Xabaringiz bor, O‘zbekiston futbol federasiyasi va professional futbol ligasi tomonidan futbolimizni isloh qilish borasida qator samarali ishlar olib borilmoqda. Chempionatimiz formati o‘zgartirilib, klublarning professional faoliyatini ta’minlash maqsadida bir qator o‘rinli talablar qo‘yilmoqda. Shuningdek, futbolchilarning jismoniy holatini kuchaytirish bo‘yicha normativlar olinib, terma jamoalar manfaatini yo‘lida foydali yangiliklarga qo‘l urildi. Bu borada “Bunyodkor” jamoasi sardori Javlon Ibrohimov o‘z fikrlari bilan o‘rtoqlashdi.
“Avvalo, O‘zbekiston futbol federasiyasi va professional futbol ligasida ish boshlagan yangi rahbariyatga omadlar tilayman. Ular tomonidan olib borilayotgan ishlarga yuqori baho beraman. Yurtimizdagi 2017 yilgi futbol mavsumini O‘zbekiston kubogi finali yakunlab berdi. Ko‘pchilikka yaxshi ma’lumki, final bahsi juda yuqori saviyada tashkil etildi. Maydonda “Lokomotiv” va “Bunyodkor” jamoalari o‘rtasida murosasiz kurash kechdi. Stadiondagi muhitni esa ta’riflab bo‘lmaydi. Bilasizmi, futbolchilik faoliyatim mobaynida ichki musobaqalarda bunday ko‘p muxlis yig‘ilganini ilgari ko‘rmagandim. Shuning o‘zi ko‘rsatib turibdiki, xalqimiz futbolni sevadi”.
“Fikrimcha, endi 2018 yilgi Superliga bahslari xuddi final bahsidek o‘tadi. Chunki endi oddiy o‘yinlarning o‘zi qolmadi. 12talik formatdagi har bir bahs murosasiz va keskin o‘tishiga shubha yo‘q. O‘ylab ko‘ring, qandaydir ochkolar Sizni yo chempionlik uchun kurashga qo‘shadi yoki Superligada jon saqlab qoladigan guruhga tushirib yuboradi. Qolaversa, “oltin ochkolar” hisob-kitobi ham o‘ziga xos yangilik bo‘ldi. Bu endi har bir raqib bilan bo‘ladigan bahsda ochko jamg‘arish kerakligini ko‘rsatib turibdi. Shu orqali ham muxlislarning qiziqishi ortishi aniq”.
“Keskinlik va murosasizlikning oshishiga xizmat qiladigan yana bir jihat bu – normativlardir. Futbolchilar endi jismoniy holatlarini mavsum davomida yuqori saviyada ushlab turishlari kerak. Ayniqsa, qishki o‘quv-mashg‘ulot yig‘inlarida olinadigan yuklamalar kuchliroq bo‘lsa, bu futbolchining mavsumning oxirigacha jismoniy holati yetuk bo‘lishini ta’minlaydi. Mana shunday yuklamalarga dosh berolgan futbolchilar va jamoalarning g‘alabalari ham ko‘proq bo‘ladi. Bundan esa eng avvalo terma jamoalarimizga ko‘proq foyda. Vatanimiz jamoalariga kirish uchun futbolchilar ichida raqobat oshadi. Terma jamoalar murabbiylari ro‘yhatida qancha nomzod ko‘p bo‘lsa, o‘ylaymanki, xalqaro turnirlardagi g‘alabalarimiz ham salmoqli bo‘ladi”, - deydi “Bunyodkor” sardori Javlon Ibrohimov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
