Osiyo boks konfederasiyasi 2017-yilning eng yaxshilarini aniqlash maqsadida so‘rovnoma tashkil etdi.
So‘rovnoma yakuniga ko‘ra, "Yilning eng yaxshi bokschisi" yo‘nalishida Gamburgdagi jahon chempionatining oltin medal sohibi Shahram G‘iyosov g‘olib bo‘ldi. Hamyurtimiz ovozlarning 57,2 foiziga egalik qildi.
Shahramdan keyingi ikkinchi pog‘onani esa yana bir taniqlik bokschimiz Hasanboy Do‘smatov band qildi. Rio olimpiadasining oltin medal sohibi 32,8 foiz ovoz to‘plashga erishdi. Kuchli uchlikka esa qozog‘istonlik Qayrat Yeraliyev yakun yasadi.
"Yil kashfiyoti" yo‘nalishida ham ikki nafar boksichimiz e’tirof etilishdi. Unga ko‘ra, Gamburgdagi mundialda muvaffaqiyatli ishtirok etgan Iqboljon Xoldorov va Sanjar Tursunov bu yo‘nalishda kuchli uchlikka kiritilishdi. Birinchi pog‘onani suriyalik Hussayn Al-Masri egalladi. Biroq, bu so‘rovnomada bokchsilarimiz kichik farq bilan ortda qolib ketishdi.
Shuningdek, Osiyo boks konfederasiyasi "Yilning eng yaxshi boks federasiyasi" yo‘nalishida ham so‘rovnoma tashkil etdi. Bu yo‘nalishda esa O‘zbekiston boks federasiyasi katta farq bilan g‘olib deb topildi. O‘zbekiston boks federasiyasi muxlislarning 91% ovoziga ega bo‘ldi.
Osiyo boks konfederasiyada o‘zbek bokschilari bu mavsum hamma musobaqada muvaffaqiyatlik qatnashishgani alohida tilga olindi.