Transfermarkt.de (Germaniya) sayti ma’lumotlari bo‘yicha tuzilgan tahliliy reytinga qarasak, futbol olamida yarim himoyachilar va hujumchilar narxi ancha baland.
To‘g‘ri, boy klublar oxirgi vaqtlarda himoyachilarga ham binoyidek sarflashyapti, ammo oldingi chiziq vakillari transferi ancha qimmatga tushadi, baribir.
ENG QIMMATBAHO DARVOZABONLAR
Hujumchilar bu darvozabonlarni uncha yoqtirishmaydi. 24 yoshli Serxio Riko «Sevilya» bilan YELda ikki bora zafar quchishga ulgurdi, shuningdek, Ispaniya termasida debyut qildi.
Bo‘yi 194 santimetrga teng kiper «Liverpul» e’tiboriga tushgach, sevilyaliklar o‘rtadagi shartnoma muddatini darhol 2021 yilga qadar uzaytirishdi. Kepa Arisabalaga «Real» bazasida tibbiy ko‘rikdan o‘tib, shartnoma ostiga imzo chekdi.
Amaldagi chempion «Atletik»ka 20 mln. yevro to‘laydi («Atletik» bilan tuzgan sharnomasida shuncha tovon puli belgilangan edi). Ugo Lyoris 2017 yili Fransiya milliy jamoasi darvozasini eng ko‘p qo‘riqlagan kiperga aylandi (Fabyen Bartezdan o‘zib ketdi).
Darvoqe, «Tottenxem» faxriysi 2012 yili «Lion» safida Fransiya kubogi va superkubogini yutgandi. Manuel Noyer o‘tgan yilning sentyabrida mashg‘ulot jarayonida chap oyog‘idan jarohatlangandi.
Shunga qaramay, reytingga tushgan yoshi eng katta kiper Rossiya mundialida ishtirok etishiga shubhalanmayapti. Ederson Morayes sentyabr oyida ko‘ngilsiz holatni boshdan kechirdi. «Manchester Siti» - «Liverpul» o‘yinida mehmonlar hujumchisi Sadio Mane golkiperning yuziga tepib yubordi.
Natijada uni 3 o‘yinga diskvalifikasiya qilishdi, Ederson esa keyingi turdayoq safga qaytdi, garchi yorilgan boshini 8 chok tikkan bo‘lsalarda. Mark-Andre ter Shtegen CHL-2017|2018 guruh bosqichida omadli «seyv»lar bo‘yicha eng yuqori natijani qayd etdi - 92,86 foiz holatda xavfni bartaraf edi.
Nemis kiperi Ispaniya chempionatida ham qoyilmaqom daraja o‘ynamoqda. Ha, mavsum arafasida daniyalik me’mor qiz - Daniela Yele bilan nikohdan o‘tgan ter Shtegen hayotidagi katta o‘zgarishdan o‘zgacha ilhom olmoqda, shekilli.
18 yoshli Janluiji Donnarumma «Milan» fanatlari nafratiga uchradi, ammo bunda uning agenti hissasi ko‘proq bo‘lsa kerak. David de Xea dekabr oyida «Arsenal»ga qarshi kechgan o‘yinda 14 marta «seyv» ko‘rsatib, ijtimoiy tarmoqlarni «portlatib» yubordi. Tibo Kurtua esa «Chelsi»da bosh rollardan birini bajarmoqda.
«Atletiko»da uning o‘rnini egallagan Yan Oblakning bahosi qisqa vaqt ichida 7 milliondan 50 «limon»ga oshdi. Zero, u dastlabki 113ta o‘yindan 60tasida darvozasi daxlsizligini saqlab qoldi.
T|r. Darvozabon Yoshi Klubi Mamlakati Transfer narxi
1. Yan Oblak 25 «Atletiko» Sloveniya 50 mln. yevro
Tibo Kurtua 25 «Chelsi» Belgiya 50 mln. yevro
David de Xea 27 «MYU» Ispaniya 50 mln. yevro
4. Janluiji Donnarumma 18 «Milan» Italiya 40 mln. yevro
Mark-Andre ter Shtegen 25 «Barselona» Germaniya 40 mln. yevro
Ederson Morayes 24 «Manchester Siti» Braziliya 35 mln. yevro
Manuel Noyer 31 «Bavariya» Germaniya 35 mln. yevro
8. Ugo Lyoris 31 «Tottenxem» Fransiya 25 mln. yevro
9. Kepa Arisabalaga 23 «Atletik» Ispaniya 20 mln. yevro
Serxio Riko 24 «Sevilya» Ispaniya 20 mln. yevro
ENG QIMMATBAHO HIMOYACHILAR
Hujumchilarning bu yigitlarni ham uncha xushlamasliklari aniq. Axir gol urishlariga ko‘pincha aynan shular to‘sqinlik qilishadi. Serxi Roberto mavsum-2016|2017 yakuniga ko‘ra, kataloniyalik eng yaxshi futbolchi sifatida e’tirof etildi.
