Superliganing 18-tur uchrashuvini o‘z maydonida “Qo‘qon-1912” jamoasiga qarshi o‘tkazadi.
Uchrashuv 23 iyul dushanba kuni Qarshi shahridagi “Markaziy” stadionda soat 21:00da boshlanadi.
Superliga. 18-tur
“NASAF” - “QO‘QON-1912”
23.07.2018. “Markaziy” stadion. 21:00da
Bosh hakam: Zokir Qodirov (Navoiy)
Qanot hakamlari: Ruslan Samandarov (Navoiy), Obid Jumayev (Navoiy)
Zaxira hakami: Rustam Lutfullin (Toshkent)
Nazoratchi: Marat Ismoilov (Toshkent)
Komissar: Roman Chernikov.
O‘zaro uchrashuvlar tarixidan
Mazkur jamoalar shu paytgacha milliy chempionatimizda o‘zaro 17 marta tuqnash kelishgan. Shundan 12ta uchrashuvda "Nasaf" g‘alaba qozongan. 4 uchrashuvda qo‘qonliklarning qo‘li baland kelgan. Eng qiziqarlisi jamoalar o‘zaro uchrashuvlarning faqat bittasida durang natija qayd etiishgan. Bu durang shu yili Qo‘qonda bo‘lib o‘tgan uchrashuvda qayd etilgan edi.
To‘plar nisbati bo‘yicha ham ustunlik "Nasaf" tomonida 35-19.
Qarshida o‘tgan o‘zaro uchrashuvlarga oid
Qarshida bo‘lib o‘tgan o‘zaro uchrashuvlar tarixiga nazar tashlasak, qiziqarli faktlarga duch kelamiz. Bu jamoalar shu paytgacha Qarshida jami 8 marta o‘zaro kuch sinashgan. Bo‘lib o‘tgan uchrashuvlarning barchasida mezbonlar g‘alabaga erishgan. Bo‘lib o‘tgan 8 uchrashuvning faqat bittasida qarshiliklar bitta gol urishgan, qolgan uchrashuvlarda esa uchtadan kam gol urishmagan. Qarshidagi o‘zaro uchrashuvlarda darvozalarga jami 30ta gol kiritilgan. To‘plar nisbati 25-5ni tashkil etmoqda. Eslatib o‘tamiz, Qo‘qon shahrining jamoasi 2002 yildan hozirgi nomi bilan, milliy chempionatimizda ishtirok etmoqda. Bungacha jamoaning nomi “Temiryo‘lchi” bo‘lgan.
Qarshida bo‘lib o‘tgan barcha uchrashuvlar:
06.08.2017. “Nasaf” – “Qo‘qon-1912” 3:0
15.04.2016. “Nasaf” – “Qo‘qon-1912” 1:0
02.04.2015. “Nasaf” – “Qo‘qon-1912” 3:0
18.06.2003. “Nasaf” – “Qo‘qon-1912” 4:0
24.08.2002. “Nasaf” – “Qo‘qon-1912” 4:1
19.04.2000. “Nasaf» - “Temiryo‘lchi” 3:1
11.09.1999. “Nasaf» - “Temiryo‘lchi” 3:2
02.10.1998. “Nasaf” – “Temiryo‘lchi” 4:1
O‘zaro uchrashuvlardagi yirik hisoblar
"Nasaf"ning o‘zaro uchrashuvlarda qozongan eng yirik g‘alabasi – 4:0ga teng. “Qo‘qon-1912”da bu ko‘rsatkich 3:0ga teng. Tarixda qolgan bu uchrashuvlar 2003 yili bo‘lib o‘tgan, “Nasaf” – “Temiryo‘lchi” 4:0 uchrashuvida jamoamizning o‘tmishdagi to‘purari – Zafar Xolmurodov xet-trik qayd etgan va Dilshod Mavlanov bir marta gol muallifi bo‘lgan. Ikkinchi davrada Qo‘qonda bo‘lgan uchrashuvda esa Shuhrat Rahmonqulov dublni nishonlagan, Shuhrat Yusupov esa "Nasaf" darvozasiga bitta to‘p yo‘llagan.
Jamoalarning navbatdagi uchrashuvi 18-uchrashuv sifatida tarix sahifasidan joy oladi. Bu uchrashuv, “Nasaf”ning oliy ligadagi 636- uchrashuvi hisoblanadi.
Ushbu uchrashuv qanday yoritiladi?
Bo‘lajak uchrashuvni odatdagidek "Nasaf"ning rasmiy sayti orqali to‘liq onlayn matnli translyasiya qilinadi. Bundan tashqari klubning ijtimoiy tarmoqlaridagi rasmiy kanallari orqali ham uchrashuvga oid ma’lumotlar berib boriladi. Shuningdek uchrashuv mycujoo.com sayti orqali xodimlarimiz tomonidan onlayn videotranslyasiya qilinadi. Uchrashuv Sport telekanali orqali ham to‘g‘ridan-to‘g‘ri namoyish qilinishi rejalashtirilgan.
"Nasaf" kelayotgan dushanba kuni barcha futbol ishqibozlarini “Markaziy”ga stadioniga chorlab qoladi.
“Nasaf” – “Qo‘qon-1912” jamoalarining o‘rinbosarlari o‘rtasidagi uchrashuv har doimgidek Sputnik qo‘rg‘onidagi yoshlar qarorgohi maydonida bo‘lib o‘tadi. Uchrashuv 22 iyul yakshanba kuni soat 18:30da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
