«Aprel so‘ngida qarorimni klubga aytaman. Keyin sizlar bilib olasiz. Yo ketaman yoki qolaman.»
Inyestaning bu so‘zlari kataloniyaliklarning qalblariga urilgan xanjardek bo‘ldi. Bu bo‘rttirish emas. «Chelsi» ustidan erishilgan g‘alaba ham ularga tatimagandek tuyildi, hatto. Har doimgi tabrik so‘zlarini eshitishga odatlangan muxlislar bir muddat jim bo‘lib qolishdi.
Inyesta bir necha oy oldin «Barselona» bilan bir umrlik shartnoma imzolagan edi. Unda bir band bor: U o‘zi xohlagan payti ketishi mumkin. Hech kim bu bandning bunchalik tez ishga tushishini kutmagani aniq. U aprel so‘ngida taqdirini hal qiladi.
Kataloniyada uning uchun barcha imkoniyatlar yaratilgan. U bundan yaxshiroq holatni hech qayerda topa olmaydi. Inyesta futbolchi erishishi mumkin bo‘lgan barcha yutuqqa aynan «Nou Kamp»da erishdi. Hozir ham u Yevropaning top klublarida o‘z faoliyatini davom ettirish niyatida emas.
Inyesta chekka bir qishloqda dunyoga kelgan. 12 yoshida u yerni tark etgan. Jahon yulduzi bo‘lib yetishgach, qishlog‘ini tanitishga ko‘maklashgan. Hozirda esa u Kataloniyani o‘z uyi deb biladi: «Men bu yerda juda ko‘p vaqtdan beri yashayapman. Oilam ham shu yerda. Men Kataloniyalikman» Inyesta kataloncha bemalol so‘zlasha oladi. U bu yerni juda ham sevadi.
Nega ketmoqchi? Iniyestaning «Barselona»dan ketishi bu uning uchun katta o‘zgarish. Butun hayoti jamoa bilan bog‘liq. Ammo u o‘zini oldingidek kuchli his qilmayapti. Ba’zi uchrashuvlarda maydonga tusha olmayapti. O‘z formasida o‘ynay olishi uchun ko‘proq dam olishga majbur bo‘lmoqda. Shunga qaramay, Inyesta «Barselona»ning bu yilgi natijalarida ham asosiy ishni qilayotgan shaxsga aylanmoqda. U ketish qaroriga kelsa bunga sabab, uning oxirgi «oltin shartnoma»sini imzolash va o‘z klubi uchun moliyaviy katta yordam berish niyati bo‘lishi mumkin.
«Atletik» bilan o‘yinda maydonni tark etayotgan «super yulduz»ni muxlislar turib olqishlashdi va «Qolgin, biz seni sevamiz» deb kuylashdi. Turli boshqa variantlar bo‘lishiga qaramay, maydon markazida uning o‘rni haligacha o‘zgacha.
«Barselona» uning o‘rniga Koutinyoni tushiradi. Boshqa yo‘llarni va turli o‘yin uslublarini o‘ylab topishi aniq. Ammo…
Davomi Futbol olami blogida
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
