O‘zbekiston terma jamoasi bosh murabbiyi Otabek G‘ulomxo‘jayev Shotlandiya va Belgiya termalariga qarshi o‘yinlarda katta hajmdagi ishni bajargan futbolchilarni Fransiyaga qarshi dastlabki daqiqalardan maydonga tushirmadi. Bular: Hojimat Erkinov, Jasur Jaloliddinov, Mirshoh Sattorov, Odil Abdumajidov. Shuningdek, darvozabon Abduvohid Ne’amatov mashg‘ulotda orttirib olgan jarohati sabab o‘yinni qo‘yib yubordi.
Birinchi bo‘limda maydonda teng kurash bordi va xavfli hujumlar ko‘p bo‘lgani yo‘q. O‘zbekistonlik futbolchilar asosan e’tiborni himoyaga qaratdi. To‘p bilan muomalada fransiyaliklar ko‘proq bo‘ldi.
Hisob 33-daqiqaga kelib Koba Koindrede tomonidan ochildi. Jarima maydonchasi ichida himoyachilar uni qarovsiz qoldirdi. To‘pni egallab olgan Koba to‘pni darvozaga aniq yo‘llay oldi. Shuningdek, 4-daqiqada Bilol Benhedim tomonidan yo‘llangan zarba darvoza ustuniga tegib, maydonga qaytdi.
Ikkinchi bo‘limni o‘zbekistonlik futbolchilar ikki o‘zgarish bilan boshladi, o‘yin tezlashdi. Natijada fransiyalik futbolchilar ketma-ket uch bor jarima maydonchasi yaqinida o‘yin qoidasini buzishga majbur bo‘ldi.
47-daqiqada Jasur Jaloliddinovning jarimadan yo‘llagan zarbasini darvozabon qaytardi. 62-daqiqada Hojimat Erkinov qarama-qarshi nuqtadan o‘ng oyoqda zarba yo‘lladi, biroq uning zarbasiga ozgina aniqlik yetishmadi. 65-daqiqadagi jarima zarbasi ancha xavfli ko‘rinish oldi. Hojimat Erkinov darvozaning olis burchagini nishonga olgandi. Biroq darvozabon ajoyib seyv bilan to‘pni maydon tashqarisiga chiqarib yubordi.
Shu kuni Otabek G‘ulomxo‘jayev zaxiradagi barcha futbolchilarga o‘zini ko‘rsatish uchun imkoniyat taqdim etdi. Uchrashuv Jan-Luk Vanuchchi shogirdlarining kichik hisobdagi g‘alabasi bilan yakuniga yetdi.
15 oktyabr, dushanba
Marbella, Ispaniya
FRANSIYA U18 — O‘ZBEKISTON U17 1:0Gol: Koba Koindrede, 33 (1:0).
Ogohlantirish: Sunnat Hamidjonov (90+2).
Fransiya U18: 16. Lukas Shevaliyer — 2. Yann Gudart, 3. Rayan Ayt Nuri, 5. Loik Mbe Soh, 6. Keprem Tyuram, 9. Ulrik Brad Eneme Ella, 10. Noa Massengo Kan, 11. Tirone Tormin, 12. Befode Diakite, 15. Koba Koindrede, 17. Bilol Benhedim.
Zaxiradagilar: 1. Stefan Bajich — 4. Uilyam Saliba, 7. Lukas da Kunya, 8. Joris Shotard, 13. Matyu Gonsalvesh, 14. Vendel Kinas, 18. Kuadio Kone, 19. Yanis Begri.
O‘zbekiston U18: 12. Asad Polvonov — 23. Eldor Begimov, 3. Asliddin Toshtemirov (4. Odil Abdumajidov, 46), 14. Sunnat Hamidjonov, 6. Ibrohimhalil Yo‘ldoshev (2. Saidazamat Mirsaidov, 85) — 11. Begzod Shamsiyev (9. Mironshoh Sattorov, 40), 17. Diyor Ramazonov (16. Muhammadqodir Rahimbergenov, 70 — 5. Maksim Kim, 85) — 8. Ibrohim Ibragimov (22. Muzaffar Olimjonov, 60 — 10. Xushnud Bozorov, 85) — 13. Alisher Odilov (15. Hojimat Erkinov, 35), 19. Ruslan Roziyev (18. Ulug‘bek Hoshimov, 70) — 7. Abdulaziz Abdusalomov (20. Jasur Jaloliddinov, 46).
Zaxiradagilar: 1. Abduvohid Ne’matov; 2. Saidazamat Mirsaidov; 5. Maksim Kim, 10. Xushnud Bozorov, 16. Muhammadqodir Rahimbergenov, 22. Muzaffar Olimjonov; 18. Ulug‘bek Hoshimov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
