Jahon chempionati startidan oldin Xorvatiya terma jamoasi finalda o‘ynashini kim bashorat qilgandi? Umuman, xorvatlarning shunday natija qayd etishlarini birov kutganmidi?
Bombardir.ru sayti ijodkorlarining faktlar asosida ta’kidlashlaricha, «Inter» (Italiya) klubi vakillari shunday bo‘lishini bilishgan yoki kamida kutishgan. Nega, bu xulosaning mohiyati nima?
Gap shundaki, JCH-82dan buyon bitta odat shakllangan bo‘lib, har bir mundial finalida «Inter» futbolchisi ishtirok etmoqda, albatta. Mana, bu safar ham an’ana buzilmadi: Italiya klubining ikki nafar vakili - Ivan Pereshich va Marselo Brozovich «Lujniki»dagi hal qiluvchi o‘yinda maydonga tushishdi.
Xo‘sh, ular kimlarning izidan borishdi?
JCH-82: Juzeppe Bergomi, Gabriele Oriali (Italiya) - chempion. E’tiborlisi, Bergomi Italiya terma jamoasida o‘sha chempionat startidan atigi 2 oycha oldin debyut qilgandi. Shunga qaramay, 18 yoshli yigitcha Ispaniyadagi turnir doirasidagi 3ta o‘yinda qatnashadi, xususan, yarim final va finalda.
Qolaversa, yosh Juzeppe sobiq GFR termasiga qarshi kechgan hal qiluvchi bahsda Marko Tardelli tomonidan urilgan golga bevosita hissa qo‘shdi. Yakunda italyanlar 3:1 hisobida ustun kelishadi. Oriali esa chempionlik yo‘lidagi 5ta uchrashuvda qatnashgandi.
JCH-86: Karl-Xayns Rummenigge (GFR) - finalchi. Diyego Maradonaga atalgan mundial. Rummenigge avvalgi JCHda Chili termasi bilan bahsda «xet-trik»ka erishgandi.
Meksikada esa 1tagina gol uradi, lekin aynan final uchrashuvida. U hisobni 1:2 ko‘rinishiga keltirgach, ko‘p o‘tmay, Rudi Fyoller muvozanatni tiklaydi, biroq yakunda argentinaliklar yana bitta gol urib, 3:2 hisobida g‘alaba qozonishadi.
JCH-90: Yurgen Klinsmann, Lotar Matteus, Andreas Breme (GFR) - chempion. Betakror Klinsi o‘sha chempionatda 3ta gol urgandi. U finalda raqib darvozasini nishonga ololmaydi, ammo nemislar ishini ancha osonlashtiradi - final hushtagi yangrashiga 25 daqiqacha qolgan vaqtda argentinalik Pedro Monson aynan Yurgenga nisbatan qo‘pollik ishlatgani uchun maydondan chetlashtiriladi.
Keyin nemislar hujumni kuchaytirib, 85-daqiqada penalti tepish huquqini qo‘lga kiritishadi va uni yana bir «neradzurra» - Andreas Breme aniq amalga oshiradi.
JCH-94: Nikola Berti (Italiya) - finalchi. Arrigo Sakki «Inter» vakiliga AQSH mundialining har bir o‘yinida ishonch bildiradi, u esa bunga munosib javob beradi.
Deylik, ispanlarga qarshi kechgan chorak final bahsida samarali hujum aynan Nikola tomonidan boshlangan va Roberto Badjo g‘alaba golini nishonlagandi. Umuman, u finalda to‘liq 120 daqiqa to‘p surgandi. Biroq italyanlar penaltilar seriyasida Braziliya termasiga yutqazib qo‘yishadi.
JCH-98: Yuriy Jorkayeff (Fransiya) - chempion, Ronaldo (Braziliya) - finalchi. «Inter» futbolchilari ilk marta JCH finalida bir-birlariga qarshi o‘ynashadi. Braziliyalik Ronaldo o‘sha vaqt eng yuqori sport formasida edi, biroq final kuni unga nimadir bo‘ladiyu, o‘yini aslo qovushmaydi.
Shunga qaramay, buyuk «so‘yloq» maydonda to‘liq 90 daqiqa harakatlanadi, Jorkayeff esa ikkinchi bo‘lim yarmidan o‘tgan vaqtda o‘z o‘rnini Patrik Viyeyraga bo‘shatib beradi.
Natijaga kelsak, fransuzlar 3ta javobsiz gol urib, ilk marta jahon futboli taxtiga ko‘tarilishadi. Zayniddin Zidanning bosh bilan urgan «egizak» gollari yodingizdadir...
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
