O‘zbekiston Oliy Ligasining 2016 yilgi mavsumida 12-o‘rindan yuqoriga ko‘tarila olmasligi ma’lum bo‘lgan Farg‘onaning «Neftchi» klubi, o‘z tarixida ilk bor quyi ligaga ravona bo‘lgandi.
Kecha — 16 noyabr kuni Sport-TV kanalining «Gol» ko‘rsatuvida mehmon bo‘lgan PFL bosh direktori Omon G‘ofurov, xulosaga shoshilmaslik kerakligini ta’kidladi va «Neftchi» Birinchi Ligaga tushib ketmaganini ma’lum qildi.
«Neftchi» vakillari jamoa Birinchi Ligaga tushib ketgani haqidagi turli OAVlarda berilgan xabarlar haqiqatga qanchalik to‘g‘ri kelishi borasida bizdan so‘radi. Vaholanki, PFL rasmiy saytida bunday ma’lumot hali chiqmadi. Demak, «Neftchi» Oliy Ligadan tushib ketmadi.
Omon G‘ofurov, PFL bosh direktori
Tashkilot rahbarining aytishicha, 2018 yilni Oliy Ligada o‘tkazishni istagan klublar lisenziyalash masalasini to‘g‘ri hal qilishi shart. Shunday xulosaga kelish mumkinki, Oliy Ligada 11-o‘rindan pastga tushib ketgan jamoalar ham elitadagi o‘rnini saqlab qolishi mumkin. Bunda o‘sha jamoa lisenziyalashni to‘g‘ri bajarishi, 11-o‘rindan yuqorida bo‘lgan qaysidir klub esa aksincha, ishni hal qila olmasligi kerak.
PFL sayti bungacha 2017 yilgi mavsum yakunlariga ko‘ra, Oliy Ligada 1—11-o‘rinlarni egallagan klublar o‘z o‘rnini saqlab qolishi, qolganlar esa Birinchi Ligaga surgun qilinishi, o‘z navbatida, Birinchi Liga chempioni Oliy Ligaga qo‘shilishi haqida bayonot berib ulgurgandi. 2017 yil startida esa Oliy Liga klublari bundan voqif qilinmagandi. «Neftchi»dan tashqari, «Sho‘rtan» va «Obod»ning ham Oliy Ligada o‘ynamasligi oydin bo‘lib ulgurgandi. «Obod» chempionatdan chetlashtirildi. «Sho‘rtan» ligada muvaffaqiyatsiz ishtirok etgani barobarida, FIFA talabiga ko‘ra ham kelasi mavsumni quyi ligada o‘tkazishi kerak edi.
****
Kelasi yil Jahon Chempionati bo‘lib o‘tadi. Muxlislarning asosiy e’tibori unda bo‘lishi inobatga olinib, iyun va iyul oylariga Oliy Liga o‘yinlarini qo‘yish rejalashtirilmayapti.
Omon G‘ofurov, PFL bosh direktori
Rossiyadagi mundial kelasi yilning 14 iyunida start olib, 15 iyulga qadar davom etadi. Muxlislarga sir emaski, guruh bosqichi yakunlanib, pley-off o‘yinlari start olgach, o‘rtada bir necha kunlik tanaffuslar yuzaga keladi. O‘sha tanaffuslarda ham O‘zbekiston ichki chempionati va kubogida o‘yinlar o‘tadimi yoki yo‘q — hozircha aniq emas.
O‘zbekiston milliy terma jamoasi Rossiya—2018 mundialida ishtirok etmaydi. Samvel Babayan boshchilik qilgan terma o‘z guruhida Eron, Janubiy Koreya va Suriyadan yomonroq natija qayd etgani uchun, mundialdan chetda qolgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
