Afsuski, tarixga muhrlangan yil davomida futbol olamida ham ba’zi juftliklar munosabati tarixga aylandi.
Vaholanki, ko‘pchilik deylik, Jerar Pike va Shakira yo‘llari ayro bo‘lishini hattoki, xayoliga ham keltirmagandi. «SE» nashri yilning eng shov-shuvli ajrashuvlari reytingida 1-o‘ringa bejiz aynan shu juftlikni qo‘ygani yo‘q.
Jerar PIKE - SHAKIRA
Oilaviy munosabatlar bobida 2017 yilning eng tushunarsiz voqeliklaridan biri. Pike va Shakira yozda Lionel Messi - Antonella Rokussoning to‘y bazmida rosa xushchaqchaq ko‘rinishgandi, kuzda esa ularning bir necha oydan buyon birga yashamayotganlari haqida gap-so‘zlar urchidi.
Eslasangiz, himoyachi «Espanyol» darvozasini nishonga olgach, xunuk imo-ishora qilgandi, aytishlaricha, u bu xatti-harakatini kolumbiyalik xonandaga «bag‘ishlagan» ekan. Aslida ajrashuv haligacha rasman tasdiqlangani yo‘q.
Aksincha, Pike ham, Shakira ham jamoat joylarida barchasini inkor etishdan charchashmayapti. Misol uchun, xonanda oktyabr oyida «Instagram» tarmog‘iga futbolchiga atalgan qo‘shig‘ini joylashtirdi. Biroq fakt shuki, ular anchadan buyon birga emaslar.
Andrey ARSHAVIN - Alisa KAZMINA
Faxriy hujumchining mahbubasi oktyabrda Qozog‘istondan qaytgani hamono ochiq intervyu berib, erini xiyonatda aybladi. To‘g‘ri, Alisa yana 2 kundan keyin «Instagram» orqali har qanday holatda ham, Arshavinni sevishini ta’kidladi:
«Maqola chiqdi, unda savollarga javob berdim, xolos. Andrey kabi mashhur futbolchi atrofidagi har qanday xabar tezda doston bo‘lishi tabiiy hol. Intervyuda bor gapni aytdim.
Lekin o‘tmish - bu o‘tmish. Kelajak esa aniq emas. Hozirgi vaqt shuki, har qanday holatda Andryushani sevaman, qadrlayman, tushunaman..».
Jeymi REDNAPP - Luiza REDNAPP
Angliya terma jamoasi sobiq futbolchisi va xonanda o‘rtasidagi 19 yillik munosabatlarga darz ketdi. E’tiborlisi, Luiza erining talabi bilan pop-yulduz bo‘lishdan voz kechgandi.
Biroq u «Yulduzlar bilan raqs» shousining britancha talqinida boshlovchilik qilish imkoniyatidan yuz o‘girolmadi. Natijada butunlay ishga sho‘ng‘idiyu, oilasi tanazzulga uchradi.
Ya’ni ayni payt Sky Sports sharhlovchisi sifatida faoliyat yuritayotgan Jeymi umr yo‘ldoshini juda kam ko‘rayotgani sabab, u bilan ajrashishga qaror qildi. Sentyabr oyida esa Luiza ham buni rasman tasdiqladi.
Rayan GIGGZ - Steysi KUK
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
