Toshkentda mashg‘ulotlarga zo‘r berayotgan Janubiy Koreya bosh murabbiyi Shin Te Yong koreys OAV vakillariga fikrlarini bildirib o‘tdi.
"Futbolchilar parvoz davomida biroz charchashdi. Biz ularning jarohat olmasliklari uchun alohida dastur bo‘yicha shug‘ullanayapmiz", — gap boshladi Shin Te Yong. "Eronni bir o‘yinchi ko‘p bo‘lib ham yenga olmadik. Biz shu o‘yinda qanday xato qildik deya izlanyapmiz. Agar o‘shanda 1tagina gol ura olganimizda hozir yurak hovuchlab turmagan bo‘lardik. Men buning uchun afsusdaman. Shogirdlarim yaxshi o‘ynashyapti. Lekin keling tan olaylik, "Seul Uorld Kap"ning chimi judayam yomon holatda. Bu eng katta sabablardan biri".
Hozir Janubiy Koreya terma jamoasining holati ham O‘zbekistonnikidan ortiq emas. Agar koreyslar Toshkentda durang qayd etishsa va Suriya Eronni mag‘lub etsa - Janubiy Koreya to‘plar nisbatiga ko‘ra guruhda 3-o‘ringa qulaydi. Shuning uchun ularni Toshkentda faqat g‘alabagina qutqarib qolishi mumkin. Shu jumladan, O‘zbekistonni ham...
Bu haqda Shin Te Yong shunday dedi: "Eng kamida yutqazmaslikni maqsad qilib turibman. Eron bizga qarshi o‘ynagani kabi o‘ynashimiz lozim. Ya’ni, xotirjam va yo‘qotadigan narsamiz yo‘qdek. Durang yoki gol o‘tkazmagan holdagi g‘alaba biz uchun yaxshi bo‘lardi".
Jamoa sardori Ki Song Yongning maydonga tushish imkoniyati haqida koreyslar bosh murabbiyi: "Qanchalik yaxshi futbolchi bo‘lmasin hamma narsaning vaqti-soati bor. Qanchalik qiyin vaziyatda bo‘lmaylik Ki Song Yongni avaylashimiz kerak deb o‘ylayman. U maydonga tushaman deb rosa intilyapti. Men uning harakatchanligini qadrlayman. Ammo bitta o‘yin bilan hamma narsa tugadi degani emas. Albatta u maydonga tusha olsa faqat xursand bo‘laman. Lekin buni o‘ylab ko‘rish kerak. O‘ng qanot himoyachimiz Chxve Chol Sun kartochkasi sabab maydonga tusha olmaydi. Uning o‘rniga Ko Yo Han ("Seul") tushishi deyarli aniq. Qolgan gaplar sir",dedi.
O‘zbekiston darvozasini eng ko‘p ishg‘ol etgan Li Dong Guk haqidagi savolga Shin Te Yong shunday dedi: "Safimizda o‘zbeklar darvozasiga ko‘p gol urgan futbolchilar borligi quvonarli. Li Dong Guk endi yosh emas. Har bir futbolchida yosh o‘tgani sayin tezlik pasayadi, lekin tajriba oshadi. Vaziyatga qarab Li Dong Gukdan foydalanamiz".
Otabek Yo‘ldoshev
Janubiy Koreya, Seul
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
