Bugun 11 dekabr, 2018 yil, seshanba.

Turnir jadvali

Jamoa O' O
1 Barselona 15 31
2 Sevilya 15 28
3 Atletiko 15 28
4 Real Madrid 15 26
5 Alaves 15 24
6 Levante 15 22
7 Betis 15 22
8 Xetafe 15 21
9 Jirona 15 21
10 Espanyol 15 21
11 Selta 15 20
12 Valyadolid 15 20
13 Real Sosyedad 15 19
14 Eybar 15 19
15 Valensiya 15 18
16 Leganes 15 17
17 Vilyarreal 15 14
18 Atletik Bilbao 15 14
19 Rayo Valyekano 15 10
20 Ueska 15 7

O'tgan o'yinlar.

08/12/18 Leganes 1-1 Xetafe
08/12/18 Atletiko 3-0 Alaves
08/12/18 Valensiya 1-1 Sevilya
08/12/18 Vilyarreal 2-3 Selta
09/12/18 Espanyol 0-4 Barselona
09/12/18 Eybar 4-4 Levante
09/12/18 Ueska 0-1 Real Madrid
09/12/18 Real Sosyedad 1-2 Valyadolid
10/12/18 Betis 2-0 Rayo Valyekano
11/12/18 Atletik Bilbao 1-0 Jirona

So'rovnoma

  • Sizningcha, «Oltin to‘p-2018»ni qo‘lga kiritishga qaysi futbolchi munosib?

  • Natijalar | Jami ovoz: 24760 ta.
  • So'rovnomalar arxivi

TV dasturlar

Blogdagi o‘zgarishlar

Teglar buluti

Xabarlar arxivi

Hamidjon Aktamov: «Navoiylik yosh futbolchilarning kelajakda «Qizilqum» safiga kelib qo‘shilishidan manfaatdormiz»

Baho:
+ | -
O'ZBEK FUTBOLI
Rukn: Intervyular

Qiziqarli va shiddatli kurashlar ostida kechgan uchrashuvlarga boyligi bilan yodda qolgan Superliganing 2018 yilgi mavsumi ham va nihoyat yakuniga yetdi.

Ortda qolgan mavsum milliy chempionatimizda ko‘plab yangiliklar amalga oshirildi. Chempionat formati o‘zgardi, o‘yinlar ikkita bosqichga bo‘lingan holda o‘tkazildi.

Professional Futbol Ligasi endilikda kelasi mavsum uchun tayyorgarlik jarayonini ham boshlab yubordi. Yaqinda “O‘FA va O‘zPFL tomonidan o‘tkaziladigan musobaqalarda ishtirok etuvchi futbol klublarini lisenziyalash va professional futbol klubi maqomini belgilash bo‘yicha reglament” ishlab chiqildi. Klublar ushbu Reglament asosida kelasi mavsum uchun tayyorlab boriladi. 

Ya’ni yaqin yillar ichida o‘z oldiga Pro liga yoki Superligada qatnashishni maqsad qilayotgan har qanday futbol klubi avvalo mazkur Reglamentda ko‘rsatilgan talablarga har tomonlama javob bera oladigan tuzilmaga ega bo‘lishi lozim bo‘ladi.

Klublar oldiga qo‘yilayotgan talablardan eng muhimi – o‘z akademiyasiga ega bo‘lish. Shu va boshqa talablardan to‘liq xabardor bo‘lish maqsadida Navoiyning “Qizilqum” jamoasi bosh murabbiyi Hamidjon Aktamov PFLga tashrif buyurdi va kelasi mavsum rejalarini bafurja muhokama etdi.

Hamidjon Aktamov “Qizilqum” klubining PFL tomonidan qo‘yilayotgan talablar asosida sekin-asta o‘z infratuzilmasini yaxshilab borish niyatida ekanini ta’kidladi.

- Ortda qolgan mavsum juda qiziqarli tarzda kechdi. Mavsum davomida ko‘plab o‘yinlarda umuman kutilmagan natijalar qayd etilganini ta’kidlay olaman. O‘yinlar shiddati oshgani kishini quvontirdi. Qolaversa, 2018 yilda muxlislarning stadionlarga tashrifi chindan ortdi. Bunda o‘yin oldi va tanaffus vaqtida tashkil etilgan turli ko‘ngilochar tadbirlarning o‘rni ham katta bo‘ldi, deb o‘ylayman. Mana shunday konsert, aksiyalarni keyingi yillarda ham davom ettirish tarafdoriman. Zero bu ham muxlislarni stadionlarga jalb etishda o‘z samarasini berishiga 2018 yilgi mavsumda guvoh bo‘ldik.

