O‘zbek futbolida shu vaqtga qadar muammolar ko‘p bo‘lgan. Ular orasida eng dolzarblaridan biri translyasiya masalasi ekani sir emas.
Buni hammamiz yaxshi bilamiz. Afsuski, oliy liganing 26 yillik tarixi davomida biror marta translyasiyadan yolchimadik. Hatto sportga ixtisoslashgan alohida kanal ochilgani ham vaziyatni o‘nglay olmadi. Xo‘p, ayb kimda?
O‘xshasa, o‘xshamasa, hamma o‘yinlarni bir chetdan olib ko‘rsatavermagan Sport TV aybdormi yoki ishi faqat badal puli yig‘ish bo‘lib qolgan, 10 yillik faoliyati davomida biror marta chempionlik tantanasini tayinli tashkil eta olmagan PFLmi?
Balki kelishuvchilik balosiga mubtalo bo‘lgan va «pul yuvish» manbai bo‘lib qolgan klublar aybdordir? Yoki shularning barchasi birgalikda o‘zbek futboli o‘z qobig‘iga o‘ralashib qolishiga sabab bo‘ldimi?
BOZOR
Xalqimizda «Otang - bozor, onang - bozor», degan gap bor. Bu aqida futbolda ham amal qiladi. Professionallikka daxldor neki bo‘lsa, albatta, bozor munosabatlariga asoslanishi kerak. Masalan, hozir Yevropaning manaman degan o‘yinlari tush vaqtida o‘tmoqda. Nima uchun?
Chunki ularga Xitoy kompaniyalari reklama bermoqda, demakki, o‘yin vaqtini Chin o‘lkasiga mo‘ljallab belgilash shart. Aks holda, klublar mo‘maygina daromaddan qolib ketishadi. Talab bor ekanmi, taklif ham shunga monand bo‘ladi.
Afsuski, bu borada O‘zbekiston chempionatini juda xaridorgir, deb ayta olmaymiz. Zerikarli, ko‘p hollarda kelishilgan va hakamlarning turli-tuman «xato»lariga boy o‘tadigan o‘yinlar allaqachon o‘z ta’sirini o‘tkazib bo‘ldi - stadionlardagi bo‘m-bo‘sh tribunalar bunga isbot.
Ba’zi arenalarda hali biror marta muxlis o‘tirmagan o‘rindiqlar bor. Birovga aytishga ham uyalasan. Endi bir o‘ylab ko‘ring, bu uchrashuvlarning translyasiyasi kimga kerak?
Haytovur, baxtimizga bir vaqtlari Sport TV tashkil etilgan ekan, baholiqudrat o‘yinlarni olib ko‘rsatyapti. Ammo bu translyasiyalarni yetarli, deb bo‘lmaydi. Bori ham asosan poytaxt chegarasidan chetga chiqmaydi. Nima uchun?
Hamma gap shundaki, chempionat o‘yinlarini efirga uzatish ancha sermashaqqat va serxarajat yumush hisoblanadi. Ko‘chma telestansiya xizmatidan foydalaniladi, 15-20 kishilik jamoaga gonorar tayinlanadi.
Ammo daromad shunga yarasha bo‘lmasa, nima qilish kerak? Yaxshi bilasiz, televideniyening asosiy daromadi reklamadan bo‘ladi. Ammo huvillab yotgan stadionlarda o‘tkazilgan zerikarli o‘yinga reklama beraman, deb kimning ko‘zi uchib turibdi? Bu yog‘ini ham o‘ylash kerak emasmi?
BORIMIZ SHU(MI?)
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
