Shu kunlarda ko‘pgina sport turlari bo‘yicha O‘zbekiston terma jamoasi a’zolari Respublika sport tibbiyoti ilmiy-amaliy markazida yetuk mutaxassislar nazorati ostida tibbiy ko‘rikdan o‘tmoqdalar. Milliy olimpiya qo‘mitasi huzuridagi ushbu markaz eng ilg‘or va zamonaviy uskunalar bilan jihozlangan bo‘lib, bu borada nafaqat mamlakatimizda, balki butun Markaziy Osiyodagi eng yaxshi tibbiy muassalardan biri hisoblanadi. Bu yerda belgilangan reja asosida Osiyo o‘yinlariga tayyorgarlik ko‘rayotgan milliy terma jamoa sportchilari chuqurlashtirilgan tibbiy ko‘rikdan o‘tadilar.
Bugun markazda baydarka va kanoeda eshkak eshish bo‘yicha terma jamoamiz a’zolari chuqurlashtirilgan tibbiy ko‘rikdan o‘tdilar. Mazkur amaliyotning muhim jihati shundaki, ko‘rik orqali terma jamoamiz sportchilarining jismoniy holati qay darajada ekanligini aniqlab olishimiz mumkin.
«Bunday tibbiy ko‘riklardan har yili o‘tib turamiz. Bu biz uchun juda yaxshi. Bu orqali o‘z sog‘lig‘imiz, jismoniy holatimiz haqidagi ma’lumotlarni bilib olamiz. Shunga qarab o‘zimizning navbatdagi rejalarimizni tuzib chiqamiz. Muhim musobaqalar oldidan o‘z sog‘lig‘im haqidagi ma’lumotlarni bilish men uchun nihoyatda muhim. Bunday imkoniyatni taqdim etayotgani uchun Milliy olimpiya qo‘mitasiga minnatdorchilik bildiraman», – dedi kanoeda eshkak eshish bo‘yicha O‘zbekiston terma jamoa a’zosi Yuliya Soy.
«Chuqurlashtirilgan tibbiy ko‘rik orqali sportchilarning bugungi kundagi jismoniy va funksional holati, shuningdek, ularning organizmidagi o‘zgarishlar xaqida barcha kerakli ma’lumotlarga ega bo‘lamiz. Tahlil natijalariga qarab ularga yuklamalar tayinlanadi. Har bir mutaxassis nazoratidan o‘tgan sportchi o‘z sog‘lig‘ining qay darajada ekanligini bilib oladi. Shuning uchun buni juda kerakli amaliyot deb hisoblayman. Tibbiy ko‘rik natijalariga ko‘ra, hulosalarni umumlashtirilib, ularga turli tavsiyalar beramiz», – dedi tibbiy markaz bo‘lim mudiri Nasiba Nosirova.
Milliy olimpiya qo‘mitasi respublika sport federasiya va assosiasiyalari uchun qulaylik yaratish maqsadida Olimpiya o‘yinlariga tayyorgarlik ko‘radigan terma jamoalar a’zolari uchun tibbiy ko‘rikni bepul qilib berdi.
Rejaga binoan hali yengil atletika, tennis, velosport, o‘q otish, triatlon, ot sporti, sport kurashlari, og‘ir atletika, stol tennisi, qilichbozlik, karate WKF, taekvondo WTF, boks, badiiy gimnastika, sport gimnastikasi, trampolin, suzish, suv polosi, suvga sakrash, sinxron suzish, akademik eshkak eshish, slalomda eshkak eshish hamda gandbol bo‘yicha terma jamoamiz, shuningdek, paralimpiyachilarimiz avgust oyi, ya’ni XVIII Osiyo o‘yinlari boshlangunga qadar ana shunday tibbiy ko‘rikdan o‘tadilar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
