Kecha O‘zbekiston chempionatining 30-turi doirasida dastlabki o‘yinlar bo‘lib o‘tdi. "Lokomotiv" o‘z maydonida "Buxoro"ni qabul qilib, yirik hisobda g‘alaba qozondi. Natijada "temiryo‘lchilar" "Paxtakor" bilan oradagi farqni 9taga yetkazib, chempionlik sari yana bir jiddiy qadam tashlashdi.
Arveladze jamoasi bugun Toshkentda "Metallurg"ga qarshi bahs olib boradi va katta ehtimol bilan g‘alaba qozonadi. Natijada ular "Loko" bilan farqni 6 ochkoga yetkazib qo‘yishadi. Navbatdagi turda esa "Lokomotiv" va "Paxtakor" jamoalari o‘zaro to‘qnash kelishadi. Demak, "sherlar"da chempionlik uchun nazariy imkoniyat mavjud. Ammo bu oson bo‘lmaydi. Boisi, buning uchun quyidagi shartlar bajarilishi kerak:
1. 24 noyabr kuni bo‘ladigan 31-tur bahsida "Paxtakor" safarda "Lokomotiv"ni kamida 3ta to‘p farqi bilan mag‘lub etishi shart. Superliga reglamentiga ko‘ra, ochkolar teng bo‘lib qolgan holatda ("Paxtakor" qolgan o‘yinlarda g‘alaba qozonib, "Lokomotiv" mag‘lub bo‘lsa, ochkolar tenglashib qoladi), dastlab jamoalarning o‘zaro o‘yinlari (ochko, to‘plar farqi, urilgan gollar soni, raqib maydonida urilgan gollar soni)ga e’tibor qaratiladi. Ushbu mavsum davomida bu klublarning o‘zaro o‘yinlarida quyidagi natijalar qayd etilgan:
"Lokomotiv" - "Paxtakor" - 0:0
"Paxtakor" - "Lokomotiv" - 1:1
"Paxtakor" - "Lokomotiv" - 1:3
Ko‘rib turganingizdek, o‘zaro o‘yinlarda "Loko" 5 ochko to‘plagan bo‘lsa, "sherlar" hisobida 2 ochko mavjud. To‘plar farqi esa 4-2, "temiryo‘lchilar" foydasiga. Fyodorov jamoasi barcha gollarni safarda urgan. Demak, "Paxtakor" o‘zaro o‘yinda ustunlikka erishib olish uchun "Lokomotiv" maydonida 3ta to‘p farqi bilan g‘alaba qozonishi talab etiladi.
Shuningdek, Arveladze jamoasini 4:2, 5:3, 6:4 hisobidagi g‘alaba ham qanoatlantiradi. "Paxtakor"ning 4:2 hisobidagi g‘alabasi tufayli o‘zaro o‘yinlarda mutlaq tenglik yuzaga keladi. Hozirda umumiy to‘plar farqi "sherlar"da yaxshiroq bo‘lgani uchun (30-13, Loko"da 31-15) yakunda ular raqib yuqorida bo‘lishadi. 5:3, 6:4 kabi hisoblarda esa safarda urilgan gollar tufayli paxtakorchilar ustulikka ega bo‘lishadi.
2. Chempionatning so‘nggi turida "Paxtakor" o‘z maydonida "Bunyodkor"ni mag‘lub etishi kerak.
3. 30 noyabr kuni bo‘ladigan 32-turda "Lokomotiv" Namanganda "Navbahor"ga yutqazishi kerak.
Mana shu 3ta shart bajarilsa, "Lokomotiv" va "Paxtakor"ning ochkolari tenglashadi va qo‘shimcha ko‘rsatkichlar bo‘yicha paxtakorchilar chempionlikni qo‘lga kiritishadi. Aks holda "temiryo‘lchilar" navbatdagi chempionlikni rasmiylashtirishadi. Jumladan, 24 noyabr kuni bo‘ladigan "Paxtakor"ga qarshi o‘yinda "Loko" kichik hisobda mag‘lub bo‘lsa ham, muddatidan avval chempionga aylanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
