Bugun “Hokim kubogi” sport musobaqalarining g‘olib va sovrindorlarini taqdirlash marosimi bo‘lib o‘tishi haqida xabar qilgandik.
Milliy Olimpiya qo‘mitasi tashabbusi bilan o‘tkazilayotgan musobaqa uch hil sport turi – mini-futbol, voleybol va stol tennisi bo‘yicha tashkil etildi.
Bugun, 15 may kuni O‘zbekiston futbol assosiasiyasiga qarashli sun’iy qoplamali maydonda «Hokim kubogi»ning hal qiluvchi final o‘yini bo‘lib o‘tdi. Unda Toshkent shahar prokuraturasi hamda «Toshshaharbozorsavdo» uyushmasi jamoalari o‘zaro hisob-kitob qilib olishdi.
Keskin va murosasiz kechgan bahsning asosiy vaqtida 2:2 hisobidagi jangovar durang qayd etildi. Qo‘shib berilgan vaqtlarda ham kuchlar teng keldi. Shundan so‘ng g‘olib penaltilar seriyasida aniqlandi. Unda «Toshshaxarbozorsavdo» uyushmasi jamoasi 2:1 hisobida g‘alaba qozondi va musobaqa g‘olibiga aylandi.
Bahs yakuniga yetgach, stol tennisi, voleybol va mini-futbol bo‘yicha bellashuvlarda muvaffaqiyatli ishtirok etgan jamoalarni taqdirlash marosimi bo‘lib o‘tdi.
Unda Toshkent shahar hokimi o‘rinbosari Shuhrat Bakiyev ham qatnashdi. Tadbir davomida ishtirokchilarga maxsus diplom, kubok va sovg‘alar taqdim etildi.
Marosim davomida sport faxriysi, O‘zbekistonda xizmat ko‘rsatgan yoshlar murabbiyi Axbor Imomxo‘jayev so‘zga chiqib, bellashuvlar qiziqarli kechganini, sport bilan muntazam shug‘ullanish lozimligini alohida qayd etib o‘tdi. G‘olib va sovrindorlarni ushbu muvaffaqiyat bilan tabriklab, kelgusi faoliyatida omadlar tiladi.
Uch hil sport turi bo‘yicha o‘tkazilgan «Hokim kubogi» bahslarida g‘olib va sovrindorlar ro‘yxati quyidagicha ko‘rinish oldi:
Mini-futbol:
1-o‘rin: “Toshshaharbozorsavdo” uyushmasi
2-o‘rin: Toshkent shahar prokuraturasi
3-o‘rin: “Suvsoz” DUK
Voleybol:
1-o‘rin: Toshkent shahar Ma’naviyat va ma’rifat boshqarmasi
2-o‘rin: Toshkent shahar Xalq ta’limi bosh boshqarmasi
3-o‘rin: Davlat raqobat qo‘mitasining Toshkent shahar boshqarmasi
Stol tennisi:
1-o‘rin: “Toshshaharbozorsavdo” uyushmasi
2-o‘rin: Toshkent shahar Xalq ta’limi bosh boshqarmasi
3-o‘rin: Toshkent shahar telefon tarmoqlari unitar korxonasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
