Bugun Pro-liga "A" guruhida 35-tur uchrashuvlari bo‘lib o‘tdi. Mavsum yakuniga yana bitta tur bor bo‘lsa-da, sovrindor jamoalar nomi deyarli aniq bo‘lib ulgurdi. Jumladan, “A” guruhida dastlabki uch o‘rindan joy oladigan jamoalar nomi allaqachon ma’lum bo‘lgan.
Pro-liga "A" guruhining 35-turi doirasida “Istiqlol”dan ustun kelgan "Andijon" so‘nggi turda qanday natija qayd etishidan qat’iy nazar, 1-o‘rinni egallaydi.
Ayni paytda 2-pog‘onada borayotgan “Mash’al” “Andijon”dan 3 ochko ortda bo‘lsa ham, o‘zaro o‘yinlar natijasiga ko‘ra, so‘nggi turdan keyin “Andijon”dan oldinga o‘tib keta olmaydi. Bu esa andijonliklarning muddatidan avval 1-pog‘onani band etganini anglatadi.
Ma’lumki, Pro-liga “A” guruhida 1-o‘rinni egallaydigan jamoa kelasi yili Superligada qatnashish imkoniyatiga ega bo‘ladi.
Bugungi tur o‘yinlaridan so‘ng Pro-liga “A” guruhida 2 va 3-o‘rin egalari nomi ham aniq bo‘ldi. “Mash’al” jamoasi 2-o‘rinni naqd qilib ulgurgan bo‘lsa, “Istiqlol” 3-pog‘onaga joylashishi oydinlashdi. Zero, “Istiqlol”dan bir ochko kam jamg‘argan “Surxon” uchun 2018 yilgi mavsum yakunlandi. Termizliklar so‘nggi turda dam olishadi.
Pro-liga “B” guruhida ham sekin-asta musobaqa jadvalining yuqori o‘rinlarini egallaydigan jamoalar oydinlashib bormoqda. Ayni paytda dastlabki 2 ta o‘rinni band etib turgan jamoalar “Nurafshon” va “Sherdor” ertaga o‘zaro bahs olib boradi. Aynan mana shu o‘yin ham ko‘p narsaga oydinlik kiritib beradi.
Ta’kidlash joizki, Pro-ligada so‘nggi – 36-tur o‘yinlari 19-20 noyabr kunlari bo‘lib o‘tadi. So‘ngra har ikki guruhda yuqori pog‘onalarni band etgan jamoalar pley-off bahslarida maydonga tushishadi. Mavsum avvalida aytilgani kabi, PFL har ikki guruh o‘rtasidagi o‘tish o‘yinini o‘tkazishi mumkin, biroq “B” guruhi jamoalarining holati lisenziyalash talablariga mos kelmasa, ular Superligada o‘ynay olmaydi. Bu haqda yil boshidayoq aytib o‘tilgan va shuning uchun ham liga ikkiga ajratilgan.
26-27 noyabr
PLEY-OFF
1-juftlik. Pro-Liga “A” 2-o‘rin – Pro-Liga “V” 2-o‘rin
2- juftlik. Pro-Liga “A” 3-o‘rin – Pro-Liga “V” 1-o‘rin
3 dekabr
PLEY-OFF
Superliga 11-o‘rin –1- juftlik
4 dekabr
PLEY-OFF
Superliga 10-o‘rin – 2- juftlik
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
