Xitoydan «Barselona»ga yoki «Portsmut»dan «Real»ga. Ha, futbol olami ajib sir-sinoatlaru, bir qarashda aqlni shoshirib qo‘yadigan transferlarga to‘la.
Yorqin misol, braziliyalik Paulinyo aylanib-aylanib, Xitoy super-ligasidan to‘g‘ri «Barselona»ga yo‘l olishini kim kutgandi? Boz ustiga, kataloniyaliklar yarim himoyachi uchun «Guanjou Evergrand»ga naq 40 mln. yevro to‘lashdi.
Bu hol nafaqat muxlislar, balki futbolchilar hamda mutaxassislarni ham hayratga solgan bo‘lsa, ajabmas. Eslatish o‘rinli, Braziliya terma jamoasi vakilining xizmat daftarchasida bir qator oddiy klublar nomi bor - «Vilnyus» (Litva), «Lodz» (Polsha), Janubiy Amerikaning «notanish» jamoalari.
To‘g‘ri, u «Tottenxem»da ham to‘p surgan, ammo esda qoladigan aytarli hech narsa ko‘rsatolmagan. Endi esa jahonning eng kuchli klublaridan biri safida o‘ynash imkoniyatiga ega bo‘lib turibdi.
Xo‘sh, yana kimlar bu kabi antiqa faoliyat yo‘lini bosib o‘tishgan?
Odil TAARABT. Haqiqiy topishmoq futbolchi. Marokashlikning iqtidoriga shubha bilan qarash yaramaydi, ammo unga yomon xulqi va dangasaligi pand berdi. Faoliyati yo‘nalishi: «Lans» - «Tottenxem» - «KPR» - «Fulxem» - «Milan» - «Benfika». Oxirgi yo‘lanishi: «Benfika» - «Jenoa» (ijara kelishuvi bo‘yicha).
Kolin KOZIM-RICHARDS. Bu futbolchining ism-sharifiyoq qiziqish uyg‘otadi, mehnat daftarchasi esa noyob inson ekanligidan dalolat. Diqqat qiling, Kolin 2005 yili «Brayton» bilan shartnoma tuzganini Coca-Cola aksiyasida yutilgan 250 ming funt evaziga barcha gazetalarda ovoza qilgandi.
Faoliyati yo‘nalishi: «Beri» - «Brayton» - «Sheffild Yunayted» - «Fenerbaxche» - «Tuluza» - «Fenerbaxche» - «Galatasaroy» - «Olimpiakos» - «Blekbern» - «Bursaspor» - «Feyenoord» - «Seltik» - «Koritiba». Oxirgi yo‘nalishi: «Koritiba» - «Korintians».
XALK. Hammaga tanish braziliyalik baquvvat hujumchi yoshligidayoq alohida iqtidori bilan ko‘zga tashlangan bo‘lsada, tez orada Yaponiyaga yo‘l oladi. Fakt shuki, Xalk orada yevrofutbolda o‘ynaganidan so‘ng yana Osiyoga yuzlangan bo‘lsada, hamon Braziliya termasiga jalb etilmoqda, vaholanki, yoshi 31ga yetdi. Faoliyati yo‘nalishi: «Vitoriya» - «Kavasaki Frontale» - «Konsadole Sapparo» - «Tokio Verdi» - «Portu» - «Zenit». Oxirgi yo‘nalishi: «Zenit» - «Shanxay SIPG»
Asamoa GYAN. Gana terma jamoasi hujumchisi o‘z yurtida erta kunda tanilib, 17 yoshidayoq Yevropa sari otlandi. U shu-shu sayru sayohatdan bo‘shamayapti. Faoliyati yo‘nalishi: «Liberti Profeshnls» - «Udineze» - «Modena» - «Renn» - «Sanderlend» - «Al-Ayn» - «Shanxay SIPG» - «Al-Ahli» (BAA). Oxirgi yo‘lanishi: «Al-Ahli» - «Qaysarispor».
Mishel BASTOS. Braziliyalik vinger terma jamoa safida atigi 10ta o‘yin o‘tkazgan bo‘lsada, faoliyati sira zerikarli emas. Axir u futbol bahona turli mamlakatlar bilan yaqindan tanishdi. Faoliyati yo‘nalishi: «Pelotas» - «Feyenoord» - «Atletiko Paranaense» - «Gremio» - «Figeyrense» - «Lill» - «Lion» - «Shalke» - «Al-Ayn» - «Roma» - «San-Paulu». Oxirgi yo‘nalishi: «San-Paulu» - «Palmeyras».
