Jahon chempionatida pley-off o‘yinlari oldidan jamoalarninig keyingi bosqichga chiqish ikoniyatlarini foizlarda belgilashga urinib ko‘ramiz!
FRANSIYA – ARGENTINA 50%-50%
Ko‘pchilik bu o‘yinda Fransiyaning imkoniyatlarii yuqoriroq deb o‘ylamoqda. Agar Argentina o‘z o‘yinini ko‘rsata olsa, jamoaviy o‘yindan ko‘ra indivudial o‘yinni xush ko‘radigan fransuzlar qiyin ahvolda qolishadi. pley-off bosqichi guruh o‘yinlaridan batamom farq qiladi. Bu o‘yinlarda jamoalarninig haqiqiy kuchini bilib olishimiz mumkin.
URUGVAY – PORTUGALIYA 45%-55%
SuareS-Ronaldu qarama -qarshiligini kutayotgan muxlislar, taxminimizcha, pley-off o‘yinlarining eng murosasiz shaklini ko‘rishsa ajabmas. Chunki ikkala jamoa ham hozirda hujumkor o‘yin namoish etishmoqda. Ulardan shedevr o‘yinni kutib qolamiz
BRAZILIYA – MEKSIKA 70%-30%
Pentakampeonlar Meksika bilan o‘ynashni bilishadi. Lekin bunday yuqori koeffisiyentning sababi bu emas. Asosiy sababi jamoa o‘yindan-o‘yinga kuchayib boryapti. Titening Braziliyasini yengish uchun Meksikada imkoniyat ozroq, ammo urinib ko‘rsa bo‘ladi.
BELGIYA – YAPONIYA 80%-20%
Yaponlar Polsha bilan o‘yinda o‘zlarining bo‘shroq tomonini ko‘rsatib qo‘yishdi. Ularni bu yerga chiqishga Kolumbiya qarashib yuborganini ham alohida aytib o‘tish kerak. Hozirda Belgiya mundialdagi istalgan jamoa bilan o‘ynay olish salohiyatiga ega ekanligini hisobga olsak, qit’adoshlarimizga oson bo‘lmaydi.
ISPANIYA – ROSSIYA 52%-48%
Ko‘pchilik Ispaniyaning imkoniyatlarini yuqori qO‘yishi mumkin. Lekin Ispaniyaning Eron termasi bilan bo‘lgan o‘yinini ko‘rgan muxlislar bo‘lsa, bu foizlarni darrov tushunishadi. To‘g‘ri, Rossiya xam guruhning 3-turda ajoyib o‘yin ko‘rsatmadi. Lekin bu uchrashuvda ular mezbon ekanligi juda katta ustunlik beradi.
SHVESIYA – SHVEYSARIYA 50%-50%
Nomdosh jamoalarning imkoniyatlari ham teng. Ulardan har narsa kutsa bo‘ladi. Super yulduzlarsiz ham jamoaviy o‘yin bilan ulardan biri 1-8 final bosqichiga chiqishi mumkin.
XORVATIYA – DANIYA 60%-40%
Ko‘hna qit’aning ikki jamoasi pley-off yo‘llanmasi uchun maydonga chiqishadi. Yo‘lidan chiqqan hech kimni ayamayotgan xorvatlar bu safar ham chiroyli o‘yin namoish etishsa, maqsadlariga yetishishlari mumkin. Daniya esa Kasper Shmeyxelning ishonchli o‘yini va qarshi xujumlarga umid bog‘lasa kerak.
KOLUMBIYA – ANGLIYA 45%-55%
Bu uchrashuvni hatto o‘zim ham katta qiziqish bilan kutyapman. Chunki u taxminlarga ko‘ra, pley-offninig eng tomoshabop o‘yini bo‘lsa ajab emas. Inglizlar agar shu to‘siqdan o‘ta olishsa, yarim final uchun nisbatan osonroq jamoalardan biri bilan o‘ynash huquqiga ega bo‘ladilar. Bu esa yarim final imkoniyatini yanada oshiradi
Yahyoxo‘ja ULUG‘XO‘JAYEV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
