JCH–2018 turniriga saralash bosqichi “A” guruhi so‘nggi 10-turida O‘zbekiston terma jamoasi Toshkentda Janubiy Koreya termasini qabul qildi.
O‘zbekiston terma jamoasi bu safar ham Janubiy Koreyani mag‘lub eta olmadi va jahon chempionati yo‘llanmasini qo‘lga kirita olmadi.
Birinchi bo‘limda to‘p 3 marta darvoza ustuniga tekkani bilan yodda qoldi. Koreyaliklar ilk daqiqadayoq tashkil etilgan hujum natijasida darvozamiz tomon zarba berishga muvaffaq bo‘lishdi. Raqib futbolchisi bergan zarba natijasi to‘p ustunga tegib, narigi tomonga ketdi.
Taym o‘rtalarigacha ustunlik O‘zbekiston tomonida bo‘ldi. Aziz Haydarovning olis masofadan bergan kuchli zarbasi Koreya darvozasi ustuniga tegib qaytdi...
Tehronda kechayotgan o‘yinda Suriya oldinda borayotganini bilgan koreyaliklar bo‘limning ikkinchi yarmidan boshlab tashabbusni o‘z tomonlariga og‘dira boshladilar. Qo‘shib berilgan daqiqalar o‘tib borayotgan paytda Son Xeung Min ajoyib vaziyatga chiqdi va deyarli birga bir vaziyatda xavfli zarba yo‘lladi. To‘p olis ustunga tegib qaytdi.
Ikkinchi bo‘limni janub koreyslar juda katta ustunlikda boshlashdi. Ular birin-ketin chiroyli kombinasiyalar orqali futbolchilarimizni shoshirib qo‘ya boshlashdi. Tan olish kerak, juda ko‘p vaziyatlarda omad Vatanimiz tomonida bo‘ldi. O‘yinning asosiy vaqti tugashiga 3 daqiqa qolganida koreyalik futbolchi bosh bilan bergan zarba natijasida to‘p darvoza ustuniga tegib qaytdi.
Oradan 2 daqiqa o‘tib Ignatiy Nesterov yakkama-yakka vaziyatda raqib hujumchisi bergan zarbani qaytargan bo‘lsa, qaytgan zarbani Son Xeung Min aniq darvozaga yo‘llay olmadi. Asosiy bo‘limning eng so‘nggi daqiqasida terma jamoamiz gol urish uchun yaxshi imkoniyatga ega bo‘lishdi, ammo Ahmedov va Geynrix tomonidan berilgan zarbalar himoyachilarga tegib qaytdi.
Shu tariqa, terma jamoamiz Janubiy Koreyani o‘z uyida mag‘lub eta olmadi. Tehronda kechgan Eron va Suriya o‘rtasidagi o‘yinning so‘nggi daqiqasida suriyaliklar hisobni tenglashtirib qo‘yishgani bois, O‘zbekiston hattoki pley-off bochqichida ham ishtirok eta olmaydigan bo‘ldi. Guruhda 4-o‘rinni egalladigan va Rossiya-2018 sari yurishni shu yerda to‘xtatdik.
JCH–2018 saralashi
Toshkent, “Bunyodkor”
5 sentyabr, seshanba
O‘zbekiston – Janubiy Koreya 0:0
Ogohlantirishlar: Aziz Haydarov(38), Anzun Ismoilov (71), Yegor Krimes (84) – Jung Vu Yung (36)
O‘zbekiston: Ignatiy Nesterov, Vitaliy Denisov, Anzur Ismoilov, Yegor Krimes, Davron Hoshimov, Aziz Haydarov, Otabek Shukurov, Odil Ahmedov, Server Jeparov (Sardor Rashidov, 52), Eldor Shomurodov (Jaloliddin Masharipov, 86), Igor Sergeev (Aleksandr Geynrix, 58).
Janubiy Koreya: Kim Syong Gyu, Kim Min Jae, Son Xyon Min, Xvang Xi Chan, Li Kun Xu (Li Dong Kuk, 78), Kim Min Vu, Go Yo Xan, Jang Xyun Su (Ku Ja Chol, 43), Jung Vu Yung, Kim Yong Gvon, Kvon Chang Xun (YOm Ki Xun, 64).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
