telekanal muxlislarini 25 avgustdan boshlab terma jamoamiz a’zolari hamda Jahonning yetakchi bokschilari ishtirokidagi qiziqarli janglarni jonli efirda tomosha qilishga chorlab qolamiz.
Jahon chempionatida Rio-2016 Olimpiadasi g‘olib va sovrindorlaridan tashqari, o‘z vazn toifasida yurtimizda eng kuchli bo‘lib turgan quyidagi bokschilar yurtimiz sharafini himoya qilishadi:
49 kg-da Hasanboy Do‘smatov
52 kg-da Jasur Latipov
56 kg-da Murodjon Ahmadaliyev
60 kg-da Elnur Abduraimov
64 kg-da Iqboljon Xoldorov
69 kg-da Shahram G‘iyosov
75 kg-da Isroil Madrimov
81 kg-da Bektemir Meliqo‘ziyev
91 kg-da Sanjar Tursunov
+91 kg-da Bahodir Jalolov
Boks bo‘yicha 19-Jahon chempionati janglarini UZREPORT TV telekanalida jonli efirda tomosha qiling hamda bokschilarimizni qo‘llab-quvvatlang!