U maxsus so‘rovda hattoki, Jerar Pikeni ortda qoldirdi. «Napoli» Italiyada «Yuventus»ning «gegemon»ligidan zerikdi va joriy mavsum bunga chek qo‘ymoqchi. Neapolliklar orqa chiziqda ayniqsa, Kalidu Kulibaliga katta ishonch bilan qarashmoqda. Ammo senegallik markaziy himoya allaqachon «Barselona» va «Chelsi»dek grandlarning e’tibor markaziga tushgan.
Qolaversa, La Gazzetta dello Sportning ma’lumotlariga ko‘ra, «Manchester Siti» Kulibali uchun 65 mln. yevro taklif etishga ham ulgurgan. Kayl Uolker - bu ro‘yxatdagi eng tajribali himoyachi. «Tottenxem» libosida 229 marta maydonga tushgan futbolchi yozda «Manchester Siti» bilan birdaniga 5 yillik shartnoma tuzdi va 2-raqamni oldi.
«Shaharliklar»ning bu transfer yo‘lida naq 51 mln. yevro sarflashganini ham aytish joiz. Samuel Yumtiti jarohat tufayli ancha vaqt o‘ynamagan bo‘lsada, L~Equipe nashri talqinidagi jahonning ramziy terma jamoasidan joy oldi. Angliya klublari himoyachi uchun 56,3 mln. yevro (shartnomasida ko‘rsatilgan tovon puli miqdori) to‘lashga tayyor, lekin kataloniyaliklar uni osongina qo‘yib yubormaydilar, albatta.
Benjamin Mendi avvalgi mavsum «Monako»ning Fransiya chempionatida zafar quchishiga katta hissa qo‘shdi va o‘tgan yoz APLga yo‘l oldi - «Siti»ga. Qimmatbaho himoyachilar orasida eng yoshi - Joshua Kimmix nafaqat «Bavariya» klubi, balki Germaniya milliy jamoasida ham fantastik darajada yaxshi o‘ynamoqda.
Deylik, u JCH-2018 saralashi doirasidagi 10ta o‘yinda ham to‘liq vaqt to‘p surib, 9ta golga assistentlik qildi. Rafael Varan «Real»da turli davrlarni boshdan o‘tkazmoqda: gohida butun «Santyago Bernabeu»ni hayratga soladi, ba’zan esa tarkibdan ham joy olmaydi. Jon Stouns - «Manchester Siti»ning elit ro‘yxatdagi 3-himoyachisi!
Balki «shaharliklar»ning dadil odimlayotganlari sababi ham shudir. «Real» Dani Karvaxalni tarbiyalab, «Bayer»ga yubordi, keyin 6,5 mln. yevro to‘lagancha Madridga qaytardi. Chunonchi, u Germaniyada 2013 yili eng yaxshi himoyachi maqomini oldi. Karvaxal faqat maydon emas, uning chetida ham juda «o‘tkir».
Misol uchun, «Vilyarreal»dan qabul qilingan mag‘lubiyatdan so‘ng shunday dedi: «Futbolchilar Zidan uchun o‘lishga ham tayyorlar. «Bunga ishonmaydiganlar Real»dan daf bo‘lishsin».
«Liverpul» Virjil van Deyk transferiga 85 mln. yevro to‘lab, uni eng qimmatbaho himoyachiga aylantirdi. Gollandiyalik novcha yigit esa bunga javoban debyut o‘yini (Angliya kubogida «Everton»ga qarshi)dayoq gol urib, «qizillar»ga g‘alaba keltirdi.
T|r. Himoyachi Yoshi Klubi Mamlakati Transfer narxi
1. Virjil van Deyk 26 «Liverpul» Gollandiya 50 mln. yevro
2. Daniel Karvaxal 26 «Real» Ispaniya 45 mln. yevro
3. Jon Stouns 23 «Manchester Siti» Angliya 40 mln. yevro
Rafael Varan 24 «Real» Fransiya 40 mln. yevro
Joshua Kimmix 22 «Bavariya» Germaniya 40 mln. yevro
Benjamin Mendi 23 «Manchester Siti» Fransiya 40 mln. yevro
Samuel Yumtiti 24 «Barselona» Fransiya 40 mln. yevro
Kayl Uolker 27 «Manchester Siti» Angliya 40 mln. yevro
Kalidu Kulibali 26 «Napoli» Senegal 40 mln. yevro
Serxi Roberto 25 «Barselona» Ispaniya 40 mln. yevro
ENG QIMMATBAHO YARIM HIMOYACHILAR
Hujumchilar bu futbolchilarni juda qadrlashadi, axir ularni asosan aynan shu yigitlar zarba yo‘liga olib chiqishadi. Daniyalik Kristian Eriksen o‘z mamlakatida ketma-ket 3-marta yilning eng yaxshi futbolchisi sifatida tan olindi.
