Jizzax shahridagi "So‘g‘diyona” sport majmuasida 2018 yilda jahon hamda respublikamizda tashkil etilgan musobaqalarda yuqori natijalarni ko‘rsatgan sportchilarni Jizzax viloyat hokimi Ergash Saliyev taqdirladi. Bu haqda viloyat hokimligi Axborot xizmati xabar bermoqda.
Taqdirlash marosimida oldin Paxtakor hamda Yangiobod tumanlarining futbol bo‘yicha jamoalari viloyat hokimi kubogi uchun bahslashdi. Murosasiz kechgan bahsda Yangiobod tumani jamoasi 7-2 hisobida g‘alab qozonib viloyat hokimi kubogi sohibiga aylanishdi.
Shundan so‘ng, viloyatimiz sportchilari viloyat hokimi tomonidan taqdirlanishdi. Viloyatimiz sportchilarining 2018 yildagi natijalariga to‘xtaladigan bo‘lsak sportchilarimiz uchun bu yil sermahsul yil bo‘ldi.
Jumladan, viloyatimiz sportchilari 21 ta xalqaro 75 ta Respublika musobaqalarida qatnishib 6 nafari Xalqaro toifadagi sport ustasi, 24 nafar sport ustasi talabini bajardi 125 sport ustaligiga nomzod va 278 nafar sportchilar 1-darajali sportchi talablarini bajardilar.
Sportchilarimiz tomonidan xalqaro musobaqalarda 21 ta oltin, 17 ta kumush va 16 ta bronza, respublika musobaqalarida 126 ta oltin, 134 ta kumush, 156 ta bronza medallarini qo‘lga kiritishdi.
Joriy yilning 18 avgust 2 sentyabr kunlari Indoneziyaning Jakarta shahrida bo‘lib o‘tgan 18-Osiyo o‘yinlarida viloyatimizdan Boturov Bobousmon boks bo‘yicha Osiyo o‘yinlari g‘olibi bo‘ldi.
25-30 avgust kunlari Vengriyaning Budapesht shahrida boks bo‘yicha yoshlar o‘rtasida bo‘lib o‘tgan jahon chempionatida Tog‘aymurodov Javohir bronza medalni qo‘lga kiritdi.
Koreya davlatining Pusan davlatida o‘tkazilgan 12-qishki parolimpiya o‘yinlarida viloyatimiz vakilasi Xolbekova Yoqutxon ishtirok etib 52 ta davlat orasidan 10 o‘rinni egalladi.
Tailand davlatida o‘tkazilgan Osiyo chempionatida Xolmurodov Samandar va Tog‘aymurodov Javohirlar kumush medaliga sazovor bo‘ldi.
Sportning yengil atletika turidan AQSHning Atlanta shahrida Xalqaro marafonda Xmelevskaya Marina va Toshkent shahrida o‘tkazilgan Markaziy Osiyo chempionatida Umarova Sabina oltin medallarga sazovor bo‘lgan bo‘lsa, Korea davlatining Pusan shahrida sohil kurashi turidan o‘tkazilgan jahon chempionatida Anorova Shohista oltin medal sohibasiga aylandi.
Shaxmat bo‘yicha Toshkent shahrida yoshlar o‘rtasida o‘tkazilgan Osiyo chempionatida Oybekov Ozodjon kumush, Erkinov Muhammadjon bronza medallarni qo‘lga kiritishdi.
Kurash bo‘yicha Hindiston davlatida o‘tkazilgan Osiyo chempionatida O‘razboyeva Adiba oltin, Taekvon-do VTF turidan Tunis shahrida o‘tkazilgan jahon chempionatida Sobirjonova Ozoda kumush hamda Kikboks bo‘yicha Rossiya federasiyasining Anapa shahrida o‘tkazilgan jahon chempionatida Husanov Sardor oltin, Aliyev Begzod bronza medallarga sazovor bo‘lishdi.
Shuningdek, tadbirda futbol bo‘yicha viloyat ikkinchi liga chempionati g‘olibi Zarbdor tumanining "Bo‘ston” jamoasiga ellik million so‘mlik yutuq topshirildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
