PEPSI Superligada qisqa tanaffus yuzaga kelganidan xabaringiz bor. Ayni paytda jamoalar mavsumning ikkinchi qismiga hozirlik olib borishmoqda.
Mavsumni u qadar yuqori kayfiyatda o‘tkaza olmayotgan Farg‘onaning “Neftchi” klubi ham hozirda yozgi yig‘inini davom ettirmoqda. Farg‘onaliklar jamoasining yosh bo‘lishiga qaramasdan allaqachon yetakchilar safiga qo‘shilib ulgurgan yarim himoyachisi Abror Ismoilov PFL rasmiy saytiga “Neftchi”ning hal qiluvchi uchrashuvlarga qanday hozirlik olib borayotgani haqida gapirib berdi.
“Umuman olganda, bu yilgi chempionat bahslari ancha qiziqarli kechmoqda deyish mumkin. Nafaqat milliy chempionatning nomi o‘zgardi balki o‘yinlarning surati ham ancha keskin va murosasiz ruhda kechmoqda. Har bir uchrashuv Superliga saviyasida o‘tyapti. Ichki chempionat kuchli bo‘lsa, bundan faqat o‘zbek futboli yutadi”, - deya gap boshladi Ismoilov.
“Futbol birinchi o‘rinda muxlislar uchun o‘ynaladi. Quvonarli tarafi, bu yil o‘zbekistonlik ishqibozlar ichki chempionat bahslarini katta qiziqish bilan kuzatib borishyapti. Bu borada O‘FA hamda O‘zPFLning olib borayotgan islohotlari katta ro‘l o‘ynamoqda. O‘zbekistonda futbol ommalashib bormoqda. Futbolchilarga ham doim to‘lib-toshgan stadionlarga to‘p surish o‘zgacha zavq bag‘ishlaydi”.
20 iyundan boshlangan yig‘in va jamoaning ikkinchi davraga tayyorgarligi haqida gapirarkan Ismoilov hali “Neftchi”ning yuqori o‘rinlarga ko‘tarilishiga ishonshini bildirdi.
“Qirgulida yozg‘i yig‘inni o‘tkazyapmiz. Bo‘lajak bahslarga astoydil tayyorgarlik ko‘rmoqdamiz. Shu kunlarda jamoamizga yana bir qator tajribali o‘yinchilarning qo‘shilishi kutilmoqda. Mazkur o‘yinchilar “Neftchi” jamoasini yana kuchaytiradi, deb o‘ylayman. To‘g‘risi, bu mavsumda o‘z muxlislarimizni xursand qila olmayapmiz. Biroq bu vaqtincha holat, deb o‘ylayman. Baribir “Neftchi” o‘z so‘zini aytadi hali. Muhimi – mana shunday pallada muxlislarning daldasi uzilib qolmasa bo‘lgani. Hozir ularning qo‘llab-quvvatlashi futbolchilar uchun muhim, deb o‘ylayman. Bizni oldinda mavsumning katta bir qismi kutmoqda. Ushbu davr mobaynida o‘z muxlislarimizni g‘alabalar bilan xursand qilib, ushbu qiyin vaziyatdan chiqib ketishimizga to‘liq ishonaman”, - dedi iste’dodli futbolchi.
“Neftchi” FK matbuot xizmati bilan hamkorlikda tayyorlandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
