Quyidagi fotojamlanmaga kiritilgan yigitlarning ayrimlari yevrofutbolda ma’lum darajada o‘zlarini ko‘rsatishga ulgurishdi, qolganlari esa «ko‘hna qit’a»ga talpinishmoqda yoki hammani rom qilish jarayoniga shaylanishmoqda.
Demakki, ular joriy yil Kilian Mbappe tarixini takrorlab, yorqin yulduz maqomini olishlari ham hech gap emas.
10. Esekiel BARKO («Independyente»), 18 yosh, yarim himoyachi. Barko - jussasi kichik klassik yarim himoyachi.
Tezkor, shiddatli va yuqori dribling salohiyatiga ega Esekiel 17 yoshidayoq «Independyente» asosiy tarkibiga qo‘shilib, darhol murabbiylar shtabini hayratlantirgan.
Argentinaliklar uni yozda «Zenit»ga sotishdan bosh tortishdi. Ijodkorlikka moyil Barkoning o‘zi ham birdaniga yirikroq klubga o‘tishni mo‘ljallamoqda, shekilli.
9. Lautaro MARTINES («Rasing»), 20 yosh, yarim himoyachi. Janubiy Amerika futbolida ko‘zga tashlangan yana bir istiqbolli xavbek.
Lautaro ayni payt Avelyanedaning «Rasing» jamoasi yetakchilaridan biri va Krishtianu Ronalduga kumir sifatida qaraydi. Aytish joiz, u ham portugaliyalik yulduz kabi tezkor va zarbasi chakki emas. Shuningdek, havodagi to‘p uchun kurashda qoyilmaqom harakatlanadi.
8. Mikael KYUYSANS («Borussiya» M.), 18 yosh, yarim himoyachi. Menxengladbax klubi Kyuysansni U-17 toifasidagi Yevropa birinchiligidan so‘ng «Nansi»dan sotib oldi.
Zero, Mikael aqlli o‘yini va zargarona uzatmalari bilan e’tiborga tushgandi. «Borussiya» bosh murabbiyi Ditter Xekking fransiyalik yosh iqtidorni tez-tez maydonga tushirmoqda va muhimi, u yo‘qolib qolayotgani yo‘q.
Umuman, Kyuysans ulkan salohiyatga egaligini isbotlab ulgurdi va endi yangi darajaga chiqsa, ajabmas.
7. Yakub YANKTO («Udineze»), 21 yosh, yarim himoyachi. Italiyaning bu klubi Yevropa futbol bozoriga iqtidorli yosh «tovar»lar yetkazib berishi bilan tanilgan.
/cdn.vox-cdn.com/uploads/chorus_image/image/57781031/835932622.jpg.0.jpg)
«Udineze»ning navbatdagi kashfiyoti - Yakub Yankto ayni payt «Milan» va «Yuventus» klublari e’tiborida turibdi. U maydon markazi va qanotda birdek effektli to‘p suradi, o‘rinli dribling va chiroyli «pas» hisobiga o‘yinga o‘zgacha shiddat bag‘ishlaydi.
Mutaxassislarning e’tirof etishlaricha, Yakub hozirning o‘zida top-klublar asosiy tarkibidan joy olish uchun kurashishga qodir.
6. Frenki de YONG («Ayaks»), 20 yosh, yarim himoyachi. Frenkining «Ayaks»da bosh rollardan birini qo‘lga olib, maydon markazidagi o‘yinni nazorat qila boshlaganiga ko‘p bo‘lgani yo‘q.
O‘tgan mavsum Peter Bosh o‘zining «bolakay» shogirdlari bilan YELda shov-shuv ko‘targach, Kasper Dolberg, Matteys de Ligt va boshqalar boy klublar mo‘ljaliga tushishdi. Qarangki, Amsterdamda endi yangi qahramonlar bosh ko‘tarishmoqda.
Frenki de Yong - texnik salohiyati baland va o‘ta shiddatkor yarim himoyachi. Unda ayniqsa, o‘yinni tushunish va to‘p uzatish madaniyati yaxshi rivojlangan. E’tibor bering, gollandiyalik yigitchani hozirning o‘zida kimsan Andrea Pirlo bilan taqqoslamoqdalar.
5. Yann-Fite ARP («Gamburg»), 17 yosh, hujumchi.
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
