Osiyo chempionlar ligasining 3-turidan o‘rin olgan Qatarning "Ad-Duhayl" va Toshkentning "Lokomotiv" jamoalari o‘rtasidagi 3-tur bahsi yakuniga yetdi. Muxlislar bu o‘yinda ikki xil bo‘limga guvoh bo‘lishdi.
Qatarliklar birinchi bo‘limda kuchli o‘yin namoyish qilib, 25-daqiqaga qadar naq 3 marta "temiryo‘lchilar" darvozasini ishg‘ol qilishdi. Yusuf al-Arabiy dublga erishgan bo‘lsa, Yusuf Msakni o‘z hisobiga bitta gol yozdi.
Tanaffusdan keyin Yelichich yangi futbolchilarni maydonga tushirish orqali o‘yinni o‘zgartirishga harakat qildi. Bu esa o‘z samarasini berdi. Uchrashuvning 57-daqiqasida Aliboyev aniq pas bilan Nivaldoni yakkama-yakka vaziyatga chiqarib yubordi. Braziliyalik futbolchi to‘pga ilk teginishdayoq darvozani ishg‘ol qildi.
Oradan 2 daqiqa o‘tar-o‘tmas yana Ikromning uzatmasidan keyin Bikmayev qulay vaziyatga chiqdi va to‘pni "Duhayl" darvozaboni ustidan oshirib qo‘ydi. Shu tariqa, "Loko" qisqa vaqt ichida o‘yinga intrigani qaytarishga muvaffaq bo‘ldi.
Qolgan daqiqalarda "Lokomotiv" hujumlar tashkil qilish borasida ustunlikka erishdi, ammo so‘nggi uzatmani aniq beradigan futbolchi topilmadi. 83-daqiqada o‘zbekistonliklar chiroyli hujum tashkil qilishdi. Bikmayev chap tomondan tashlab bergan to‘pni Shoahmedov yaqin masofadan raqib darvozasiga joylay olmadi.
Shu tariqa, "Lokomotiv" birinchi bo‘limda o‘tkazib yuborilgan 3ta gol evaziga mag‘lubiyatga uchradi. "Ad-Duhayl" esa 9 ochko bilan guruh peshqadami bo‘lib oldi. Jamoalar bir haftadan keyin Toshkentda to‘qnash kelishadi.
OCHL, "V" guruhi, 3-tur. soat 20:00
"AD-DUHAYL" - "LOKOMOTIV" 3:2 (3:0)
Gollar: Yusuf al-Arabiy (9, 19), Yusuf Msakni (25) — Nivaldo (57), Marat Bikmayev (59)
Ogohlantirishlar: Sulton al-Brake (12) — Marat Bikmayev (41), Diyor Turopov (90)
"Ad-Duhayl": 40.Amin Lakomte, 2.Muhammad Musa, 4.Lukas Mendes, 8.Luis Junior, 9.YUsuf al-Arabiy, 10.Nam Te Xi, 12.Karim Budiaf (Bassam Husham 72), 18.Sulton al-Brake, 19.Almoyez Ali (Ismoil Muhammad 69), 22.Murod Najiy, 28.YUsuf Msakni
"Lokomotiv": 1.Ignatiy Nesterov, 5.Kaxi Maxaradze, 7.Sadriddin Abdullayev (Diyor Turopov 57), 9.Ikrom Aliboyev, 10.Marat Bikmayev, 15.Sardor Mirzayev (Nivaldo 56), 20.Islom To‘xtaxo‘jayev, 22.Sanjar Shoahmedov, 27.Sardor Rashidov (Husniddin G‘ofurov 81), 28.SHurat Muhammadiyev, 33.Oleg Zoteev.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
