Islohot boshida. Kamida 2-3 mavsumdan buyon jurnalistlar va mutaxassislar tomonidan ta’kidlab kelinayotgan masalaga nihoyat, e’tibor qaratildi.
Xullas, 2018 yilgi chempionatdan e’tiboran oliy ligada 12ta jamoa ishtirok etadi. Shunga muvofiq, musobaqa 3 davrali tizimida olib boriladi. Oddiy aytganda, yangi formatga ko‘ra, 12ta jamoa 3 davra doirasida aylanma tizimda 33tadan o‘yinda ishtirok etadi.
Demakki, amaliyot, ya’ni o‘yinlar soni nisbatan oshadi. Xabar berilishicha, dastlabki ikki davraga mavsum boshida qur’a tashlanadi va jamoalar «uyda-safarda» tizimi bo‘yicha o‘zaro 2 martadan o‘ynab chiqadi.
Hal qiluvchi uchinchi davraga kelsak, mezbon-mehmon jamoalar reglament asosida qur’a tashlash yo‘li bilan aniqlanadi. Jamoalarning 30ta emas, bundan 3ta ko‘proq o‘yin amaliyotiga ega bo‘lishi o‘z yo‘liga, muhimi, jiddiy va keskin uchrashuvlar sezilarli darajada ko‘payadi.
Shu o‘rinda...
Aslida uchinchi davrada 1-6-o‘rin egalari sovrinlar uchun (xuddi Shotlandiya va Qozog‘istonda bo‘lgani kabi), jadvalning ikkinchi bo‘g‘inida qolganlar esa ligada qolish uchun kurashsa, yanada yaxshi bo‘lardi, ehtimol. Balki, keyinchalik aynan shu tizim tanlanar ham. Aytish o‘rinli, hozirda Ukraina va Moldovada ham elit divizion musobaqasi 12ta jamoa bilan o‘tkazilmoqda.
Yana bir ahamiyatli ma’lumot shuki, oliy ligamizning chorak asrdan ko‘proq tarixida ishtirokchilar soni biror marta 14tadan kam bo‘lgan emasdi. Yangi formatning umumiy mezoniga qarasak, aksariyat murabbiylarning xavotirlari o‘rinsiz - o‘yinlar soni kamayib ketmaydi. Lekin oliy liga ixchamlashtirilgach, chempionatimizda o‘ziga xos jihatlarni ta’minlash ham zarur. Asosiy masala bitta - OCHL reglamentiga asosan, elit divizionimizga 3tadan ko‘p yo‘llanma berilmasligi mumkin. Ayni shu masalaga diqqat bilan yondashish talab etiladi.
O‘zbekiston chempionati oliy ligasi xronologiyasi
Mavsum
|
Klublar soni
|
1-ligaga tushib ketganlar
|
1992
|
17
|
«Shahrixonchi», «Kimyogar», «Surxon»
|
1993
|
16
|
«Kushon», «Dinamo»
|
1994
|
16
|
«Orol», «Guliston»
|
1995
|
16
|
«Temiryo‘lchi», «Chirchiq»
|
1996
|
16
|
-
|
1997
|
18
|
«Afrosiyob», «Chilonzor», «Yangiyer», «Atlaschi»
|
1998
|
16
|
MHSK, «Kosonsoy»
|
1999
|
16
|
«Yangiyer»
|
2000
|
20
|
«Guliston», «Xorazm», «Temiryo‘lchi»
|
2001
|
18
|
«Kimyogar», «Turon», «Semurg‘»
|
2002
|
16
|
«So‘g‘diyona», «Zarafshon»
|
2003
|
16
|
«Sementchi», «Guliston»
|
2004
|
14
|
«Surxon», «Andijon»
|
2005
|
14
|
-
|
2006
|
16
|
«So‘g‘diyona», «Xorazm»
|
2007
|
16
|
«Vobkent»
|
2008
|
16
|
«UzDongJu»
|
2009
|
16
|
«So‘g‘diyona», «Buxoro»
|
2010
|
14
|
«Lokomotiv», «Xorazm»
|
2011
|
14
|
«Qizilqum», «So‘g‘diyona»
|
2012
|
14
|
«Mash’al», «Andijon»
|
2013
|
14
|
«Guliston», «Sho‘rtan»
|
2014
|
14
|
-
|
2015
|
16
|
«Dinamo»
|
2016
|
16
|
«Andijon»
|
2017
|
16
|
«Obod» (chetlatildi), ???????
|
Boshqa chempionatlarda vaziyat qanday? DAVOMI