ASIAN FIGHT xalqaro sport turniri tashkilotchilari tomonidan “Bunyodkor” stadionida tezkor matbuot anjumani tashkil etildi.
Tadbirda faxriy mehmon sifatida taklif etilgan Jan Klod Van Damm betobligi tufayli kela olmasligi, uning o‘rniga esa boshqa yulduz taklif etilishi ma’lum qilindi. Bu mehmon jang san’ati ustasi Stiven Sigal ekanligi aytildi.
Ushbu xabar turnir reklamasidan ham tez yoyildi, turli fikrlar bildirildi. Salbiy ta’siri eng kuchli bo‘lganlar izohlardan biri “biznikilar o‘zi nimaniyam eplaydi?!” degani bo‘ldi.
Bu haqda tadbir tashkilotchilardan biri Qobuljon Ahmedov o‘z fikrini bildirdi:
“Tanqid qilish, masxara qilish juda oson. Ayniqsa futbolchilarimizdan keyin hammaning hafsalasi pir bo‘lib turibdi. Yuqoridagi salbiy izoh ham balki shuning hosilidir. Lekin bu boshqa masala. Aslida ASIAN FIGHT xalqaro sport turnirining mohiyati nimada? Tushuninglar, bu – sport turniri, konsert yoki sirk emas. Bu turnir bizga nima beradi? Yoki masalan, chipta sotib olgan odamga nima beradi? Aksariyat odam o‘zi va farzandi uchun chiptaga buyurtma bermoqda. Ular turnir mohiyatini tushungan odamlar. Yoshlarimizni sportga qiziqtiradi. Unda jang qilayotgan o‘zbek o‘g‘lonlariga o‘xshashni orzu qiladi. Bu orzu-istak o‘smirlarni yomon illatlardan – chekishdan, ichishdan, giyohvandlikdan qaytaradi. Vatan sha’ni uchun kurashishni o‘rgatadi. G‘olib bo‘lib, yelkaga tashlangan bayroq bilan ringda yurish ta’mini his qiladi. Ota-onalar, yaqinlari, xalqini duosini olish qandayligini ko‘radi. Turnirda O‘zbekiston nomidan ringga ko‘tariladigan yigitlar – bugungi kun qahramonlari. Ularning har birida kamida bittadan jahon chempionligi kamari bor. Kelgusida ham chempionlik yo‘lidan ketishlariga shubham yo‘q.
Kechirasizlaru, biz allaqanday tatu festivali o‘tkazayotganimiz yo‘q. Shahvat tarqatuvchi xorij estradasi vakillarining “ijodi”ni ko‘z-ko‘z qilmayapmiz. Eng asosiysi, ma’naviyatimiz va e’tiqodimiz ildiziga bolta uradigan “Ommaviy madaniyat” unsurlarini olib kelayotganimiz yo‘q. Bizga hozir g‘arbparast, yuqoridagi illatlarni sevuvchi odamlarning g‘iybati, ortiqcha gap-so‘zi emas, balki yurtni, sportni sevuvchi insonlarning chin ma’noda yordami kerak.
Chiptalar arzon, “Istiqlol” san’at saroyidagi istalgan konsert chiptasidan qimmat emas. Internetda o‘tirvolib, ig‘vo tarqatish oson. O‘sha insonlar asli turnirga bormaydi ham. Boshqalarni ham borishdan qaytaradi. Van Damm tasdiqlovchi xat berdi, videomurojaat yubordi, biz gonorarining katta qismini to‘ladik, aviabiletlar oldik. Lekin sog‘ligi yomonligi tufayli kelolmadi. Kelmaydi emas, kelolmaydi. Monson bilan birga bo‘lgani uchun umumiy shartnomani bekor qilishga majbur bo‘ldik. Lekin Van Dammdan mashhurligi kam bo‘lmagan Stiven Sigal kelyapti. Biz qo‘limizdan kelganini qilyapmiz. Chiptalar narxini imkon boricha arzon qildik, xalqimizga qulayliklar yaratish umididamiz. Lekin bir narsani ta’kidlashni istardimki, bu turnirga odamlar qaysidir mehmonni ko‘rish uchun emas, balki o‘zbek jangchilarini qo‘llab-quvvatlash uchun, sportni targ‘ib qilish uchun, yosh avlodni sog‘lom qilish uchun, vatanparvarligini sinovdan o‘tkazish uchun boradi. Menimcha, shunday. Chiptalar majburlab sotilmayapti!”
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