U shuningdek, yaqinda APLda 37-golini urib, bu borada vatandoshi, «Arsenal»ning sobiq hujumchisi Niklas Bendtnerdan o‘zib ketdi. «Atletiko»ning markaziy hududida top-yulduzlar yo‘q, ammo Koke va Saul jonkuyarlikda hech kimdan qolishmaydi.
Aytgancha, ulardan ikkinchisi 16 yoshida «Fulxem» safiga qo‘shilishi mumkin edi. Futbolchi ayni payt taqdiridan xursand, ya’ni Angliyaga yo‘l olmaganidan. Iskoning «Real» bilan tuzgan shartnomasi 2022 yilgacha mo‘ljallangan va unda katta miqdorda tovon puli belgilangan - 700 mln. yevro.
Muhimi, ispan yarim himoyachisi Madridda xuddi yangi mahbubasi - aktrisa Sara Salamo kabi baxtli. Toni Kroos klubdoshi Krishtianu Ronaldu bilan birga Klublar o‘rtasidagi JCHda g‘olib chiqish bo‘yicha rekordchi sanaladi. Germaniyalik futbolchi bu turnirda 4 marta shohsupaga ko‘tarilgan.
Darvoqe, uning aytishicha, «Re-al» joriy mavsum endi La-liga yakuni bo‘yicha CHL yo‘llanmasini qo‘lga kiritish haqida o‘ylashi lozim ekan. Serxio Buskets yaqinda Ispaniya terma jamoasida yubiley - 100-o‘yinini o‘tkazdi. To‘g‘ri, ayrimlar uni uncha yoqtirishmaydi, ayniqsa, «Barselona»ning ashaddiy raqiblari fanatlari - bunga futbolchining simulyasiyaga moyilligi sababdir.
Ro‘yxatdagi eng yosh xavbek - Dele Allining futboldagi asosiy yutuqlari oldinda bo‘lsa kerak. Har holda, «Tottenxem» yarim himoyachisi eng sara klublar e’tiborida turibdi va 80 millionga teng narx uning uchun chegara emas.
Ehtimol, Koutinyo haqida o‘qiyverish hammaning joniga tekkandir, ammo qimmatbaholar reytingi yana gapirishni taqozo etadi. Mana, braziliyalik yulduz «Barselona»da debyut qildi, transfer bahosining qanchalik oshishi esa kataloniyaliklar safidagi o‘yinlari sifatiga bog‘liq, albatta. Pol Pogba faqat soch turmagi bilangina ajralib turmaydi. Ehtimol, u «MYU»da «Yuventus»dagi kabi shiddatli parvozni qayd etmayotgandir, lekin shu holatida ham chakki emas. Kevin de Bryuyne zargarona to‘p uzatishlari bilan Andrea Pirlo va Uesli Sneyderni eslatmoqda.
Belgiyalik futbolchi barchasini qoyilmaqom darajada uddalamoqda - hujum harakatlariga qaratilgan birinchi uzatmani ham, oxirgisini ham. Yil davomida uning transfer narxiga 50 mln. yevro qo‘shilganini alohida aytish joiz.
T|r. Yarim himoyachi Yoshi Klubi Mamlakati Transfer narxi
1. Kevin de Bryuyne 26 «Manchester Siti» Belgiya 110 mln. yevro
2. Pol Pogba 24 «MYU» Fransiya 90 mln. yevro
Filippe Koutinyo 25 «Barselona» Braziliya 90 mln. yevro
4. Dele Alli 21 «Tottenxem» Angliya 80 mln. yevro
Serxio Buskets 29 «Barselona» Ispaniya 80 mln. yevro
Toni Kroos 28 «Real» Germaniya 80 mln. yevro
7. Isko 25 «Real» Ispaniya 75 mln. yevro
8. Saul 23 «Atletiko» Ispaniya 70 mln. yevro
Koke 26 «Atletiko» Ispaniya 70 mln. yevro
Kristian Eriksen 25 «Tottenxem» Daniya 70 mln. yevro
ENG QIMMATBAHO HUJUMCHILAR
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
