Bugun Superliga 6-turining markaziy uchrashuvi “Markaziy” stadionida bo‘ladi. Unda “Nasaf” hamda “Lokomotiv” jamoalari o‘zaro kuch sinashadi. Uchrashuv soat 20:00da boshlanadi.
O‘zbekiston Superligasi-2018. 6-tur
“Nasaf” (Qarshi) – “Lokomotiv” (Toshkent)
11.04.2018. “Markaziy” stadion. 20:00da
Bosh hakam: Ilgiz Tantashev (Buxoro)
Qanot hakamlari: Husniddin Shodmonov (Buxoro), Aleksandr Burov (Buxoro)
Zaxira hakami: To‘rabek Suyunov (Guliston)
Nazoratchi: Marat Ismoilov (Toshkent)
Uchrashuv komissari: Laziz Qo‘chqorov
Mazkur jamoalar bugun milliy chempionatimizdagi o‘zaro 27-uchrashuvini o‘tkazishadi. Bo‘lib o‘tgan 26 uchrashuvning 13 tasida “ajdarlar” g‘alaba qozongan. 5 uchrashuvda murosa ko‘chasi tanlangan. Qolgan 8 uchrashuvda “temiryo‘lchilar”ning qo‘li baland kelgan. To‘plar nisbati bo‘yicha ustunlik “Nasaf” tomonida 37-27.
Qarshida bu jamoalar shu paytgacha 13 marta o‘zaro kuch sinashganlar. Bu uchrashuvlarning 9tasida “Nasaf” g‘alaba qozongan, 3 uchrashuvda “Lokomotiv”ning qo‘li baland kelgan, qolgan 1 uchrashuvda durangga imzo chekilgan. Qarshidagi o‘zaro uchrashuvlarda jami darvozalarga 41ta to‘p kiritilgan, to‘plar nisbati - 26-15ni tashkil etmoqda. Demak, to‘plar nisbati bo‘yicha ham ustunlik qarshiliklar tomonida.
“Nasaf” o‘tgan yilgi chempionatda “Lokomotiv”ni Qarshida 2:0 hisobida mag‘lubiyatga uchratgan. Uchrashuvdagi ikki golga ham hujumchi Dragan Cheran mualliflik qilgan. “Lokomotiv” jamoasi esa so‘nggi bor, 2016 yili Qarshidagi uchrashuvda 2:1 hisobida “Nasaf”dan ustun kelgan.
“Nasaf”ning bu uchrashuvda g‘alaba qozonishi uchun yaxshigina imkoniyati bor. Chunki “ajdarlar” o‘z muxlislari ko‘z o‘ngida to‘p tepishadi. Albatta klub muxlislarining jonbozligi va qo‘llab-quvvatlashi ham juda zarur. Biz muxlislariga ishonamiz. Muxlislari bu uchrashuvda har qachongidan faol bo‘lishadi. Ular o‘zlarining 12-o‘yinchi rolini qoyilmaqom ijro etishadi.
Eslatib o‘tamiz, “Nasaf” - “Lokomotiv” jamoalari o‘rtasidagi uchrashuv bugun 11 aprel chorshanba kuni “Markaziy” stadionda soat 20:00da boshlanadi. Uchrashuv boshlanishidan avval stadionda konsert dasturi ham namoyish etiladi.
Barcha futbol ishqibozlarini markaziy uchrashuvga chorlab qolamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
