Janubiy Koreya termasi «yuragi» - Son Xyon Min eronliklarga qarshi kechgan uchrashuvdan so‘ng muxlisu mutaxassislar tomonidan bildirilgan keskin tanqidlarga javob qaytarishni lozim topdi.
«Tribunadan o‘yin qanday ko‘ringani menga qorong‘u. Ammo jamoadoshlarim g‘alabaga intildilar. O‘yin davomida golga tortadigan birorta zarba yo‘llay olmaganimizni ko‘rsatib turgan statistika uchun uzr so‘rayman.
Bu gapni aytishim o‘rinlimi yoki yo‘q, bilmadimu, ammo g‘alaba qozonishimizga chim holati qarshilik qildi. To‘g‘risi, 29 avgust kuni mashg‘ulotlarga qo‘shilgan bo‘lsam, shundan buyon g‘azabim qaynayotgandi. Bunday maydonda o‘ynash asabimni buzadi»,-dedi «Tottenxem» futbolchisi.
Inchxon aeroportida, ya’ni J.Koreya termasi O‘zbekiston safariga chiqishi arafasida mahalliy jurnalistlar bosh murabbiy Shin Te Yongni savollarga tutishdi. Suriya termasining ham kurashga qo‘shilgani uni xavotirga sola boshlaganiyu, qo‘shimcha tashvish uyg‘otgani yaqqol sezildi.
«Qiyin vaziyat yuzaga keldi. Lekin ruhiyatni tushirmasligimiz lozim. Tan olaman, Eron termasi bilan o‘yinda kamchiliklar kuzatildi. Har qanday holatda ham, olg‘a intilishimiz shart.
Vaziyatga real qarashni, barchasini boricha aytishni yoqtiraman. Bahona qidirish mening uslubim emas. O‘zbekistondan g‘alaba bilan qaytishimizga ishonyapman»,-dedi murabbiy.
Terma jamoaning 39 yoshli faxriy hujumchisi Li Don Guk esa oldingi o‘yinlarni unutib, bor e’tiborni O‘zbekiston milliy jamoasiga qarshi bahsga qaratish zarurligini ta’kidladi: «Eronliklar bilan bo‘lgan o‘yinni tezroq unutishimiz kerak.
Afsuski, g‘alabagina qoniqtiradigan bahsda durang bilan cheklandik. O‘zbekistondagi o‘yin oson bo‘lmaydi, albatta. Bizni eng murakkab janglardan biri kutyapti. Lekin hattoki, durang haqida o‘ylashga ham haqqimiz yo‘q.
Toshkentdan 3 ochko va JCH yo‘llanmasi bilan qaytish niyatidamiz». Aytgancha, koreys OAV bugungi o‘yin oldidan Li Don Gukni alohida ta’riflamoqda - «O‘zbekiston termasi qotili».
Gap shundaki, salkam 20 yildan buyon Janubiy Koreya bosh jamoasi safida to‘p surayotgan ushbu futbolchi milliy termamiz darvozasiga 4ta gol urgan: JCH-2006 saralashida 1ta, 2012 yilgi o‘rtoqlik o‘yinida 2ta va JCH-2014 saralashida 1ta.
Janubiy Koreya - Eron o‘yinida Li Don 88-daqiqada maydonga tushirildi. To‘g‘ri, u ayni payt koreyslar hujumida asosiy rolga ega emas, ammo maydonda futbolchilarni boshqarishi va ruhiy madad berishi bilan ajralib turadi.
«Red Bull Zalsburg»da faoliyat olib borayotgan Xvan Xi Chan ham OFK rasmiy saytiga bergan intervyusida bo‘lajak o‘yindan faqat g‘alaba kutayotganini yashirmadi: «Hech qachon O‘zbekiston termasi natijalariga qiziqmasdik va faqat o‘z o‘yinimiz haqida o‘ylardik.
Ammo JCHga borish-bormasligimiz ko‘p jihatdan aynan O‘zbekiston termaga qarshi o‘yinimizga bog‘liq. Bo‘lajak uchrashuvga yaxshi tayyorlanib, g‘alaba qozonishimiz shart. Buning uchun bor mahoratimizni ishga solamiz».
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
