Fevral oyining eng muhim yangiligi - bu shubhasiz, O‘zbekiston milliy jamoasiga vaqtincha bosh murabbiy tayinlangani. Ya’ni, mazkur vazifaga murabbiylik sohasida deyarli tajribaga ega bo‘lmagan Temur Kapadze tayinlandi.
Avvalroq uning o‘rnida Ro‘ziqul Berdiyev ishlaganidan ham xabaringiz bor. Keling, «Nasaf» ustozining vakolatni boshqa bir nomzodga topshirganiga to‘xtalib, Temur Kapadzening ushbu lavozimdagi imkoniyatlarini bir chamalab ko‘rsak.
O‘FA vise-prezidenti Umid Ahmadjonov o‘z intervyusida Ro‘ziqul Berdiyevning ozod etilishini «Nasaf»ning OCHLdagi ishtiroki bilan izohladi. Aniqrog‘i, ushbu mutaxassisni xalqaro musobaqada yurtimiz sharafini himoya qiladigan klubimizdagi ishidan chalg‘itmaslik maqsad qilindi.
Demak, bu masalada ortiqcha tortishuvga hojat yo‘q, bizningcha. Ammo vaqtinchalik bo‘lsada bosh murabbiy o‘rniga Temur Kapadzening olib kelinishi qanchalik to‘g‘ri?
Albatta, Kapadzega hech qanday e’tiroz yo‘q. U fidoyi, jonkuyar futbolchi edi. Qaysi klubda o‘ynamasin, «Paxtakor» bo‘ladimi, «Bun-yodkor» yoki «Lokomotiv», har doim yetakchilardan bo‘lgan. Shu bois ham unga hurmatimiz cheksiz. Ammo faqat futbolchi Kapadzega. Murabbiy Kapadzeni esa hozircha tanimaymiz.
Bilganimiz - u yaqinda «Lokomotiv» murabbiylar shtabida ish boshlagandi. Endi esa O‘zbekiston milliy jamoasiga vaqtincha bosh murabbiy bo‘lib turibdi. O‘FA vise-prezidenti Umid Ahmadjonov ushbu masala yuzasidan fikr bildirarkan, «har qanday mutaxassis ishni «0»dan boshlashi, tajriba va bilim yillar davomida shakllanib borishi»ni ta’kidlagan.
Bu to‘g‘ri! Ammo shu ishni butun boshli mamlakat sharafini himoya qiladigan jamoadan boshlash mantiqqa qanchalik mos keladi? Bu bilan futbol assosiasiyasi Temur Kapadzeni bosim ostida qoldirmayaptimi?
Kapadzeni taniganlar uning insoniylik xislatiga ham urg‘u berishadi. Uning vaqti kelib kuchli murabbiyga aylanishiga shaxsan o‘zim aslo shubha qilmayman. Temur o‘zi o‘ynagan klublarda hamisha murabbiylarning maydondagi «ko‘z-qulog‘i» bo‘lib kelgan.
O‘yin oldidan berilgan ko‘rsatmalar qay darajada bajarilishi ham ko‘pincha unga bog‘liq edi. Shunday ekan, qachondir uning murabbiylik sohasida ham o‘zini sinab ko‘rishi tabiiy hol. Ammo voqealar jarayoni bu qadar tez ko‘rinish olishini uning o‘zi kutganmikan?
Avvalo, Kapadzega milliy termadagi ishida omad tilaymiz. Umid qilamizki, mart oyida Senegal va Marokashga qarshi kechadigan o‘rtoqlik o‘yin-larida u boshqaradigan jamoa yaxshi natija namoyish etadi.
Ammo Xudo ko‘rsatmasin, mabodo o‘xshamay qolsa-chi? Kaltak kimning boshida sinadi?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
