O‘zbekiston yoshlar terma jamoasi ham Osiyo chempionati yo‘llanmasini qo‘lga kirita olmadi. «Ham», deya urg‘u berib gapirishimizga sabab shundaki, yaqinda o‘smirlarimiz qit’a birinchiligidan mahrum bo‘lishgandi.
Yurtimizda yoshlar futboli inqirozga yuz tutmoqdami? Oxirgi ikki saralashdagi natijaga asoslanib aytadigan bo‘lsak, ha. Ammo bu inqirozning kattalar, ya’ni professional futbolga ta’siri juda kuchlimi?
Bu haqda endi istagancha bahslashish mumkin. Chunki yoshlarning mag‘lubiyati butun boshli o‘zbek futbolini ortga tortsa, u holda, o‘smirlar Osiyo chempioni bo‘lib, yoshlar jahon chempionati chorak finaliga chiqqanda futbolimiz birdan rivojlanib ketishi kerak edi.
Ammo o‘shanda hech qanday yuksalish kuzatilmadi, shunday ekan, hozirgi mag‘lubiyatlardan fojia yasash yaramaydi.
MUNOSABAT
O‘zbekiston yoshlar termasi Tojikistonda bo‘lib o‘tgan saralash musobaqasida muvaffaqiyatsizlikka uchragandan so‘ng ko‘p munosabat bildirildi. Ularning aksariyati tanqidiy ruhda ekanini tushunish qiyinmas. Oramizda ayyuhannos solganlar ham bo‘ldi.
Ammo hamma emas. Masalan, Osiyo chempionati yo‘llanmasi qo‘lga kiritilmaganidan fojia yasamaganlar topildi. Shaxsan o‘zimga tajribali jurnalist va mutasaddi Alisher Nikimbayev tomonidan bildirilgan fikr juda yoqdi.
U «Tvitter»dagi sahifasida shunday qayd qoldirdi: «O‘zbekiston yoshlar terma jamoasi oxirgi marta Osiyo chempionati saralashidan o‘ta olmaganida, uning tarkibida quyidagi futbolchilar bor edi - Odil Ahmedov, Vagiz Galiulin, Vadim Afonin, Lutfulla To‘rayev, Kamoliddin Murzoyev, Bahodir Pardayev va Bahodir Nasimov...»
Menimcha, Alisher akaning gapiga qo‘shimcha qilishning zarurati yo‘q.
Juda kerak bo‘lsa, qo‘shimcha tariqasida Temur Kapadze, Server Jeparov, Sardor Rashidov, Aziz Haydarov, Anzur Ismoilov, Sanjar Tursunov va Vitaliy Denisov kabilarning ham yoshlar futbolida arzirli natijaga erisha olmaganini qistirib o‘tish mumkin.
O‘zbekiston milliy terma jamoasi safida barqaror o‘yin namoyish etgan futbolchilarni ko‘rib chiqadigan bo‘lsangiz, ular orasida yoshlar o‘rtasida Osiyo va jahon chempionatida ishtirok etganlarni ko‘p topa olmaysiz. Sizga yana qanday isbot kerak?
YO‘QOTISHLAR
Aksincha, yoshligidan nazarga tushib, shuhrat qozongan o‘yinchilarni juda tez yo‘qotganimizga ko‘p guvoh bo‘lganmiz.
Modomiki, aniq nomlar keltirayotgan ekanmiz, keling, ular kim ekanini yana bir bor yodga olib o‘tsak - Abbos Maxstaliyev, Temur Hakimov, Bobur Davlatov, Sardor Rahmonov, Sardor Sobirxo‘jayev... Bu siz eslay oladigan nomlar.
Yodingizga tushmaydiganlari ham anchagina. 2011 yilning yozida Meksikada bo‘lib o‘tgan jahon chempionatidan so‘ng mashhurlik otiga minganlar anchagina edi - Asiljon Mansurov, Azizbek Murotov, Davlatbek Yorbekov, Xolmurod Xolmurodov.
Esladingizmi? O‘sha jahon chempionatidan so‘ng ularning har biri «Spark» mashinasiga ega chiqqandi. Hali haydovchilik guvohnomasini olmagan bolalarga «moyi artilmagan» ulovlar topshirilgan. Ammo qani ular hozir?
Ming afsuski, biz bu iqtidorlardan o‘zbek futboli kelajagi bo‘lishlarini kutgandik. Ammo ularning aksariyati hatto oliy liga darajasiga ham chiqa olmadi. Chiqqanlari esa shunchaki o‘rtamiyona futbolchiga aylangan.
Jamshid Iskanderov yangi «Jeparov» bo‘lishi kerak edi. Ammo «Paxtakor»da ham zaxirada qolgan o‘yinlarini ko‘ryapmiz.
Bir vaqtlari Jeparov yaxshimi yoki yomon, ishqilib, Mirjalol Qosimovga o‘rinbosar bo‘la olgandi. Ammo Jeparovga izdosh futbolchi yaqin orada ko‘zga tashlanmayapti.
Yoki Igor Sergeevni olaylik. Kutganimiz bo‘yicha u kamida Igor Shkvirin darajasiga chiqishi taxmin qilingandi. Biroq Sergeevning Shkvirin bilan faqat bir mushtarak jihati bor ekan - ismi.
Agar ikkisi ham Igor bo‘lmaganda, boshqa o‘xshash jihatlarni qidirishga hojat qolmasdi. Shkvirin o‘z vaqtida gol urish bo‘yicha rekord o‘rnatgan bo‘lsa, Sergeev antirekordlarga o‘ralashib qoldi.
SABAB
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
