Ispaniya terma jamoasi bosh murabbiyi rossiyaliklarning o‘yiniga yuqori baho berib, «Sankt-Peterburg» stadionini sport san’ati mahsuli, deb atadi.
- Siz Rossiyadagi JCHga boradiganlar ro‘yxatini tuzib bo‘ldingizmi? Bu tarkibda Rossiyaga qarshi o‘yinda ishtirok etgan futbolchilar ko‘pmi?
- Balki o‘zgarishlar bo‘lar. Asosan, martdagi o‘rtoqlik o‘yinlaridan keyin bir qarorga kelamiz. Ammo mazkur uchrashuvlarga chaqiriladiganlarning aksariyati JCH «zayavka»sidan o‘rin oladiganlarga maksimal darajada yaqin bo‘lishlari aniq.
- Rossiya termasining to‘rt himoyachi bilan o‘ynash uslubiga o‘tishi sizni hayron qoldirdimi? Raqib futbolchilaridan qay biri e’tiboringizni o‘ziga tortdi?
- Hayron bo‘lmadim. Bu normal holat, zero o‘yin davomidagi o‘zgartirishlar tez-tez yuz berib turadi. Rossiya termasining darajasi yuqori, o‘yinchilarda motivasiya baland. Ular saralashda ishtirok etishmadi, shuning uchun har bir bahsga o‘ta mas’uliyat bilan yondashishmoqda. Ko‘pdan beri Smolovni kuzataman. Uning harakatlari menga juda yoqadi. Fyodorni yuqori darajadagi futbolchi, deb hisoblayman.
- Rossiyaliklar o‘yinida sizga ko‘proq nima yoqdi va qaysi jihatlarni yaxshilash kerak?
- Umuman olganda, biz yomon o‘yin o‘tkazmadik. Har ikki uchrashuv ham foydamizga ishladi, degan fikrdaman. Tezda ikkita gol urdik va ancha bo‘shashdik. Oqibatda Rossiya termasining to‘pga egalik qilishiga yo‘l qo‘ydik. Bunday toifadagi raqiblarga qarshi esa to‘psiz o‘ynash ancha qiyin. Har ikki nazorat bahsida Pepe Reynadan tashqari termaga nomzodlarning barchasini sinovdan o‘tkazdik.
- Ispaniya termasining makoni sifatida Krasnodarni tanladingiz. Bu qaror Peterburg foydasiga o‘zgarishi mumkinmi?
- Baza masalasida sal keyinroq - mundialda bir qarorga kelamiz. Avvalo, qur’a natijalarini bilish va kim bilan, qayerda o‘ynashimizdan boxabar bo‘lishimiz kerak.
- Hamma Ispaniya termasini Argentina kabi to‘pga egalik qiladi, deb o‘ylagandi. Nima uchun buni uddalay olmadinglar?
- Bahs o‘ta og‘ir kechdi. Ba’zi lahzalarda bo‘shashdik va to‘pni nazoratdan chiqarib yubordik. Aksariyat hollarda biz yomon o‘ynadik, qolaversa, raqib yuqori saviyali futbol namoyish etib, ko‘pgina vaziyatlarda bizdan yaxshiroq harakat qildi. Tanaffusgacha urilgan gol ham ularga kuch berdi.
- Tomi yopiq maydonda kechgan o‘yindan keyingi fikrlaringiz...?
- Stadion fantastik darajada! Zamonaviy va go‘zal. Bu sport san’ati mahsuli. Eng muhimi esa, biz ortga mag‘lubiyatsiz seriyani davom ettirgan holda qaytishni uddaladik.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
