“Nasaf” bu yilgi yangi O‘zbekiston Superligasining ilk uchrashuvini safarda Farg‘onaning “Neftchi” jamoasiga qarshi o‘tkazadi.
Ushbu uchrashuv bahor faslining ilk sanasi – 1 mart kuni Farg‘ona shahridagi “Istiqlol” stadionida bo‘lib o‘tadi. Uchrashuv soat 20:00da boshlanadi.
O‘zbekiston Superligasi – 2018. 1-tur
“Neftchi” (Farg‘ona) - “Nasaf” (Qarshi)
01.03.2018. Farg‘ona sh., “Istiqlol” stadioni. 20:00da
Bosh hakam: Ravshan Ermatov (Toshkent)
Qanot hakamlari: Abduhamidullo Rasulov (Toshkent), Jahongir Saidov (Toshkent)
Zaxira hakami: Jasur Muxtorov (Toshkent).
Nazoratchi: Arslon Xotamov (Toshkent)
Jamoalarning o‘zaro uchrashuvlari tarixidan
Mazkur jamoalar hozirgacha milliy chempionatimizda 42 marta o‘zaro bahs olib borishgan. Bo‘lib o‘tgan uchrashuvlarda jamoamiz 18 marta g‘alaba qozongan. 15 uchrashuvda “Neftchi” jamoasining qo‘li baland kelgan. Qolgan 9 uchrashuvda murosa ko‘chasi tanlangan. To‘plar nisbati bo‘yicha ham ustunlik jamoamiz tomonida – 49:58.
Esingizda bo‘lsa, “Nasaf” jamoasi o‘z tarixidagi ilk oliy liga uchrashuvini o‘z maydonida aynan “Neftchi” jamoasiga qarshi uchrashuv bilan boshlagan. Ushbu uchrashuv 1997 yilning mart oyida Qarshida bo‘lgan.
Ro‘ziqul Berdiyev qo‘l ostidagi “ajdarlar” farg‘onaliklar bilan bo‘lgan uchrashuvlarda mag‘lubiyatsiz seriyalarini davom ettirib kelishmoqda. Jamoamiz ustozi shu paytgacha shogirdlarini milliy chempionat uchrashuvlarida “Neftchi”ga qarshi o‘n marta maydonga olib tushgan. Shu uchrashuvlarning sakkiztasida jamoamizning qo‘li baland kelgan va ikki uchrashuv durang natija bilan yakunlangan.
Farg‘onadagi o‘zaro uchrashuvlar tarixidan
Mazkur jamoalarning Farg‘onadagi ilk uchrashuvi 1997 yil 13 noyabr kuni bo‘lib o‘tgan. Shu paytgacha jamoalar Farg‘onada 21 marta o‘zaro bahs olib borishgan. Ularning 9tasida “Neftchi” jamoasi g‘alabaga erishgan. 4 uchrashuvda “Nasaf” zafar quchgan. Qolgan 8 uchrashuvda durang natijalar qayd etilgan. Farg‘onadagi 21 uchrashuvda darvozalarga jami 49ta to‘p kiritilgan. To‘plar nisbati bo‘yicha ustunlik 29-20 “Neftchi” tomonida.
“Nasaf” Farg‘onadagi ilk g‘alabasini 2010 yili nishonlagan. O‘tgan yilgi chempionat doirasidagi Farg‘onada bo‘lib o‘tgan so‘nggi o‘zaro uchrashuvda jamoamiz 3:0 hisobida g‘alaba qozongan. Uchrashuvdagi gollarga Azizjon G‘aniyev, Bobir Abduxoliqov va Shaxboz Erkinovlar mualliflik qilishgan.
“Neftchi”ning Farg‘onadagi jamoamiz ustidan erishgan g‘alabasiga to‘qqiz yil bo‘lgan. “Neftchi” so‘nggi bor 2009 yili o‘z maydonida “Nasaf”ni mag‘lubiyatga uchratgan.
Farg‘onadagi o‘zaro uchrashuvlarda qayd etilgan eng yirik hisoblar 4:0, 4:1 ko‘rinishda. 1997 yilgi Farg‘onadagi o‘zaro ilk uchrashuvda yirik 3:3 hisobidagi durang ham qayd etilgan.
Ushbu uchrashuv 5 mart kuni bo‘ladigan jamoamiz ishtirokidagi OCHL-2018 guruh bosqichining 3-tur uchrashuvi oldidan ham muhim hisoblanadi.
“Neftchi” - “Nasaf” jamoalari o‘rtasidagi uchrashuv 1 mart payshanba kuni Farg‘ona shahridagi muhtasham “Istiqlol” stadionida bo‘lib o‘tadi. Uchrashv soat 20:00da boshlanadi.
Mazkur jamoalarning yoshlari o‘rtasidagi uchrashuv esa 28 fevral chorshanba kuni Qirgulidagi “Neftchi” SK stadonida soat 15:30da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