Ortda qolgan yilda chempionat saviyasini oshirish uchun ancha mehnat qilindi. Aksariyat uchrashuvlar TV orqali to‘g‘ridan-to‘g‘ri efirga uzatildi. Bu – juda yaxshi amaliyot. Zero jamoalarning o‘yinga kela olmagan uzoq joydagi muxlisi ham uchrashuvni jonli ko‘rib, o‘z jamoasi o‘yinini kuzatib turish imkoniga ega bo‘ldi. Lekin shuni ham ta’kidlab o‘tishni istardimki, viloyatlardagi o‘yinlarning ayrimlarida translyasiya sifati u qadar yuqori bo‘lmadi. Masalan, xavfli vaziyatlar takroriy lavhalari ko‘p ham kutilganidek namoyish etilmadi. PFL ushbu jihatni ham inobatga olib, kelasi mavsumda Sport telekanali bilan ushbu masalaga ijobiy yechim topsa yaxshi bo‘lar edi.

Umuman olganda, ortda qolgan mavsumdan taassurotlar yomon bo‘lmadi. Qilinayotgan ishlar milliy futbolimiz, ichki chempionatimiz saviyasini ko‘tarish uchun amalga oshirilayotganini barchamiz ko‘rib turibmiz.

Ayniqsa, “O‘FA va O‘zPFL tomonidan o‘tkaziladigan musobaqalarda ishtirok etuvchi futbol klublarini lisenziyalash va professional futbol klubi maqomini belgilash bo‘yicha reglament” yaqin vaqt ichida klublar infratuzilmasini yaxshilashda o‘z samarasini berishiga ishonch xosil qildim. To‘g‘risini aytsam, PFL rahbariyati oldiga kelib, yangi mavsum rejalarini muhokama etishdan oldin qo‘yilayotgan talablar bajarish uchun biroz mushkuldek tuyulayotgan edi. Lekin barcha o‘zimni qiziqtirgan masalalarni bafurja muhokama qilgach, ushbu talablarni bajarish imkonsiz ish emasligiga amin bo‘ldim.

To‘g‘risi, PFL tomonidan har bir klubning o‘z akademiyasiga ega bo‘lishi lozimligi talab qilinayotganini ijobiy baholayman. Bu futbol poydevorini qo‘yishda juda muhim omil. Biroq futbol akademiyasini qisqa vaqt ichida tashkil etish qiyin ekani bizni biroz o‘ylantirayotgan edi. Aynan shu masalani muhokama etib olishni istagan edim.

PFL klublar oldiga qat’iy talablar qo‘yayotgani bilan, o‘z musobaqasida qatnashadigan jamoalarning ushbu talablarni bajarishida ularga ko‘mak berish niyatida ekanidan ochig‘i juda xursand bo‘ldim. Biz yaqin kelajakda albatta o‘z akademiyamizni quramiz. Biroq bunga sekin-astalik bilan tamal toshini mustahkam tarzda qo‘yib borish niyatidamiz.

Shu sababdan ham endi O‘FA huzuridagi Navoiy viloyati bolalar-o‘smirlar hududiy futbol akademiyasi bilan yosh futbolchilarni tayyorlash bo‘yicha shartnoma imzolaydigan bo‘ldik. O‘zaro shartnomaga ko‘ra, “Qizilqum” klubi ham ayrim majburiyatlarni o‘z zimmasiga oladi. O‘z navbatida ma’lum huquqlarga ega ham bo‘ladi. Eng muhimi – viloyatimizda yosh iste’dodlarni to‘g‘ri yo‘nalishda tarbiyalab, ulardan yaxshi saviyadagi professional o‘yinchi yetishib chiqishida “Qizilqum” klubi ham o‘z munosib xissasini qo‘shish imkoniyatiga ega bo‘ladi. Biz o‘z shahrimiz va uning atrofidan bo‘lgan o‘yinchilarning keyinchalik viloyatimiz bosh jamoasi safiga kelib qo‘shilishidan har tomonlama yutamiz. Bunday o‘zaro manfaatli hamkorlikdan Navoiy viloyatidagi barcha futbolga befarq bo‘lmagan kishilar xursand bo‘lishiga ishonaman, - deya ta’kidladi Hamidjon Aktamov.

Manba: www.pfl.uz
Kiritildi: 10:05, 06.12.2018. O'qildi: 637 marta. Fikrlar: 0 ta.

Bo'limga tegishli boshqa xabarlar


Bilasizmi, Krishtianu Ronaldu o'zining professional faoliyati davomida to'qqiz marta qizil kartochka olib, maydonni erta tark etgan

To'purarlar jadvali

Futbolchi Gol
1 Lionel Messi 11
2 Kristian Stuani 11
3 Yago Aspas 10
4 Luis Suares 10
5 Roxer Marti 8
6 Andre Silva 8
7 Maksi Gomes 8
8 Borxa Iglesias 8
9 Vissam Ben-Yedder 7
10 Usmon Dembele 6

So'nggi xabarlar

Boshqa xabarlar →

Konferensiya

Шуҳрат Шокиржонов

Faqat futbol haqida


Шерзод Ражабов

Kuchli Beshlik


Қаҳрамон Асланов

"Futbol plyus"


Ҳасанали Қодиров

Onlayn savol-javob


barcha konferensiyalar »
© STADION.UZ
Barcha huquqlar himoyalangan. Sayt materiallaridan to'liq yoki qisman foydalanilganda veb-sayt manzili ko'rsatilishi shart.
O'zbekiston matbuot va axborot agentligining internet-OAV guvohnomasi №0917.

Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar.