Milliy terma jamoamiz bugun yangi bosh murabbiy rahbarligida maydonga tushadi. Muxlislar tarkibda jiddiy o‘zgarishlarga qo‘l urilishini kutishgandi.
Ro‘ziqul Berdiyev ko‘pchilik ko‘nglidagi ishni amalga oshirdi, ya’ni tarkib yangi futbolchilar bilan to‘ldirildi. Bu masalada hozircha e’tirozlar yo‘q, hisob.
Nazarimizda, aksariyat muxlislar o‘zgarishlarni qo‘llab-quvvatlash ma’nosida shunday yo‘l tutishdi, chog‘i. Mamlakatimiz futbol shinavandalari tabiatiga xos tamoyil bu.
O‘zi bizda muxlislar hamisha yangi bosh murabbiyga umid ko‘zi bilan qarashgan, uning faoliyatiga muvaffaqiyat tilashgan. Garchi Ro‘ziqul Berdiyev vaqtincha boshqaruvchi sanalsada, unga yangi o‘zgarishlarni boshlash missiyasi yuklatilgan murabbiy sifatida alohida e’tibor qaratilmoqda.
Ha, milliy jamoamiz kelgusida tom ma’nodagi yangilanish bosqichiga qadam bosadi. O‘sha jarayonlarda ishtirok etish-etmasligidan qat’iy nazar, Ro‘ziqul Berdiyev iliq shabadalarning estirgan murabbiy sifatida tarixda qolsa, ajabmas.
Mazkur mulohazalarni ataylab o‘yindan avval yozmoqdamiz. Zero, natija ayni xulosalarimizga soya solmaydi. Xuddi Stanislav Cherchesov Rossiya termasi tarkibini isloh qilgani kabi Ro‘ziqul Berdiyev ham bosh jamoamizga dadillik bilan yangi futbolchilarni taklif etdi.
Ochig‘i, Cherchesov hozir natija masalasida maqtanolmaydi, ammo Rossiya termasining o‘yini jonlangani, tezlashgani - fakt! Buni Argentina termasi bilan kechgan o‘rtoqlik uchrashuvida ham ko‘rdik.
Rossiyaliklar o‘yinida Fabio Kapello va Leonid Sluskiy davridagi og‘ir-vazmin uslub yo‘qoldi. Hozirgi tarkib jahonning eng kuchli jamoalaridan biriga qarshi g‘oyat ishtiyoq bilan to‘p surdi.
Shu bois, sharhlovchilar ham Lionel Messi va Serxio Agueroni maqtay-maqtay, gol o‘yindan tashqari holatdan urilganini qayta-qayta alam bilan ta’kidlashdi.
E’tiborlisi, mag‘lubiyatga qaramay, Cherchesov shogirdlariga nisbatan tanqidiy mulohaza bildirilmadi. Chunki jamoa haqiqatan ham, yaxshi o‘ynadi va kichik hisobdagi mag‘lubiyat aslida saviya ustidan qozonilgan ko‘ngilni yupatuvchi dastlabki g‘alabadir.
Albatta, Cherchesov shunday ishtiyoqmand tarkibni shakllantirguncha ancha ter to‘kdi. Shu ma’noda aytsak, bugungi o‘yin natijasi Ro‘ziqul Berdiyev taqdirida hal qiluvchi ahamiyat kasb etmaydi.
To‘g‘ri, barchamiz har qanday bahsda bosh jamoamiz g‘alaba qozonishini istaymiz. Lekin muxlislarni avvalo, futbolchilarimizning uchrashuvda qanday harakatlanishlari qiziqtirmoqda. Eksperimental tarkib ilk sinovdan qanday o‘tadi? Hamma gap shunda.
Muxlislar Samvel Babayanning DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
