Malayziya premyer-ligasida bu yilgi futbol mavsumiga yakun yasaldi. Unda «Kuala-Lumpur» chempionlik shohsupasiga ko‘tarildi.
Ushbu jamoa tarkibida andijonlik 28 yoshli himoyachi Bobur Akbarov ham mavsumning kichik oltin medallariga ega chiqdi. «Andijon» klubining sobiq futbolchisi bu yil ilk bor o‘zini xorij chempionatida sinab ko‘rdi.
Natija esa chakki bo‘lmadi. Kelasi mavsum «Kuala-Lumpur» Malayziya superligasida ishtirok etadi. Barcha o‘yinlarda maydonga tushgan legionerimiz jamoasi muvaffaqiyatlariga munosib hissa qo‘shdi.
Biz so‘nggi tur uchrashuvidan keyin hamyurtimiz bilan bog‘lanib, undan mavsum yakunlari xususida intervyu oldik.
- Bobur, jamoangiz nimaning evaziga chempionlikka erishdi? Raqiblardan sezilarli darajada kuchlimidi yoki qaysidir o‘yinlarda sizlarga omad kulib boqdimi?
- Ochig‘i, chempionlikka erishishimiz oson bo‘lmadi. Bu yo‘lda jamoaning barcha a’zolari, futbolchilar, ishchi-xodimlarning mehnati juda katta.
Bizda ichki muhit hamda birdamlik havas qiladigan darajada. Aynan shu omillar evaziga muvaffaqiyat qozondik, desam yanglishmagan bo‘laman
. To‘g‘ri, ba’zi uchrashuvlarda omadimiz chopdi. Lekin o‘sha omad ham kuchlilarga kulib boqadi. Qaysi sohani tanlamang, astoydil mehnat qilmasangiz, hech narsaga erisha olmaysiz.
- Chempionlik mavsumidagi qaysi o‘yinlarni alohida ta’kidlagan bo‘lardingiz?
- «Paxang Uitm» klubiga qarshi safarda kechgan o‘yin yodda qolarli tarzda kechdi. Avvaliga darvozamizdan gol o‘tkazib yuborgan bo‘lsakda, yakunda irodali g‘alabaga erishgandik.
Shuningdek, o‘z maydonimizda «Terengganu» bilan bo‘lgan bahsni tilga olishni lozim topdim. Bu jamoa asosiy raqibimiz edi. O‘yin nomiga mos tarzda o‘tdi.
O‘z muxlislarimiz ko‘z o‘ngida o‘ynashimizga qaramay, raqiblar bizdan ko‘ra ancha ishonchli harakat qilishdi. Uchrashuv 1:1 hisobida yakuniga yetib borayotgan bir pallada hakam darvozamiz tomon penalti belgiladi.
O‘sha vaziyatda asosiy ishtirokchilardan biriga aylandim. Raqibga tegmagan bo‘lsamda, referi 11 metrli nuqtani ko‘rsatdi.
So‘nggi daqiqada urilgan gol sabab mag‘lubiyatga uchragandik. Uchrashuvdan keyin o‘sha vaziyatni qayta ko‘rib chiqib, hakamlar xatoga yo‘l qo‘yganiga amin bo‘lgandim.
- Chempionlik nishonlandimi?
- Albatta. Lekin Malayziya premyer-ligasi g‘olibi bo‘lganimiz uchun marosim u darajada dabdabali o‘tmadi.
Jamoaga chempionlik kubogi topshirildi, futbolchilar oltin medallarni qabul qilib olishdi. Shu o‘rinda aytishim joizki, biz superliga yo‘llanmasini avvalgi turda qo‘lga kiritgandik.
- Kelgusidagi rejalar qanday?
- Klub rahbariyati hamda bosh murabbiy qolishimni so‘rayapti. Hozirda muzokara olib boryapmiz. Agar hammasi joyida bo‘lsa, faoliyatimni shu jamoada davom ettiraman.
- Boshqa takliflar ham bormi?
- Ha, Malayziya superligasidagi 2-3ta jamoadan taklif oldim. Lekin hozircha bu borada yakuniy qarorga kelmadim. Agar hozirgi jamoam bilan o‘zim xohlagandek kelishuvga erishsam, klubni o‘zgartirishga hojat qolmaydi.
- O‘zbekistonga qachon qaytishni rejalashtiryapsiz? DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