Luka TONI. Italyan hujumchisi muxlislarni ko‘p bora hayratlantirgan, futboldagi yo‘li esa bir necha kishiga bemalol yetib ortadi. E’tiborli tomoni, Toni Italiyaning o‘rtamiyona klublari aro 11 yillik sayohatdan keyingina yuqori darajaga ko‘tarildi va barchasiga munosib nuqta qo‘ydi. Faoliyati yo‘nalishi: «Modena» - «Empoli» - «Fiorensuola» - «Lodijani» - «Trevizo» - «Vichensa» - «Breshia» - «Palermo» - «Fiorentina» - «Bavariya» - «Roma» - «Jenoa» - «Yuventus» - «Al-Nasr» (BAA) - «Fiorentina». Oxirgi yo‘nalishi: «Fiorentina» - «Ellas Verona».
Jozi ALTIDOR. Vaqtida Amerika futbolining umidi sifatida ta’riflangan Altidor AQSH milliy jamoasi to‘purarlari reytingida 3-o‘ringa ko‘tarilgani bilan maqtanishi mumkin, ammo klub darajasidagi ishlari uncha o‘xshagani yo‘q. Faoliyati yo‘nalishi: «Nyu-York Red Bullz» - «Vilyarreal» - «Xeres» - «Xall Siti» - «Bursaspor» - AZ - «Sanderlend». Oxirgi yo‘nalishi: «Sanderlend» - «Toronto».
Lassana DIARRA. Fransiya terma jamoasi vakili samarali faoliyati bilan g‘ururlanishi mumkin - Angliya va Ispaniyada chempion bo‘ldi, shuningdek, ko‘plab kuboklar sohibiga aylandi. Ammo mutaxassislar uning timsolida megayulduzni ko‘rishgandi. Faoliyati yo‘nalishi: «Gavr» - «Chelsi» - «Arsenal» - «Portsmut» - «Real» - «Anji» - «Lokomotiv» M. - «Marsel». Oxirgi yo‘nalishi: «Marsel» - «Al-Jazira».
Xenrik LARSSON. Tasavvur qiling, shvesiyalik iste’dodli hujumchi deyarli 33 yoshigacha chinakam grand klublarni ko‘rmadi. Bunday yoshda «Barselona» va «Manchester Yunayted»da o‘ynash haqida o‘ylashdan ma’no yo‘qdek, ammo Larsson o‘yladi va bunga erishdi ham. Faoliyati yo‘nalishi: «Xyogaborg» - «Xelsinborg» - «Feyenoord» - «Seltik» - «Barselona» - «Xelsinborg» - «Manchester Yunayted» - «Roo». Oxirgi yo‘nalishi: «Roo» - «Xyogaborg».
Roxan RIKETTS. «Arsenal»tarbiyalanuvchisi naq 12ta mamlakatda o‘ynashga muvaffaq bo‘ldi. Eng qizig‘i, Riketts «kanonirlar» safida atigi 1 marta maydonga tushish barobarida jamoaning azaliy dushmani - «Tottenxem» libosini 24ta o‘yinda kiydi. Faoliyati yo‘nalishi: «Arsenal» - «Tottenxem» - «Barnsli» - «Toronto» - «Dyoshdyor» - «Dachiya» - «Vilgelmsxafen» - «Shemrok Rovers» - «Ekseter Siti» - «Dempo» - «Deportivo Kevedo» - «PTT-Rayong». Oxirgi yo‘nalishi: Gonkong - Bangladesh.
JUNINYO. Angliyada haligacha Juninyoni eslab turishadi. O‘ta iqtidorli yigit, ammo u Yevropa va Braziliya o‘rtasida sargardon yurishdan sira charchamadi. E’tiborga oling, gap Juninyo Pernambukano emas, Osvaldo Jiroldo Junior haqida ketyapti. Faoliyati yo‘nalishi: «San-Paulu» - «Midlbro» - «Atletiko» - «Midlsbro» - «Vasko da Gama» - «Flamengo» - «Midlsbro» - «Seltik» - «Palmeyras» - «Flamengo» - «Sidney». Oxirgi yo‘nalishi: «Sidney» - «Ituano».
Jorj BEST. Shimoliy irlandiyalik afsonaning «Manchester Yunayted»dagi o‘yinlarini ko‘pchilik yaxshi eslaydi. Ammo u ingliz grandi bilan xayrlashgach, yana 10 yil futbol bilan shug‘ullandi - turli o‘lkalarda. Faoliyati yo‘nalishi: «Manchester Yunayted» - «Juish Gild» - «Danstabl Taun» - «Stokport Kaunti» - «Kork Seltik» - «Los-Anjeles Asteks» - «Fulxem» - «Los-Anjeles Asteks» - «Fordt-Loderdeyl Straykers» - «Xibernian» - «San-Xose Ertkveyks» - «Si Bi» - «Gonkong Reynjers» - «Bornmut» - «Brisben Layons» - «Osborn» - «Naniton Boro». Oxirgi yo‘nalishi: «Naniton Boro» - «Tobermor Yunayted».
A.Eshonxonov tayyorladi
Mash’al
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
