Olib borilayotgan ishlarni aholiga yetkazib berish, uni targ‘ib qilishda ommaviy axborot vositalarining tutgan o‘rni juda katta. Aynan ushbu soha vakillari sabab joylarda bo‘lib o‘tayotgan tadbirlar, amalga oshirilayotgan ishlar, yangiliklar, muvaffaqiyatlar va kamchiliklardan boxabar bo‘lamiz. Ommaviy axborot vositalari xalqimiz hayotiga, uning quvonch va tashvishlariga tobora yaqin bo‘lib, davlat va xalq orasidagi haqiqiy «ko‘prik» vazifasini bajarmoqda. Hususan, sport rivoji yo‘lida ham «to‘rtinchi hokimiyat» vakillarining o‘rni beqiyosdir.
Bugun, 27 iyun Ommaviy axborot vositalari kuni. Shu munosabat bilan O‘zbekiston Milliy olimpiya qo‘mitasi tomonidan qalam ahli uchun o‘ziga xos tadbir tashkil etildi. Unda jurnalistikaning turli yo‘nalishlarida, jumladan TV, gazeta, internet nashrlarida faoliyat olib borayotgan bir guruh ommaviy axborot vositasi xodimlari ishtirok etishdi.
Tadbirda Milliy olimpiya qo‘mitasi Prezidenti Umid Ahmadjonov ham ishtirok etdi va jurnalistlarni bayram bilan tabriklab, hamkorlikda ishlashga tayyor ekanligini aytib o‘tdi.
«Assalomu alaykum Hurmatli jurnalistlar. Bugungi bayramingiz bilan chin ko‘ngildan tabriklayman. Avvalambor, ijodiy faoliyatingizda omadlar tilamoqchiman. Olib borilayotgan islohotlarni aynan sizlar xalqqa yetkazib berasizlar. Buning uchun katta rahmat. Milliy olimpiya qo‘mitasi sizlar bilan hamkorlikda ishlashga tayyor.
Avgust oyida Indoneziyada bo‘lib o‘tadigan Osiyo o‘yinlarida ham birgalikda faoliyat olib boramiz. Vaqt ajratib tadbirimizga tashrif buyurganingiz uchun rahmat. Yana bir marotaba bayramingiz muborak bo‘lsin», – dedi Umid Ahmadjonov.
Shundan so‘ng qalam ahliga Milliy olimpiya qo‘mitasining esdalik sovg‘alari topshirildi.
Tadbirda ishtirok etgan ommaviy axborot vositalari xodimlari ham ushbu e’tibordan xursand ekanliklarini ma’lum qilishdi.
Zohid Karimov («Sport TV» direktori): «Birinchi navbatda hamkasblarimizni bayram bilan muborakbod etaman va ijodlarida zafarlar tilab qolaman. O‘zbekiston jurnalistikasi bugungi kunda yangi darajaga ko‘tarilmoqda. Professionallik, tezkorlik, xolislik va raqobat kuchaymoqda. Bundan juda xursandmiz. Ro‘y berayotgan jarayonlardan tomoshabinlar, tinglovchilar, o‘quvchilar yutishadi. Milliy olimpiya qo‘mitasi yurtimizda sportni rivojlantirish, ommalashtirish yo‘lida katta ishlar amalga oshirmoqda. Buni biz ko‘rib turibmiz va muxlislar hukmiga havola etyapmiz. MOQ bilan hamkorlikni davom ettiramiz va olib borilayotgan islohotlarni qo‘llab-quvvatlaymiz. Tashkilot tomonidan qaratilgan e’tibordan juda xursandmiz. Ushbu e’tirof bizga yanada kuch bag‘ishlaydi. Milliy olimpiya qo‘mitasiga mashaqqatli bo‘lgan faoliyatida omad tilab qolamiz.
Davron Fayziyev («UzReport» telekanali sharhlovchisi): «Hamkasblarimni bugungi bayram bilan chin ko‘ngildan tabriklayman. Ularga yaxshi kayfiyat doimo hamroh bo‘lishini tilayman. Chunki, biz ijod bilan shug‘ullanamiz va bu ishda kayfiyat muhim rol o‘ynaydi. Bugun Milliya olimpiya qo‘mitasi jurnalistlarni taqdirladi. Bunday e’tibor uchun minnatdorchilik bildiramiz. Umid qilamizki, bundan keyin ham ro‘y berayotgan voqealarni hamkorlikda, batafsil ravishda yoritib boramiz. Bizni oldinda sport sohasidagi muhim voqelik – Osiyo o‘yinlari kutib turibdi. Jurnalistlar nomidan sportchilarimiz va Milliy olimpiya qo‘mitasiga muvaffaqiyatlar tilayman. Biz ham o‘z navbatida o‘zbek sporti rivojiga o‘z hissamizni qo‘shishga harakat qilamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
