“Bunyodkor” – “Navbahor” uchrashuvidan keyin o‘tkazilgan matbuot anjumanida Ilhom Mo‘minjonov OAV xodimlarining savollariga javob qaytardi. “Navbahor” ustozi ortda qolgan hafta mavzusiga aylangan futbolchi Ro‘zimboy Ahmedov bilan sodir bo‘lgan mojaro haqidagi savollarga ham javob qaytardi.
Xabarlarga qaraganda, “Bunyodkor”ga qarshi bahs sizning “Navbahor”dagi so‘nggi o‘yiningiz ekan. Jamoa boshqaruvi rossiyalik mutaxassis Andrey Kanchelskisga topshirilar ekan. Ushbu ma’lumot qanchalik haqiqatga yaqin?
- Bu ma’lumotni endi eshityapman. Bundan umuman xabarim yo‘q. Albatta, “Navbahor”ga befarq emasman. Jamoada balki 4 yil yoki 5 yil ishlarman, yoxud umrimning oxirigacha yoki keyingi hafta ishdan ketamanmi, buni o‘zim ham bilmayman. Bunga hali oydinlik kiritilmadi.
- Ro‘zimboy Ahmedov anchadan buyon asosiy tarkibdan joy olmayotgandi. Bugungi bahsda esa boshlang‘ich tarkibda maydonga tushdi. Buni nima bilan izohlaysiz?
- Ro‘zimboy Ahmedov bilan bog‘liq masala klubning ichki siri. Buni sizlarga oshkor eta olmayman. Jamoamiz hujumchilaridan biri bo‘lgan Azamat Allaniyozovning jarohati bor edi. U hozir gipsda. Qo‘l ostimizdagi 2 nafar hujumchining xizmatlaridan foydalandik. Biri maydonda 65, ikkinchisi esa 25 daqiqa harakat qildi. Biz ularga umid bog‘lagandik. Afsuski, ular vaziyatlardan foydalana olishmadi. Ishlashda, izlanishda davom etib, keyingi uchrashuvlarga jiddiy tayyorgarlik ko‘ramiz.
- Ro‘zimboy Ahmedov bilan bog‘liq mojaro bugungi o‘yinga, jamoaning ichki muhitiga salbiy ta’sir o‘tkazdimi?
- Menimcha, salbiy ta’sir ko‘rsatmadi. Bugungi bahsda “Bunyodkor” haqli g‘alaba qozondi. Shogirdlarim professional va bo‘lib o‘tgan mojaro ularga ruhiy jihatdan ta’sir o‘tkazmagan. Endi keyingi bahslarga yaxshi tayyorgarlik ko‘ramiz.
- “Navbahor” klubi sizning qo‘l ostingizda Namangandagi o‘yinlarda mag‘lubiyatga uchramayapti. Ammo safardagi uchrashuvlarda negadir jamoaning omadi kelmayapti. Bu nima bilan bog‘liq?
- To‘g‘ri, safardagi o‘yinlarda negadir omadimiz kelmayapti. Balki bunda murabbiylar shtabining ham aybi bordir? Oldinda yana 7 tur bahslari bor va o‘sha o‘yinlarning to‘rttasini safarda o‘tkazamiz va mazkur bo‘lajak bahslarda ochko olishga harakat qilamiz. Mabodo endi safardagi uchrashuvlarda ochko ololmasak, chempionlikka da’vogarlik qilolmaymiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
