O‘zbekiston - Suriya (1:1) uchrashuvidan so‘ng terma jamoamizning yetakchi futbolchilari hamda tajribali murabbiy Rauf Inileev taassurotlari bilan o‘rtoqlashishdi. Xo‘sh, kim qanday fikrda?
Otabek Shukurov: «Hammasi yangicha usulda»
- Uchrashuv ham murabbiylar shtabi, ham biz - futbolchilar uchun muhim edi. Ektor Kuper jamoamiz bosh murabbiyi sifatidagi ilk o‘yinini o‘tkazdi. Biz esa muxlislar ko‘z o‘ngida imtihon topshirdik. O‘yinning oson kechmasligini oldindan bilgandik. Odatda yangi murabbiy qo‘l ostidagi birinchi bahs og‘ir o‘tadi.
Murabbiylar maydonga tushishdan oldin asosiy e’tiborni himoyaga qaratishimizni uqtirishgani rost. Lekin orqa chiziqqa butunlay yopishib olmay, vaziyat yuzaga kelishi hamono hujumga o‘tishimizni ta’kidlashdi. Terma jamoa ixtiyoriga yetib kelganimga 3 kun bo‘ldi.
Muhimi, shu qisqa fursat ichida Kuperdan ko‘p narsa o‘rgandim. Mashg‘ulotlar, o‘yinga mutlaqo yangicha yondashuv. O‘ylaymanki, vaqt o‘tgani sayin kuchayib boramiz va keyingi uchrashuvlarda muxlislarni g‘alabalar bilan quvontiramiz.
Eldor Shomurodov: «Bizga ishonishda davom eting!»
- Ektor Kuperning mashg‘ulot olib borish jarayoni, o‘yin uchun tanlagan taktikasi, umuman, futbol falsafasi boshqacha. Tabiiyki, bu yangiliklarga to‘liq moslashish uchun ma’lum vaqt kerak. 1-2ta mashg‘ulot bilan ko‘zlangan maqsadga erishishning imkoni yo‘q. O‘ylaymanki, muxlislar ham buni to‘g‘ri tushunishadi va terma jamoamizga oxirigacha ishonishadi.
O‘z o‘rnida, biz - futbolchilar ham murabbiy ko‘rsatmalarini imkon darajasida sifatli bajarishga harakat qilamiz. Oldinda Osiyo kubogi bor. Menimcha, yanvar oyiga qadar jamoamiz o‘yini ancha izga tushadi. Muhimi, ishtiyoqni yo‘qotmasak, bas.
Sardor Rashidov: «Forslar bilan umuman boshqacha o‘ynaymiz»
- Suriya termasiga qarshi uchrashuv biz uchun oson kechmasligi kundek ravshan edi. Zero, har ikki jamoada yangi murabbiylar ish boshlashdi. Demakki, o‘yin nafaqat futbolchilar, balki murabbiylar uchun ham o‘ziga xos ilk imtihon bo‘ldi. Qayd etilgan durang natijaga kelsak, menimcha, o‘rtoqlik o‘yinlari hisobi katta ahamiyatga ega emas...
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
