Yaqinda Italiyaning «Roma» klubi shvesiyalik darvozabon Robin Olsenni o‘z safiga qo‘shib oldi. Qizig‘i, rimliklar rasmiy «Tvitter»idagi tanishtiruv sahifasida «Kopengagen»ning sobiq futbolchisini go‘yoki IKEA mebellar kompaniyasi mahsuloti sifatida ko‘rsatilgan.
Suratda «bo‘rilar»ning yangi kiperiga qo‘shimcha ravishda qo‘lqop, butsa hamda «Roma» futbolkasi qo‘shib berilgani tasvirlangan.
Shu voqea sabab avvalroq o‘zgacha tarzda o‘tkazilgan futbolchilar taqdimotlarini birma-bir yodga oldik.
Kim: Jon Terri
Qayerdan: «Chelsi»
Qayerga: «Aston Villa»
Jarayon: «WhatsApp» ijtimoiy tarmog‘idagi yozishmalar
Qachonlardir «Chelsi» va Jey Tining yo‘llari ayro tushishiga ishonish qiyin edi. 19 yil mobaynida «aris-tokratlar» safida fidoyilik ko‘rsatib, Angliya Prem-er-ligasida beshta chempionlikka erishgan, shuncha marta mamlakat kubogini qo‘lga kiritgan, Chempionlar Ligasi va Yevropa Ligasi g‘olibiga aylangan Terrining faoliyatini «Chelsi»da yakunlashi kutilgandi.
Biroq 2017 yilning 21 mayida «ko‘klar» safida so‘nggi o‘yinini o‘tkazgan Jon mavsumlar oralig‘ida erkin agentga aylandi. OAV uni Amerika MLSiga «jo‘natdi», shuningdek, «Temir odam»ga Xitoyning ko‘plab klublari xaridor bo‘lishdi. Terri esa Angliyada qolishni, aniqrog‘i, Chempionshipda o‘ynashni ixtiyor etdi.
Tajribali himoyachi «Aston Villa»ga o‘tdi. E’tiborli tomoni shundaki, birmingemliklar «Tvitter»ida klub bosh menejeri Stiv Bryus hamda prezidenti Toni Syaning «WhatsApp» ijtimoiy tarmog‘idagi yozishmalari joylanishi Terrining «Aston Villa»ga jalb etilishiga sabab bo‘lgan. Ko‘p o‘tmay, Sya maxsus chatga futbolchining o‘zini ham qo‘shgan.
Kim: Yerri Mina
Qayerdan: «Palmeyras»
Qayerga: «Barselona»
Jarayon: maydonga getra butsalarsiz chiqish
Kataloniya klubi 2016 yilning iyulida kolumbiyalik yosh futbolchini kuzatib borgan, ammo uni faqatgina bir yarim yildan keyingina sotib olishga qaror qilgandi. Ushbu muddat ichida Mina Bogotaning «Santa-Fe»sidan Braziliyaning «Palmeyras»iga o‘tib, boshlang‘ich tarkibning ajralmas qismiga aylangandi.
U mudofaadagi ishonchli o‘yinlaridan tashqari, o‘zining to‘purarlik qobiliyatini ham namoyish etgach (28ta o‘yinda 6ta gol), «blaugranas» rahbariyati transferni kechiktirmaslik jozligini tushunib yetdi. «Kamp Nou»da o‘tkazilgan futbolchining taqdimot marosimiga ko‘pchilik to‘plandi va Mina maydonga butsa va getralarsiz chiqqanda, barcha hayron bo‘ldi.
Kolumbiyalik himoyachi ishqibozlarga iliq qarshi olishgani uchun minnatdorchilik bildirib, nima sababdan «yalangoyoq» ekanligini tushuntirdi: «Zabt etishni xohlagan yeringga oyoq qo‘ysang, niyatingga yetasan». Yerri avvalgi jamoalarida ham xuddi shunday yo‘l tutganini qo‘shimcha qildi.
Kim: Teo Ernandes
Qayerdan: «Atletiko» Madrid
Qayerga: «Real» Madrid
Jarayon: to‘p oyoqqa bo‘ysunmadi...
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
