Ispaniya chempionatining 5-turi doirasida «Barselona» o‘z maydonida «Eybar»ni qabul qilib, yirik hisobda g‘alaba qozondi.
Mehmonlar nomdor raqibga jiddiy qarshilik ko‘rsatishga urinishdi. O‘yin boshida "Eybar" futbolchisiga yakkama-yakka vaziyatda Ter Shtegenni dog‘da qoldira olmagan bo‘lsa, o‘yinning so‘nggi daqiqalarida ularning 2ta zarbasidan keyin to‘p "Barsa" darvozasi ustuni va to‘siniga tegib qaytdi.
Kataloniyaliklar hisobni penaltidan ochishdi. Messining 11 metrli jarima to‘pidan bergan zarba yo‘nalishini posbon topdi, ammo uni qaytara olmadi. Paulinyo esa burchakdan yetkazilgan uzatmani bosh bilan raqib darvozasiga joylab qo‘ydi. Shu tariqa, braziliyalik futbolchi "Barsa" safida ketma-ket ikkinchi o‘yinda gol urishga muvaffaq bo‘lmoqda.
Ikkinchi bo‘limda "Eybar" posboni Messining zarbasini qaytardi, ammo Denis Suares qaytgan to‘pni darvozaga joylab qo‘ydi. Bu orada mehmonlar bir marta "Barselona" darvozasiga yo‘l topishdi. Ammo qolgan daqiqalarda Lionel Messi yana 3 marta raqib darvozasini ishg‘ol qildi. Shu tariqa, Messi bu o‘yinda "poker"ni rasmiylashtirdi.
Argentinalik futbolchining Ispaniya La ligasi ushbu mavsumidagi gollari soni 9taga yetdi. "Barselona" esa 15 ochko bilan peshqadamlik qilishda davom etadi.
Ispaniya La ligasi, 5-tur
Barselona – Eybar 6:1 (2:0, 4:1)
Gollar: 1:0 – 20, penalti Messi, 2:0 – 38 Paulinyo, 3:0 – 53 Denis Suares, 3:1 – 57 Enrik, 4:1 – 59 Messi, 5:1 – 62 Messi, 6:1 – 87 Messi.
Barselona – ter Shtegen, Maskerano, Din, Nelson Semedu, Pike, Inyesta (Serdji Roberto, 63), Buskets (Rakitich, 65), Denis Suares, Paulinyo, Deulofeu (Aleish Vidal, 75), Messi.
Eybar – Dmitrovich, Galves, Paulu Oliveyra, Junka, Kapa (Penya, 65), Dani Garsiya (Rivera, 77), Eskalante, Inui, Jordan, Arbilya, Enrik (SHarles, 72).
Ogohlantirishlar: Kapa (10), Galves (80).